Қаржы секторын дамыту жөнiндегi стратегиялық мақсаттар

2020 жылға қарай

қаржы ұйымдарының институционалдық базасы кеңейтiлдi және олардың инвестициялық мүмкiндiктерi ұлғаяды банк секторының сыртқы мiндеттемелерiнiң үлесi оның мiндеттемелерiнiң жиынтық көлемiнде 30%-дан аспайды қаржы нарығы қызметтердiң кең спектрiн ұсынады және инвесторлар мен қаржы қызметтерiн тұтынушылардың арасында сенiмге ие болады отандық қор нарығы Тәуелсiз Мемлекеттер Достастығы мен Орталық Азия елдерiнiң iшiнде ислам банкингiнiң өңiрлiк орталығына айналады

2015 жылға қарай

халықтың жинақтарын тартудың баламалы көздерiн дамыту үшiн жағдайлар жасалады қарай халықтың қаржылық сауаттылығын және инвестициялық мәдениетiн көтеру жөнiндегi iс-шаралар сәттi iске асырылады мемлекеттiк-жеке меншiк әрiптестiк тетiктерiнiң рөлi мен маңыздылығын арттыру жөнiндегi шаралар кешенiнiң iске асырылуы қамтамасыз етiледi

Сенiмдi құқықтық орта қалыптастыру

      Сенiмдi құқықтық ортаға заңның үстемдiк принципiнiң сөзсiз сақталуы арқылы қол жеткiзiледi және ол азаматтар мен кәсiпкерлiк субъектiлердiң өздерiнiң құқықтары мен заңды мүдделерiнiң сөзсiз қорғалуына деген сенiмдiлiгiн, бизнес жүргiзу кезiнде жеке қауiпсiздiгiн сезiнуiн, транзакциялық шығындардың төмен болуын қамтамасыз етедi, iшкi және сыртқы инвестицияларды ынталандырады.

      Ұлттық құқықтық жүйенi жаңғырту және оны үздiк халықаралық практикаға сәйкес келтiру, сондай-ақ адам, кәсiпкерлiк пен мемлекет құқықтарының сенiмдi сақталуын қамтамасыз ету мақсатында келесi салалардағы реформаларға екпiн жасалады:
      сот жүйесiнiң ашықтығын және тәуелсiздiгiн, сот корпусының бейтараптығы мен кәсiбилiгiн арттыру;
      заңнаманы жетiлдiру және норма түзушiлiк сапасын арттыру;
      халықтың құқықтық мәдениетiнiң деңгейiн, оның iшiнде сот және  құқық қорғау органдары қызметкерлерiнiң кәсiби мәдениетiн арттыру және азаматтардың бiлiктi заң көмегiне нақты қол жеткiзуiн қамтамасыз ету.
      Отандық құқықтық жүйенi жаңғыртудың тұжырымды ұстанымдары және оның 2020 жылға дейiнгi дамуының негiзгi бағыттары Қазақстан Республикасының 2010 жылдан 2020 жылға дейiнгi кезеңге арналған құқықтық саясат тұжырымдамасында айқындалған.

Сот жүйесi

      Сот жүйесiн одан әрi реформалау соттардың шынайы тәуелсiздiгi, сот төрелiгiн атқаруға азаматтық қоғамның тиiмдi қоғамдық бақылауы, судьялардың кәсiбилiгi мен бейтараптығы, сот iсiн жүргiзудi оңайлату және тым артық регламенттеудi алып тастау принциптерiмен жүргiзiледi, осының нәтижесiнде қоғамның сот жүйесiне деген жоғарғы сенiмiне қол жеткiзiлiп, соттардың жұмыс iстеу тиiмдiлiгi артады. Сот төрелiгiн атқару кезiнде сот сатылап құрылуының барлық деңгейлерiнде және сатыларында судьялардың тәуелсiздiгiне ұйымдастырушылық-құқықтық кепiлдiктер қамтамасыз етiлетiн болады.

Сот жүйесiн реформалаудың стратегиялық мақсаттары

2020 жылға қарай	Қазақстан Республикасының "соттардың төуелсiздiгi" көрсеткiшi бойынша Дүниежүзiлiк экономикалық форумның Бәсекеге қабiлеттiлiктiң жаһандық индексi рейтингiндегi орны жиырма позицияға жақсарады сот жүйесiнiң тәуелсiздiк және бейтараптық деңгейi Еуропадағы қауiпсiздiк және ынтымақтастық жөнiндегi ұйымының мiндеттемелерiне (адами өлшемдер саласында) сәйкес деп танылады
2015 жылға қарай	тергеу iс-қимылдарын соттық бақылау кеңейтiледi
2013 жылға қарай	жүгiну субъектiлерi iстерiнiң қолжетiмдiлiгiне, қарапайым әрi жедел шешiлуiне кепiлдiк беретiн сот жүйесi құрылады сотта қараудың толықтай жариялылығы мен ашықтығы, оның iшiнде Қазақстан Республикасы Жоғарғы Сотының жария дерек қорында соттардың қорытынды iс жүргiзу шешiмдерiнiң қарар бөлiгiн орналастыру жолымен қамтамасыз етiледi
2012 жылға қарай	судьяларға үмiткерлерге қойылатын бiлiктiлiк талаптары және судьяларға үмiткерлердi iрiктеу рәсiмдерiнiң транспаренттiлiгi (ашықтығы) артады үкiметтiк емес ұйымдардың өкiлдерiн тарта отырып, сот процесiне қатысушылар мен кәсiпқой заңгерлер арасында жүргiзiлетiн, алынған нәтижелердiң жариялылығын және соттар мен судьялардың рейтингiлерiн құруды көздейтiн мерзiмдi әлеуметтiк зерттеулермен барлық соттарды барабар қамту қамтамасыз етiледi
2011 жылға қарай	соттардың мамандануы олардың өкiлеттiктерi нақты ажыратыла отырып кеңейтiлдi, оңайлатылған iс жүргiзу институттары дамуда жеке меншiк сот орындаушылар институтын енгiзе отырып, сот шешiмдерiн орындаудың аралас моделi енгiзiледi

Заңнаманы және норма шығаруды жетiлдiру

      Мыналар заңнаманы және норма шығаруды жетiлдiрудiң негiзгi бағыттары болады:

      Қазақстанның заңнамалық базасының тұрақтылығы мен қолжетiмдiлiгiн қамтамасыз ету, оның сапасын арттыру және ескiрген жене қайталайтын нормаларды алып тастау, құқықтық реттеудегi олқылықтарды жою және сiлтеме нормаларды азайту, тiкелей қолданылатын заңдарды қабылдау практикасын кеңейту арқылы жүйелеу;
      нормативтiк құқықтық актiлердi әзiрлеуге тәуелсiз сарапшыларды, үкiметтiк емес сектордың өкiлдерiн кеңiрек тарту, осы саладағы озық бiлiмдердi пайдалана отырып, салалық ғылыми сараптамаларды және сыбайлас жемқорлыққа қарсы сараптама жүргiзу негiзiнде норма түзушiлiк процесiндегi кәсiбилiктi күшейту.

Заңнаманы және норма шығаруды жетiлдiрудiң стратегиялық
мақсаттары

2020 жылға қарай	нормативтiк құқықтық актiлер жобаларының сапасын бағалаудың халықаралық стандарттарына және оларды барлық тараптардың мүдделерiн теңдестiрiп ескеруге мүмкiндiк беретiн жария түрде талқылау рәсiмдерiне негiзделген заң шығарудың тиiмдi тетiктерi енгiзiледi
2012 жылға қарай	"электрондық үкiмет" инфрақұрылымы шеңберiнде және мемлекеттiк құпиялар туралы заңнама талаптарының сақталуын ескерiп, нормативтiк құқықтық актiлердiң жүйелендiрiлген әрi түпкiлiктi деректер базасына жалпыға бiрдей тегiн қол жеткiзу қамтамасыз етiледi тәуелсiз сарапшыларды, үкiметтiк емес сектордың өкiлдерiн кеңiрек тарту, осы саладағы озық бiлiмдердi пайдалана отырып, салалық ғылыми сараптамаларды және сыбайлас жемқорлыққа қарсы сараптама жүргiзу негiзiнде норма түзушiлiк сапасын арттыру жөнiндегi тетiктер енгiзiлдi; заң жобаларын әзiрлеу сапасының өлшемдерi әзiрленедi қылмыстық заңнаманы, оның iшiнде кiшiгiрiм және орта ауырлықтағы қылмысты алғаш рет жасаған адамдарға және әлеуметтiк осал азаматтарға қатысты, сондай-ақ кiшiгiрiм ауырлықтағы қылмыстарға жататын құқық бұзушылықтарды оларды әкiмшiлiк және азаматтық-құқықтық жауапкершiлiк саласына өткiзу жолымен қылмыстық сипаттан арылту арқылы қылмыстық заңнаманы кешендi iзгiлендiру жүргiзiледi заңды тұлғалардың банкроттық тетiктерi жетiлдiрiледi
2011 жылға қарай	ескiрген және қайталайтын нормаларды алып тастауға, сондай-ақ құқықтық реттеудегi олқылықтарды жоюға мүмкiндiк беретiн заңнамалық актiлердiң құқықтық мониторингi енгiзiледi Қазақстанда мүдделiк қолдау институтының жұмыс iстеуi үшiн құқықтық негiз жасалады, корпоративтiк мүдделердi iлгерiлетудiң сыбайлас жемқорлық схемасын жоятын тетiктер регламенттеледi контрактация тәуекелдерiн тәуелсiз бағалау институттарын (рейтингтiк агенттiктердi, кредиттiк бюроларды) және корпоративтiк дауларды оңайлатылған шешу институттарын (аралық соттарды, коллекторлық агенттiктердi) одан әрi дамыту тұжырымдамасы әзiрленедi

Құқықтық мәдениет және азаматтардың бiлiктi заң көмегiне
қолжетiмдiлiгi

      Құқықтық мәдениеттiң жоғары болуы азаматтардың құқықтық бағдарлануын қамтамасыз етедi және кез келген заңдылық бұзушылықтарға, оның iшiнде азаматтардың құқықтары мен бостандықтарының бұзылуына төзбеуiн қалыптастырады. Ол, ең алдымен, халықтың құқықтық санасын дамыту деңгейiне байланысты.

      Азаматтардың құқықтық санасының деңгейiн арттыру үшiн мемлекеттiң негiзгi күш-жiгерi құқықтық насихатты (қоғамдық заң бiлiмiн жандандыру) кеңейтуге және азаматтық қоғамның тиiмдi институттарын дамытуға бағытталады.
      Қазақстандық қоғамның жоғары құқықтық мәдениетiн қалыптастыру шеңберiнде адвокаттардың, сот және құқық қорғау органдары қызметкерлерiнiң кәсiби мәдениетiнiң деңгейiн арттыруға, олардың сапалы кәсiби даярлығына ерекше көңiл бөлiнедi.
      Бұл ретте таяудағы онжылдықта мемлекет халықтың бiлiктi заң көмегiне қол жеткiзуiн кеңейту үшiн барлық қажеттi жағдайларды жасайды.

Халықтың құқықтық мәдениетiнiң деңгейiн арттыру жәнеазаматтардың бiлiктi заң көмегiне нақты қол жеткiзуiн
қамтамасыз ету жөнiндегi стратегиялық мақсаттар

2020 жылға қарай	Қазақстанның әрбiр азаматы үшiн мүлiктiк жағдайына қарамастан бiлiктi заң көмегiн беру тетiктерiн жетiлдiру есебiнен бiлiктi заң көмегiне нақты қолжетiмдiлiгi қамтамасыз етiледi кәсiби заңгерлер мен адвокаттардың бiлiктiлiгi жоғары қызметтерi нарығы құрылады
2013 жылға қарай	Қазақстан Республикасы азаматтарының бiлiктi заң көмегiн алу тетiктерiн жетiлдiру жөнiндегi кешендi жоспар әзiрленедi
2012 жылға қарай	халықтың құқықтық мәдениетiн арттыру шеңберiнде азаматтық қоғам институттарының орнықты дамуы үшiн қажеттi құқықтық база қалыптасады Қазақстан азаматтарының құқықтық мәдениетiн, оның iшiнде құқықтық насихатты кеңейту және заң бiлiмiнiң сапасын арттыру арқылы көтеру жөнiндегi кешендi жоспар әзiрленедi

Түйiндi бағыт: экономиканы әртараптандыруды жеделдету

      Стратегиялық жоспар-2020-ны iске асыру кезеңiнде үдемелi индустрияландыру жолымен экономиканы әртараптандыру жеделдетiледi.

      Экономиканың өнiмдiлiгiн кешендi арттыруға бағытталған елдi индустрияландыру келесi бағыттар бойынша iске асырылатын болады:
      шикiзат өндiрiстерiнiң кейiннен барынша жоғары қайта бөлiстерге өтуiмен, дәстүрлi салаларды: мұнай-газ секторын, тау-кен-металлургия кешенiн, атом және химиялық өнеркәсiптi дамыту;
      жер қойнауын пайдаланушылардың, ұлттық компаниялар мен мемлекеттiң сұранысына негiзделген секторларды: мәшине жасауды, құрылыс индустриясын, қорғаныс өнеркәсiбiн, фармацевтиканы дамыту;
      шикiзат секторына байланысты емес және көп жағдайда экспортқа бағытталған өндiрiстердi: агроөнеркәсiптiк кешендi, жеңiл өнеркәсiптi, туризмдi дамыту;
      әлемдiк экономикада кейiнгi 15-20 жылда басым рөл атқаратын "болашақ экономика" секторларын: ақпараттық және коммуникациялық технологияларды, биотехнологияларды, баламалы энергетиканы дамыту.
      Қазақстанды индустрияландыру қолайлы экономикалық ортаны қалыптастырумен және табысты иңдустрияландыру қағидаттарын сақтаумен бiрге жүредi.

Қолайлы экономикалық орта қалыптастыру

      Қолайлы экономикалық ортаға ұтымды макроэкономикалық саясатпен, тиiмсiз жобаларға қарсы iс-қимыл жүйесiн құрумен, ұлттық инновациялық жүйенi қалыптастырумен, оның iшiнде ғылыми зерттеулер мен тәжiрибелiк-конструкторлық жобалар (ҒЗТКЖ) жүйесiн жетiлдiрумен қолдау жасалады.

Экономиканы әртараптандыруды қолдау үшiн макроэкономикалық
басқару

      Қазақстан шикiзат ресурстарын iрi экспорттаушы ретiнде шикiзатты экспорттаудан түсетiн қаржыны пайдалану мен экономиканың барлық салаларында дамуға ықпал ететiн макроэкономикалық жағдайларды жасау арасыңдағы теңгерiмдi қамтамасыз етедi.

      Табиғи ресурстардан түскен пайданы тез жұмсау валютаның айырбас бағамын жоғарылатады және "экономиканың саудаласпайтын салаларын" (қаржы секторы, жылжымайтын мүлiкпен операциялар және қызмет көрсету саласы) дамытуға жетелейдi. Қазақстанда валюталық бағамды бақылаудың жоғалуынан өз кезiнде жанданған агроөнеркәсiптiк кешеннiң және өңдеушi өнеркәсiптiң iс жүзiнде жоғалуына тап болған ресурстарға бай басқа елдердiң тәжiрибесi ескерiледi.
      Осыны ескере отырып оның сақтандырушы қызметiнiң күшейтiлуiмен Қазақстан Республикасы Ұлттық қорын қолдану тұжырымдамасы жетiлдiрiлетiн болады.

Тиiмсiз жобаларға қарсы iс-қимыл

      Экономиканы әртараптандыруды жеделдету үдерiсiнде мемлекет тиiмсiз жобалардың iске асырылуына қарсы тұрады. Әртараптандыруда мемлекеттiк қаржыны жұмсау үдерiсiнiң ашықтығы артады. Мемлекеттiк қаржыны алатын барлық жобалар үшiн қаржылық және экономикалық рентабельдiлiк стандарттары енгiзiледi. Шет елдердiң оң тәжiрибесiн ескере отырып мемлекет қаржыландыратын инвестициялық жобаларды бағалау күшейтiледi.

Ұлттық инновациялық жүйенi құру

      Шетелдiк тәжiрибенi талдау әлемнiң барлық үздiк инновациялық жүйелерi көп жағдайда елеулi мемлекеттiк қолдауға ие болатындығын айғақтайды.

      Экономиканы әртараптандыру шеңберiнде мемлекет ұлттық инновациялық жүйенiң қалыптасуын мынадай принциптерде қамтамасыз етедi:
      1) әлемдiк деңгейдегi университеттер құру және ҒЗТКЖ-ның озық жүйесiн қалыптастыру үшiн университеттiк ғылымды одан әрi дамыту;
      2) гранттар жүйесi негiзiнде мемлекет үшiн басым ҒЗТКЖ қаржыландыру. Елдiң индустрияландыру басымдықтарына сәйкес ҒЗТКЖ басымдықтарын айқындауды Қазақстан Республикасы Үкiметiнiң жанындағы Жоғары ғылыми-техникалық комиссия жүзеге асырады;
      3) шетел мамандарын қоса алғанда, сарапшыларды тарта отырып, гранттарға өтiнiмдердi бағалаудың транспаренттiк үдерiсiн енгiзу;
      4) ұлттық қажеттiлiктерге бейiмделген тиiмдi шетелдiк технологияларды қолдану.

Табысты индустрияландыру қағидаттары

      Қазақстанды индустрияландыру мынадай қағидаттарға негiзделедi:

      1) мемлекеттiк және жеке меншiк секторлардың рөлдерiн нақты анықтау;
      2) компаниялар мен мемлекеттiк органдардың қызметiнiң ашықтығын барынша арттыру;
      3) тауарлар сапасы және жұмыстар мен қызмет көрсетулердiң өнiмдiлiгi өсуiнiң, олардың құнын төмендетудiң жетекшi факторы ретiнде бәсекелестiктi қамтамасыз ету.
      Елдiң экономикалық мүдделерiн қорғау мен жылжытудың сенiмдi жүйесiн қалыптастыру, отандық тауарлар мен қызмет көрсетулер үшiн сыртқы рыноктарға қолжетiмдiлiк жасау және жосықсыз бәсекелестiктi жою мақсатында тиiмдi сауда саясаты жүргiзiледi.
      Өзара сауданы дамыту, отандық өнiмдердiң бәсекеге қабiлеттiгiн арттыру мен инвестициялардың өсуiне жәрдемдесу мақсатында Қазақстан ТМД-дағы ықпалдасу үдерiстерiнiң белсендi қатысушысы болады. 2010 жылдың 1 қаңтарынан бастап күшiне енген Ресеймен және Беларусьпен Кеден одағының қалыптасуы мен дамуы серпiндi жоба болады. Үш елдiң ықпалдасуының келесi кезеңi 2012 жылғы 1 қаңтардан бастап Бiрыңғай экономикалық кеңiстiктi қалыптастыру болады.
      ТМД-дағы өңiрлiк экономикалық бiрлестiктердi қолдай отырып, республика Бүкiләлемдiк сауда ұйымына елдiң экономикалық даму басымдықтарына жауап беретiн шарттарда кiру үдерiстерiн жеделдетедi.

Әртараптандырудың басымдықтары

      Бiрiншi сатыда (2010-2014 жылдар) отандық экономиканы үдемелi әртараптандыру, бiрiншi кезекте, жетi бағыт бойынша iске асырылады. Бұл — агроөнеркәсiптiк кешен және ауыл шаруашылығы өнiмдерiн қайта өңдеу; құрылыс индустриясы және құрылыс материалдарының өндiрiсi; мұнайды қайта өңдеу жене мұнай-газ саласының инфрақұрылымы; металлургия және дайын металл өнiмдерiн өндiру; химия, фармацевтика және қорғаныс өнеркәсiбi; энергетика; көлiк жене телекоммуникациялар.

      Осы бағыттар, сондай-ақ туризм индустриясы және мәшине жасау Қазақстан Республикасының 2010-2014 жылдарға арналған үдемелi индустриялық-инновациялық дамудың мемлекеттiк бағдарламасының басымдықтары болады.
      Екiншi сатыда (2015-2019 жылдар) әртараптандырудың басым бағыттары мен түйiндi көрсеткiштерi Қазақстан Республикасының 2010-2014 жылдарға арналған үдемелi индустриялық-инновациялық дамудың мемлекеттiк бағдарламасын iске асыру нәтижелерiн ескере отырып анықталатын болады.
      Экономиканы жемiстi әртараптандыру республиканың орнықты дамуымен, соның iшiнде:
      жаңартылатын ресурстар мен энергия көздерi негiзiнде қазiргi заманғы технологияларды енгiзу, жел энергетикасының, күн және геотермалдық энергетиканың дамуы үшiн ынталандырушы жағдайлар жасалады, су ресурстарын бiрiгiп басқару принциптерiн ескере отырып, елдiң су ресурстарын тиiмдi пайдалану технологиялары енгiзiледi, сондай-ақ халықты ауыз сумен қамтамасыз ету жөнiнде одан әрi күш-жiгер жұмсалады;
      инвестициялар тарту, экологиялық проблемаларды шешу, антропогендiк ауыртпалықтардың келеңсiз әсерiн азайту, табиғатты пайдаланушылардың қоршаған ортаға эмиссияны азайту жөнiндегi жауапкершiлiгiн күшейту, қалдықтарды кешендi қайта өңдеу мәселелерiн де қамти отырып орнықты дамуды басқару жүйесiн оңтайландыру және көмiрлiлiгi төмен экономиканың "жасыл" саясатын енгiзу жолымен үздiксiз байланысты.
      Экономиканы әртараптандыру экономикалық әлеуеттiң ұтымды аумақтық ұйымдастырылуын құру мен халықтың тыныс-тiршiлiгi үшiн қолайлы жағдайлар жасау мақсатында экономикалық өсу орталықтарын қалыптастыру жөнiндегi жоспарлармен үйлестiрiледi.
      Қазақстанның елордасы — Астананың одан әрi дамуына ерекше мән берiлетiн болады. Астана қаласының орнықты дамуының 2030 жылға дейiнгi бекiтiлген стратегиялық жоспарына сәйкес басты мақсаты Қазақстанның астанасын бәсекеге қабiлеттi экономикасы, ел азаматтары мен туристер үшiн тартымды, қолайлы қоршаған ортасы бар қала ретiнде қалыптастыру болып табылады. Стратегиялық жоспар-2020 iске асыру кезеңiнде Астана қаласының 2030 жылға қарай әлемнiң ең бәсекеге қабiлеттi отыз қаласының қатарына кiру үшiн қажеттi жағдайлар жасалады.
      Елдiң басқа аймақтарын дамыту жөнiндегi, олардың экономикалық әлеуетiн нығайтуға бағытталған шаралар қабылданатын болады.

Экономиканы әртараптандырудың стратегиялық мақсаттары

2020 жылға қарай

IЖӨ құрылымындағы өңдеу өнеркәсiбiнiң үлесi кемiнде 13%-ды құрайды жалпы экспорт көлемiндегi шикiзаттық емес экспорттың үлесi кемiнде 45%-ды құрайды шикiзаттық емес экспорттың көлемi өңдеу өнеркәсiбiнiң жиынтық өндiрiсiнiң кемiнде 50%-ын құрайды өңдеу өнеркәсiбiндегi еңбек өнiмдiлiгi кем дегенде 2 есеге ұлғаяды агроөнеркәсiптiк кешендегi еңбек өнiмдiлiгi кемiнде 4 есеге ұлғаяды шикiзаттық емес сектордың өзiндiк құнындағы көлiктiк шығыстардың үлесi кемiнде 15%-ға қысқарады IЖӨ энергия сыйымдылығы кемiнде 25%-ға азаяды инновациялық белсендi кәсiпорындар үлесi 20%-ға дейiн ұлғаяды

2015 жылға қарай

IЖӨ құрылымындағы өңдеу өнеркәсiбiнiң үлесi кемiнде 12,5%-ды құрайды жалпы экспорт көлемiндегi шикiзаттық емес экспорттың үлесi кемiнде 40%-ды құрайды шикiзаттық емес экспорттың көлемi өңдеу өнеркәсiбiнiң жиынтық өндiрiсiнiң кемiнде 43%-ын құрайды өңдеу өнеркәсiбiндегi еңбек өнiмдiлiгi кемiнде 1,5 есеге ұлғаяды агроөнеркәсiптiк кешендегi еңбек өнiмдiлiгi кемiнде 2 есеге ұлғаяды шикiзаттық емес сектордың өзiндiк құнындағы көлiктiк шығыстардың үлесi кемiнде 8%-ға қысқарады IЖӨ энергия сыйымдылығы кемiнде 10%-ға азаяды инновациялық белсендi кәсiпорындар үлесi 10%-ға дейiн ұлғаяды

Агроөнеркәсiптiк кешен және ауыл шаруашылығы өнiмдерiн
қайта өңдеу

      Жер ресурстарына бай Қазақстанның ауыл шаруашылығы өндiрiсiн дамыту жағынан ұзақ мерзiмдi салыстырмалы басымдығы бар. Ауыл шаруашылығының өнiмдiлiгiн арттыру және ауылшаруашылық қайта өңдеудегi қосылған құнды ұлғайту жөнiндегi жұмыс жалғасады. Ауыл шаруашылығында суды тиiмдi пайдаланудың артуымен қатар, өсiмдiк шаруашылығының жаһандық жылынуының ықтимал салдарларына бейiмделу шаралары iске асырылады.

      Ауылдық жерлерде ел халқының шамамен 50 %-ы тұратындығын ескере отырып аграрлық саланы дамыту ауылда тұратын халықтың өмiр сапасын арттырудың шешушi факторы болып табылады. Осыған байланысты ауылдың әлеуметтiк жене инженерлiк инфрақұрылымын дамыту, оңтайлы ауылдық орналастыруды модельдеу жұмысы жалғасады.

Ауыл шаруашылығы саласындағы стратегиялық мақсаттар

2015 жылға қарай

экспорттың жалпы көлемiнде аграрлық саланың экспорттық әлеуетi 8%-ға дейiн ұлғаяды агроөнеркәсiптiк кешендегi еңбек өнiмдiлiгi кемiнде 2 есеге ұлғаяды еттi қайта өңдеу 27%-ға дейiн, сүт — 40%-ға дейiн, жемiс және көкөнiс — 12%-ға дейiн ұлғаяды

Құрылыс индустриясы және құрылыс материалдарының өндiрiсi

      Экономиканың өсуiмен құрылыс қызметтерi мен құрылыс материалдарына деген сұраныс артады. Құрылыс материалдарының 50 %-ы елге импортталатынын ескерсек, құрылыс индустриясының және құрылыс материалдары өндiрiсiнiң дамуына зор мүмкiндiктер бар.

Құрылыс саласындағы стратегиялық мақсаттар

2015 жылға қарай

құрылыс материалдарының 80 %-ы ел iшiнде шығарылады, құрылыс және құрылыс материалдарының жалпы өндiрiсiнiң 20%-ы экспортталады

Мұнайды қайта өңдеу және мұнай-газ саласының инфрақұрылымы

      Елдiң бай минералдық ресурстары мұнай мен газ экспортының өсуiне ғана мүмкiндiк туғызбайды. Жаңа құбыржолдарды салумен қатар мұнай және газды қайта өңдеу секторы, оның iшiнде интеграцияланған газ-химия кешенiн салу есебiнен дамитын болады.

Мұнайды қайта өңдеу және мұнай-газ секторының инфрақұрылымы
саласындағы стратегиялық мақсаттар

2014 жылға қарай	отандық мұнай өңдеу зауыттарымен елдiң отынға деген сұранысы толық қанағаттандырылады
2012 жылға қарай	Бейнеу—Бозой—Ақбұлақ газ құбыры елдiң оңтүстiгiн жылына 5 млрд. текше метр көлемде газбен қамтамасыз етедi

Металлургия және дайын металл өнiмдерiн өндiру

      Металл рудаларының зор қорларына ие бола отырып, Қазақстанда дайын металлургиялық өнiмдердiң отандық өндiрiсiн дамыту үшiн барлық мүмкiндiктер бар.

Металлургия саласындағы стратегиялық мақсаттар

2015 жылға қарай

металлургиялық өнiм өндiрiсi мен экспорты екi есе өседi

Химия, фармацевтика және қорғаныс өнеркәсiбi

      Химия өндiрiсiн дамыту мақсатында 18 жоба iске асырылуда. Химия өнеркәсiбiн одан әрi дамыту органикалық химия мен полимерлер, органикалық емес химия, арнайы химикаттар мен тұтыну химиясының базалық өнiмдерi өндiрiсiмен байланысты болады. Фармацевтика өндiрiсi дамиды. Қорғаныс өнеркәсiбiнде елдiң Қорғаныс Күштерiн жаңарту бағдарламалары жүзеге асырылады.

<предыдущая страница | следующая страница>