Қазақстан Республикасы

45. Апелляция бойынша шешім қабылдау

208. Шешім тек бітіруші апелляцияға берген тапсырма бойынша ғана қабылданады. Апелляцияға берілмеген тапсырмаларды қарап, шешім қабылдауға қатаң тыйым салынады. Апелляция комиссиясының апелляция кезінде нұсқаны және таңдаған пәнді өзгертуге құқығы жоқ. Бұл мәселелер бойынша шешімді мемлекеттік комиссия жауап парақтарын сканерлеу кезеңінде қабылдайды (жауап парақтарының сәйкестендіру хаттамасын қараңыз).

46. Тест тапсырмасының мазмұны бойынша шешім қабылдау
209. Тест тапсырмаларының мазмұны бойынша апелляция мынадай жағдайларда қарастырылады:

тест тапсырмасы дұрыс құрылмаған;
дұрыс жауабы жоқ;
бірнеше дұрыс жауабы бар.

210. Бұл жағдайда балл қосу мына түрде жүргізіледі: апелляциялық комиссия берілген нысан бойынша төмендегі кестені апелляцияны қарау жөніндегі республикалық комиссияға телекоммуникациялық желі арқылы БТМСҰО-ға жібереді. Содан кейін апелляцияны қарау жөніндегі республикалық комиссия шешім қабылдап, өзінің шешімін сол кестедегі бағанға сәйкес енгізеді де, қайтадан ҰБТ ӨП-ке апелляциялық комиссияға жібереді.

№	Бітірушінің аты-жөні	ТЖК	Нұсқа	Пән	Тапсырма №	Дәлелдемесі	Апелл. комиссия шешімі	Республикалық комиссия шешімі
1	2	3	4	5	6	7	8	9

211. Егер бітіруші өзі дұрыс жауап берген тапсырма бойынша апелляцияға өтініш берсе, онда ол тапсырма бойынша апелляциялық комиссия «қанағаттандырылмайды» шешімін қабылдайды.

47. Техникалық себептер бойынша шешім қабылдау
212. Техникалық себептер бойынша апелляция мынадай жағдайларда қарастырылады:

дұрыс жауаптар кодымен дәл келген бір дөңгелекше боялған, ал сканер екі боялған дөңгелекше ретінде оқыған;
дұрыс жауаптар кодымен дәл келген бір дөңгелекше боялған, ал сканер оны оқымаған.

213. Бұл жағдайда апелляция жергілікті жерде қарастырылады. Апелляция комиссиясының төрағасы балл қосылған бітірушінің сұрақ кітапшасын БТМСҰО-ға алып келуі керек.

48. Апелляциялық комиссияның шешімдерін енгізу

214. Апелляциялық комиссия өз шешімін сол апелляция берген өтініш парағында белгілейді (Е-29, Е-30 нысан).

215. Шешімді ДБ-ға енгізу міндетті түрде апелляциялық комиссия төрағасының қатысуымен орындалады.

216. Барлық өтініштер бойынша шешім қабылданғаннан кейін апелляция комиссиясының төрағасы программиске алдыңғы лекті жабуға тапсырма береді.

217. Қарастырып отырған лектің апелляциясын тек берілген өтініштер тізілімінің әр жолының «Апелляция жағдайы» бағанына:

1) келмеді (бітіруші апелляцияға келмесе);

2) жойылды (өтініш жойылса);

3) шешім қабылданды (апелляция қаралса және шешім қабылданса)

сөздерінің бірі жазылса ғана жабуға болады.

49. Апелляциялық комиссиясының хаттамасын басып шығару

218. Апелляция жабылғаннан кейін программист екі данамен:

1) апелляцияға берілген өтініштер тізілімінің соңғы нұсқасын;

2) апелляция комиссиясы отырысының хаттамасын;

3) ҰБТ-ы қорытындысының емтихан ведомосын (апелляцияны есепке алғандағы) басып шығарады.

219. Бір даналары қол қойылып Министрлік өкіліне беріледі, екіншілері ҰБТӨП-тің іс-қағаздарына тіркеледі.

220. Хаттамаға аппеляциялық комиссия төрағасы мен мүшелері, мемлекеттік комиссия төрағасы, сондай-ақ Министрлік өкілі қолдарын қояды.

50. Апелляциялық комиссия жұмысының аяқталуы

221. Апелляциялық комиссияның төрағасы жұмыс аяқталғаннан кейін акты бойынша Министрлік өкіліне: жауап парақтарының түпнұсқаларын, сұрақ кітапшаларын береді.

222. Министрлік өкілі жауап парақтарының түпнұсқаларын олардың өзіндегі көшірмелерімен салыстырады және түпнұсқаларды тиісті конверттерге салады;

223. Апелляция кезеңі аяқталғаннан кейін, апелляциялық комиссиясының төрағасы есеп дайындайды және оған:

апелляцияға берілген өтініштерді тіркеу парағы (Е-19, Е-31 нысан);
апелляцияға өтініштер (Е-29, Е-30);
апелляция бойынша балл қосылған бітірушілердің сұрақ кітапшалары;
апелляцияға қатысқан бітірушілердің жауап парақтарының көшірмесі;
бітірушілердің жауаптарын талдау карталары;
апелляцияға берілген өтініштердің тізілімі (соңғы нұсқасы);
әрбір лек бойынша апелляциялық комиссия отырысының хаттамасы;
апелляцияны есепке алғандағы ҰБТ-ы қорытындысының емтихан ведомостарын қосымша тіркеуі керек.

224. Апелляциялық комиссияның есебі мынадай нысандағы комиссия мүшелерінің жеке есептерінен тұрады:

Пән бойынша апелляция есебі ____________________________________

Тегі, аты, әкесінің аты _______________________________ Лек № ____

Нұсқа №	Тапсырма №	Балл тағайындауға негіздеме

Ескерту: Тек қана балл қосылған тест тапсырмалары ғана көрсетілуі керек. Жауап парағында ақау болған жағдайда «Балл тағайындауға негіздеме» бағанына: «Фрагмент жетіспейді», «Парақтың ақауы бар», «Нашар боялған» жазуларының біреуі енгізіледі

Қолы ____________________

Комиссия төрағасының қолы __________________

51. Сертификаттарды дайындау

225. Апелляция аяқталғаннан кейін программист сертификаттар файлын құрып, ҰБТ ӨП-тің жетекші маманына береді.

226. Сертификаттарды басып шығару үшін екінші компьютерге орнатылатын «Сертификат» деп аталатын АЖО қарастырылған. «Сертификат» АЖО-да сертификаттардың баспаханалық нөмірін автоматты түрде енгізетін арнаулы интерфейс қарастырылған.

227. ҰБТ ӨП –тің жетекші маманы:

1) сертификаттарды басып шығарады;

2) шығарылған сертификаттардың баспаханалық нөмірлерін деректер базасына енгізеді;

3) сертификаттарды тарату тізілімін (Е-24-нысан) басып шығарады.

228. Дайын болған сертификаттарға мемлекеттік комиссияның төрағасы мен Министрлік өкілі қол қойып, базасында ҰБТ ӨП орналасқан ЖОО-ның немесе аудандық (қалалық) білім бөлімдерінің мөрі басылады.

229. Сертификаттар мен сертификаттарды тарату тізіліміндегі мәліметтерді емтихан ведомосымен салыстырғаннан кейін, өкіл тізілімнің әрбір парағына қол қояды.

230. Содан соң өкіл дайын болған сертификаттар мен сертификаттарды беру тізілімін ҰБТ ӨП директорына береді.

231. Тестілеу аяқталған соң мектептің техникалық хатшысы ҰБТ ӨП директорынан ҰБТ-ның қорытындысы бойынша емтихан ведомосын (өз мектебінің), сертификаттарды және сертификаттарды беру тізілімін алады.

232. Бітірушілерге сертификаттар мектепте беріледі және сертификаттарды тарату тізіліміне бітірушілер өз қолдарын қояды.

233. Сертификаттарды беру аяқталғаннан соң, сертификаттарды тарату тізілімі ҰБТ ӨП директорына тапсырылады.

234. Программист нөмірлері қойылған сертификаттар файлын жетекші маманнан қабылдап алып, оны телекоммуникациялық желі арқылы БТСМҰО-ға жібереді.

235. Сертификаттар бітірушілерге тестілеу аяқталғаннан соң үш күннен кейін беріледі, яғни 1-күні – емтихан, 2-күні – апелляция, 3-күні - сертификаттарды даярлау және мөр қою, 4-күні – сертификаттарды тарату.

52. Тестілеу қорытындысы бойынша статистика

236. Тестілеу кезеңінде программист статистикалық деректерді күн сайын телекоммуникациялық желі арқылы БТМСҰО-ға жіберіп отырады.

53. Атқарылған жұмыстар туралы есеп

237. Барлық жұмыстарды аяқтағаннан кейін Министрлік өкілі мен программист БТМСҰО-ға атқарған жұмыстары туралы берілген үлгіде жазбаша есеп береді.

Министрлік өкілінің есебі

ҰБТӨП атауы __________________________________________________

1. Өтініштерді қабылдауды ұйымдастыру

1.1 Өтініштерді қабылдау құжаттарының нормативтік және нұсқамалық құжаттарға сәйкестілігі;

1.2 Ақпараттық тақталардың ресімделуі;

1.3 Қорытындылар мен ұсыныстар.

2. ҰБТ-ны өткізуге дайындық жұмыстары

2.1 Аудиториялардың тестілеуге дайындығы;

2.2 Аудиториялар бойынша кезекешілердің дайындық деңгейі;

2.3 Қорытындылар мен ұсыныстар.

3. Мемлекеттік комиссияның жұмысты ұйымдастыруы

3.1 Комиссия мүшелерінің жұмысқа қатысуы;

3.2 Ерекше жағдайлар бойынша комиссияның шешімі (хаттамалары);

3.3 Қорытындылар мен ұсыныстар.

4. ҰБТ-ны өткізуді ұйымдастыру

4.1 Бітірушілерді кіргізуді ұйымдастыру;

4.2 Тестілеудің басталуы мен аяқталуы (лектер бойынша);

4.3 Емтихан материалдарын жинақтау;

4.4 Лектер бойынша қосымша отырғызылғандар саны;

4.5 Жауап парағын сканерлеу мен сәйкестендіру процестері;

4.6 Дұрыс жауаптар коды және емтихан ведомостарын ілу уақыты;

4.7 Қорытындылар мен ұсыныстар.

5. Қорытынды

5.1 Барлық кезеңдердегі ҰБТӨП-тің іс-әрекеттері (ақпараттар беру, БҒМ-нің, БТМСҰО-ның және т.б. нұсқауларын орындауы);

5.2 ҰБТ-ны жетілдіру жөніндегі ұсыныстар.

Министрлік программисінің есебі
ҰБТӨП ______ _______________________________________________

Операцияның қай түрі cіз үшін қиын болды:

(жағдайы және жетілдіру жөніндегі ұсыныстар)

Программалық қамтамасыз етудің интерфейсін бағалау

2 ⁪

3 ⁪

4 ⁪

5 ⁪

(Жетілдіру жөнінде ұсыныстар)

БТМСҰО-мен байланыс:

(Жағдайы және жетілдіру жөнінде ұсыныстар)

Деректердің программалық деңгейде рұқсатсыз қол сұғудан қорғалуы.

(Жағдайы және жетілдіру жөнінде ұсыныстар).

Деректердің ұйымдастырушылық кезеңінде рұқсатсыз қол сұғудан қорғалуы (Жағдайы және жетілдіру жөнінде ұсыныстар).

Министрлік өкілінің БТМСҰО-ға тапсыратын материалдарының тізімі

1	Пайдаланылмаған жауап парақтары, сертификаттар	№8 ярлык
2	Бүлінген сертификаттар	№9 ярлык
3	Барлық техникалық хатшылардың «Өтініштер бланкілері» папкасы. Папкаға: ҰБТӨП техникалық хатшысының өтініштер журналы. Көшірмесі (Е-09-нысан); бітірушілердің деректерін өзгерту журналы (Е-13-нысан) /егер бар болса/ тігіледі.	№1 ярлык
4	ҰБТӨП өтініштер журналының көшірмесі (Е-10-нысан)	№3 ярлык
5	«Бүлінген және жойылған өтініштер бланкісі» тігілген папка	№2 ярлык
6	«Аудитория материалдары» тігілген папка. Папкаға: бітірушілердің аудиториялық тізімі (Е-12-нысан); отырғызу тізімі (Е-14-нысан); емтихан материалдарын ашу актісі (№6 акт); нұсқаларды тарату парағы (Е-15-нысан); жауап парақтарын сәйкестендіру хаттаммасы (Е-16-нысан); рұқсаттама түбіртегі (Е-04-нысан); жауап парақтары салынады.	№4 ярлык
7	«Лек материалдары» папкасы. Папкаға: аудиториялар бойынша кезекшілер тізімі; кезекшілердің емтихан материалдарын қабылдап-тапсыру актісі (№5 акт) тігіледі.	№5 ярлык
8	«Апелляция материалдары» папкасы. Папкаға: апелляцияға берілген өтініштер тізілімі (Е-20-нысан); апелляция комиссиясы отырысының хаттамасы (Е-22-нысан); бітірушілердің жауаптарын талдау картасы (Е-21-нысан); балл қосылған бітірушілердің сұрақ-кітапшалары; бітірушілердің апелляцияға өтініштері (Е-29, Е-30 нысан) тігіледі.	№6 ярлык
9	«ҰБТ қорытындысының емтихан ведомосы» папкасы. (Е-18, Е-23 нысандар)	№7 ярлык
10	«Сертификаттарды тарату тізілімі» (Е-24-нысан). Тізілімнің әр бетіне өкіл қолын қоюы керек	№10 ярлык

Қажетті материалдардың тізімі

№	Материалдардың атауы
Өтініш қабылдау алдында өзінде болуы қажет:
1	Жалпы орта білім беру ұйымдарындағы оқушылардың үлгерімін ағымдағы бақылау, оларды аралық және қорытынды аттестаттаудың үлгі ережесі
2	Жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі ережесі
3	ҰБТ өткізу технологиясы
4	Ұлттардың, елдердің, мектептердің анықтамалығы
Өтініштер қабыдау кезінде қолданылады:
1	Техникалық хатшылардың тізімі
2	Өтініштерді тіркеу журналы
3	Өтініштер бланкісін сканерлеу кезіндегі анықталатын қателердің түрлері
4	Өтініш бланкілерін сканерлеу есебі
5	Рұқсаттама және рұқсаттама түбіртектері
6	Емтиханға кіру рұқсаттамасын тарату тізілімі
7	ҰБТӨП-тің өтініш журналы
8	Бітірушілердің аудиториялық тізімі
9	Бітірушілердің мәліметтерін өзгерту журналы
Тестілеу кезінде қолданылады:
1	Сұрақ кітапшасы, жауап парағы, жауап парағының көшірмесі және апелляцияға өтініш беру нысаны
2	Отырғызу тізімі
3	Нұсқаларды тарату парағы
4	Жауап парағын сәйкестендіру хаттамасы
5	Дұрыс жауаптар коды
6	ҰБТ қорытындысының емтихан ведомосы
7	Сертификаттарды тарату тізілімі
Апелляция кезінде қолданылады:
1	Апелляцияға өтініштер
2	Апелляцияға өтініштерді тіркеу парағы
3	Апелляцияға берілген өтініштер тізілімі
4	Бітірушінің жауаптарын талдау картасы
5	Апелляцияны есепке алмағандағы ҰБТ қорытындысының емтихан ведомосы
6	Апелляциялық комиссиясы отырысының хаттамасы
Министрлік өкіліне беріледі:
1	Жойылған және бүлінген өтініш бланкілері
2	Сертификаттарды тарату тізілімі (бітірушінің қолы қойылмаған)
3	Бүлінген және пайдаланылмаған сертификаттар
4	Әр лектің емтихан ведомостары (апелляцияны есепке алғандағы және алмағандағы)

<предыдущая страница