Денсаулық сақтауды қаржыландыру және басқару жүйесiн жетiлдiру
жөнiндегi стратегиялық мақсаттар

2020 жылға қарай	денсаулық сақтауды қаржыландыру және медициналық қызметтерге ақы төлеудiң тиiмдi жүйесi құрылады денсаулық сақтауды басқарудың халықаралық стандарттарға сәйкес келетiн, қазiргi заманғы және тиiмдi жүйесi құрылады азаматтардың өз денсаулығы үшiн ортақ жауапкершiлiктi арттырудың жаңа тетiктерi енгiзiледi
2015 жылға қарай	дәрiгердi және медициналық ұйымды еркiн таңдау жүйесi енгiзiледi республика азаматтары үшiн тұратын мекен-жайынан тәуелсiз тегiн медициналық көмектiң кепiлдiк берiлген көлемi (ТМККК) шеңберiнде медициналық қызметтердi алуда тең жағдайлар жасалады халықтың жеке бейресми төлемдерiнiң деңгейi төмендейдi және қолданыстағы ТМККК жүйесiмен катар тең төлеу тетiгi енгiзiледi денсаулыққа салынған инвестициялардың тиiмдiлiгiн бағалау жүйесi әзiрленедi тиiмдi тарифтiк саясат енгiзiледi
2013 жылға қарай	Қазақстан Республикасында денсаулықты сақтаудың бiрыңғай ұлттық жүйесi қалыптастырылады

Медициналық қызмет көрсетудi жетiлдiру жөнiндегi
стратегиялық мақсаттар

2020 жылға қарай	бастапқы медициналық-санитарлық көмекке (БМСК) жұмсалатын шығыстар деңгейi ТМККК-ге бөлiнген қаражаттың жалпы көлемiнiң 40 %-ға дейiн жеткiзiледi стационарлық көмек көрсететiн денсаулық сақтау ұйымдары жұмысының негiзгi көрсеткiштерi (төсек айналымы, болудың орташа ұзақтығы және т.б.) тиiмдiлiктiң халықаралық стандарттарына сәйкес келедi
2015 жылға қарай	БМСК шеңберiнде медициналық қызметтердiң 30 %-ын жалпы практикасы бар дәрiгерлер көрсетедi стационарлық көмек негiзiнен көп бейiндi ауруханаларда көрсетiледi

Дәрiлiк заттардың қолжетiмдiлiгi мен сапасын арттыру жөнiндегi
стратегиялық мақсаттар

2020 жылға қарай	ТМККК шеңберiнде дәрiлiк заттармен және медициналық мақсаттағы бұйымдармен қамтамасыз етудiң тиiмдi жүйесi құрылады
2015 жылға қарай	ТМККК шеңберiнде қолданылатын дәрiлiк заттар мен медициналық мақсаттағы бұйымдарға қол-жетiмдiлiк, әсiресе ауылдық жерлерде арттырылады денсаулық сақтау мемлекеттiк ұйымдары сатып алатын дәрiлiк заттардың бағаларына мемлекеттiк реттеу енгiзiледi

Саламатты өмiр салты саласындағы стратегиялық мақсаттар

2020 жылға қарай	қоғамда саламатты өмiр салтын қалыптастыру идеологиясы қалыптасады дене тәрбиесiмен және спортпен айналысатын азаматтарды қамту 30%-ға дейiн ұлғаяды дене тәрбиесiмен және спортпен айналысатын балалар мен жасөспiрiмдердi қамту 15%-ға дейiн ұлғаяды
2015 жылға қарай	дене тәрбиесiмен және спортпен айналысатын азаматтарды қамту 25%-ға дейiн ұлғаяды дене тәрбиесiмен және спортпен айналысатын балалар мен жасөспiрiмдердi қамту 12%-ға дейiн ұлғаяды халық арасында темекi тарту, нашақорлық және алкоголь iшiмдiктерiн iшу 15%-ға азаяды

Еңбек ресурстары

      Экономиканы әртараптандыру жөнiндегi жоспарларды iске асыру қажеттi дағдысы бар еңбек ресурстарын арттыруды талап етедi. Олардың ұзақ мерзiмдi өсуi халық санының өсуiмен қамтамасыз етiлетiн болады. Халықтың табиғи өсiмi мен көшi-қонның жағымды сальдосы демографиялық көрсеткiштердi жақсартады.

      Бiлiм беру мен денсаулық сақтаудағы қайта құрулардан басқа, мемлекеттiң ерекше назары еңбек қызметiн қауiпсiз жағдайлармен қамтамасыз етуге, елге бiлiктi мамандардың, оның iшiнде тарихи Отанына қайтып келгiсi келетiн отандастардың келуiне жағдай жасайтын көшi-қон саясатын жүзеге асыру арқылы көшi-қон үдерiстерiн ұтымды басқаруға және экономиканың дамуына өзiнiң үлесiн қосуына ерекше көңiл бөлiнетiн болады.
      Мемлекет еңбек ресурстарының экономиканың заңды секторына өтуi үшiн қосымша ынталандыруларды қалыптастырады.

Еңбек ресурстарының санын ұлғайту жөнiндегi
стратегиялық мақсаттар

2020 жылға қарай	Қазақстан халқы санының өсуi 10 %-дан кем емес көрсеткiштi құрайтын болады шетел жұмыс күшiн қатыстырудың мемлекеттiк квотасы шеңберiнде иммигранттар арасында бiлiктi мамандардың өсуi — 50 %-ға дейiн қамтамасыз етiледi еңбекке қабiлеттi жастағы этностық репатрианттардың 80 %-ын жұмысқа орналастыру үшiн жағдайлар жасалады
2015 жылға қарай	шетел жұмыс күшiн қатыстыруға мемлекеттiк рұқсаттарды, оның iшiнде маусымдық рұқсаттарды берудiң икемдi жүйесi енгiзiледi еңбекке қабiлеттi жастағы этностық репатрианттардың 40 %-ын жұмысқа орналастыру үшiн жағдайлар жасалады

Түйiндi бағыт: азаматтарға қызмет көрсету

      Мемлекет азаматтардың мұқтаж санаттары үшiн тиiмдi әлеуметтiк қорғау жүйесiн құруды жалғастырады, сонымен қатар, тұрғын үй-коммуналдық шаруашылық қызметiнiң — электр энергиясы, жылыту, сумен қамтамасыз ету, су бөлу (канализация), газбен қамтамасыз етудiң  қолжетiмдiлiгi мен сапасын арттыруды қамтамасыз етедi.

      Әлеуметтiк және тұрғын үй-коммуналдық қызметтердi көрсету мемлекеттiк басқарудың әр түрлi деңгейлерiнде мемлекеттiк органдардың қызметiн айтарлықтай үйлестiрудi және қызметтердiң бекiтiлген стандарттарға сәйкес көрсетiлуi үшiн жауаптылықты жоғарылатуды қажет етедi.

Халықты әлеуметтiк қорғау

      Әлеуметтiк тұрақтылықты нығайту мақсатында атаулылық пен тиiмдiлiкке негiзделген масылдықты ынталандырмайтын әлеуметтiк қорғау жүйесiн құру жалғастырылады.

      Әлеуметтiк қамтамасыз етудiң көп сатылы жүйесi барынша жетiлдiрiледi және осы заманғы стандарттар мен Қазақстандағы өмiр сүру деңгейiне сәйкес болады. Базалық төлемдердi көтеру, ортақ зейнетақы және жинақтаушы зейнетақы жүйесiнен төленетiн зейнетақы төлемдерiнiң деңгейiн сатылы түрде көтеру, халықты әлеуметтiк сақтандыру жүйесiмен қамтамасыз ету егде жастағы азаматтар, мүгедектер, асыраушысынан айырылған адамдар және өзге де әлеуметтiк қатерлерге ұшыраған азаматтар үшiн лайықты тұрмыс жағдайын қамтамасыз етедi.
      Атаулы әлеуметтiк көмек және халықтың әлжуаз санаттарын қолдау жүйесiнiң одан әрi дамуы қоғамдық тәуекелдi төмендетуге және кедейлiктi белсендi еңсеру мүмкiндiгiн кеңейтуге бағытталатын болады. Осыған байланысты өнiмдi жұмыспен қамтылуды ынталандыруға, еңбекке қабiлеттi халықтың жұмыспен қамтылуының жалпы деңгейiн арттыруға және жұмыссыздықты азайтуға бағытталған шаралар кешенi iске асырылатын болады.
      Қоғамдық қызмет көрсету саласының кеңеюiне елеулi мән берiлетiн болады. Мемлекеттiк стандарттарды енгiзу мен арнайы қоғамдық қызмет көрсету саласының сапасын арттыру, бәсекелес ортаны дамыту және азаматтық қоғамның мүмкiндiгiн кеңiнен пайдалану мұқтаж адамдардың өмiр сүру деңгейiн көтеруге мүмкiндiк бередi.

Өнiмдi жұмыспен қамтуға жәрдемдесу жөнiндегi
стратегиялық мақсаттар

2020 жылға қарай	жұмыссыздық 5%-дан төмен деңгейде болады халық арасыңдағы жұмыспен қамтамасыз етiлген жоғары санаты бар жұмыс күшiнiң үлес салмағы 50%-ға дейiн өседi iрi және орта кәсiпорындардың ұжымдық-еңбек қатынастары жүйесi 90-95 пайызға қамтамасыз етiледi
2015 жылға қарай	жұмыссыздық 5,5% деңгейiне дейiн қысқарады еңбек ресурстарын кәсiби дайындаудың үш сатылы жүйесi енгiзiледi жұмыспен қамту органдарына көмек сұрап келген адамдардың кем дегенде 70%-ы жұмысқа орналастырылады

Әлеуметтiк қамтамасыздандыру саласындағы стратегиялық мақсаттар

2020 жылға қарай	зейнетақы жүйесiнiң барлық деңгейлерiнде зейнетақының барабар және әлеуметтiк әдiл деңгейi қамтамасыз етiледi жинақтаушы зейнетақы жүйесiмен жалдамалы қызметкерлердi 100 пайыз және өзiн-өзi жұмыспен қамтыған адамдарды 40 пайыз қамтуға қол жеткiзiледi
2015 жылға қарай	базалық зейнетақы төлемiнiң мөлшерi өмiр сүру деңгейiнiң ең төменгi мөлшерiне қарағанда 60% деңгейiне дейiн жеткiзiледi мемлекеттiк әлеуметтiк жәрдемақылардың мөлшерi 2010 жылға қарағанда 1,2 есе ұлғаяды жинақтаушы зейнетақы қорларының оң нақты кiрiстiлiгi  қамтамасыз етiледi

Әлеуметтiк көмек жүйесiн жетiлдiру жөнiндегi стратегиялық
мақсаттар

2020 жылға қарай	табысы ең төменгi күнкөрiс деңгейiнен төмен халықтың үлесi 8%-ға дейiн төмендейдi әлеуметтiк көмек көрсетудiң шектi деңгейi өмiр сүрудiң ең төменгi шамасына қарағанда 100%-ға дейiн ұлғаяды арнайы әлеуметтiк қызмет көрсетудiң мемлекеттiк стандарттары енгiзiледi
2015 жылға қарай	әлеуметтiк көмек көрсетудiң шектi деңгейi өмiр сүрудiң ең төменгi шамасына қарағанда 60%-ға дейiн ұлғаяды атаулы әлеуметтiк көмек алушылардың құрамындағы еңбекке қабiлеттi халықтың үлес салмағы 30%-ға дейiн төмендейдi мемлекет кепiлдiк берген арнайы әлеуметтiк қызметтер заңда белгiленген көлемде ұсынылады

Тұрғын үй-коммуналдық шаруашылық

      Коммуналдық қызметтi сапалы қамтамасыз ету және тұрғын-үй қатынастарын тиiмдi реттеу тұрғын-үй коммуналдық шаруашылық (ТКШ) саласында ынталандыратын оңтайлы нарықтық жағдайлар жасау және азаматтардың, тұрғын-үй коммуналдық қызметтердi көрсетушiлердiң, орталық және жергiлiктi мемлекеттiк органдардың құқықтары мен жауапкершiлiгiн айқын бөле отырып тиiмдi үйлестiрiлуi мен ынтымақтастығы жолымен қамтамасыз етiледi.

      ТКШ инфрақұрылымын жаңғырта пайдалану шығындарын азайту, ресурстар үнемдейтiн технологияларды енгiзу, табиғи монополиялар субъектiлерiнiң нормативтен жоғары ысыраптарын жоюға және нормативтiк шығындарды қысқартуға мүмкiндiк беретiн тарифтiк реттеудiң тиiмдiлiгiн арттырумен қатар жүредi.
      ТКШ саласындағы мемлекеттiк инвестициялар экономикалық негiздеу, осы заманғы ресурс үнемдеу технологияларын енгiзу, корпоративтiк басқару стандарттары және жобаны iске асыру бойынша талаптарды қамтитын инвестициялық жобаларды iрiктеу өлшемдерiне сәйкес жүзеге асырылады. Жергiлiктi бюджеттен бiрлесе қаржыландыру инвестициялық жобаларды iске асырудың мiндеттi талабы болып табылады.

Тұрғын үй-коммуналдық шаруашылық саласындағы
стратегиялық мақсаттар

2020 жылға қарай	тұтынушыға тасымалдау кезiнде нормативтiк ысырап деңгейi жылу энергиясына — 17%, суға — 15% және электр энергиясына — 12% құрайды орталықтан сумен жабдықтауға қол жеткiзу ауылдық жерлерде ауылдық елдi мекендердiң жалпы санының 50%-ын, шағын қалаларда — 100%-ын құрайды елдiң әр өңiрiндегi тұтынушылардың кемiнде 70%-ы коммуналдық қызмет көрсету сапасына қанағаттанады
2015 жылға қарай	тұтынушыға тасымалдау кезiнде нормативтiк ысырап деңгейi жылу энергиясына — 20%, суға — 19% және электр энергиясына — 15% құрайды орталықтан сумен жабдықтауға қол жеткiзу ауылдық жерлерде ауылдық елдi мекендердiң жалпы санының 35%-ын, шағын қалаларда — 70%-ын құрайды елдiң әр өңiрiндегi тұтынушылардың кемiнде 50%-ы коммуналдық қызмет көрсету сапасына қанағаттанады кондоминиум объектiлерiн басқару органдары тұрғын үй қорын нормативтiк пайдалануды дербес қамтамасыз етедi
2011 жылға қарай	жүргiзiлген түгендеу негiзiнде тұрғын үй қоры мен коммуналдық қызмет инфрақұрылымның жай-күйiнiң жаңартылатын тұрақты деректер базасы жасалады мемлекет ТКШ инфрақұрылымын жаңғырту жөнiндегi жобаларға нысаналы қарыздар бередi коммуналдық сектор кәсiпорындарында менеджменттiң осы заманғы әдiстерiн енгiзудi қамтамасыз етiледi

Түйiндi бағыт: ұлттық келiсiмдi, қауiпсiздiктi, халықаралық
қатынастардың орнықтылығын қамтамасыз ету

      Iшкi саяси орнықтылықты және ұлттық қауiпсiздiктi қамтамасыз ету Қазақстанның тәуелсiз егемен мемлекет ретiндегi дамуының аса маңызды шарты болып табылады. 2020 жылға дейiнгi кезеңде негiзгi күш-жiгер мемлекеттiң одан әрi нығаюы мен дамуына, ұлттық қауiпсiздiкке төнетiн қатерлер мен қолайсыздықтарды бейтараптандыруға, қолайлы сыртқы ортаны қалыптастыруға шоғырландырылатын болады.

      Iшкi саяси салада 2020 жылға дейiнгi кезеңде бейбiтшiлiк пен келiсiмдi, Қазақстан қоғамының орнықтылығы мен тұрақтылығын сақтау негiзгi мақсаттар болып қала бередi. Мемлекеттiң сыртқы саясаты әлемдiк аренада ұлттық мүдденi белсендi iлгерiлетуге, Қазақстанның бәсекеге қабiлеттiлiгiн қолдауға және елдiң халықаралық беделiн нығайтуға бағытталатын болады.

Iшкi тұрақтылықты қолдау

      2020 жылға дейiн "Қазақстан-2030" Стратегиясының iшкi саяси тұрақтылық пен қоғамның бiрiктiрiлуiн қамтамасыз ету бойынша ұзақ мерзiмдi басымдықтарын iске асыру шеңберiнде саяси жүйенi одан әрi жаңғырту, этникалық және дiни дүрдараздықтың алдын алу, Қазақстанның барлық азаматтары үшiн тең мүмкiндiктерге негiзделген республика халқының бiрлiгiн нығайту бойынша жүйелi жұмыс жалғасатын болады.

      Белгiленген экономикалық және әлеуметтiк көрсеткiштерге кол жеткiзу Қазақстан қоғамының бiрлiгi мен топтасуын талап етедi. Қазақстанның ел бiрлiгi доктринасы Қазақстандық қоғамның ұйымдасу үдерiсiнiң басты құралы болып табылады.
      Қоғамның ұйымдасуына, отансүйгiштiк сезiмнiң нығаюына және жалпыұлттық идеялар мен бiрыңғай құндылықтар негiзiнде қазақстандықтардың бiрыңғай ерекшелiгiн қалыптастыруға ықпалын тигiзетiн теңдестiрiлген ұлттық саясатты iске асыру бойынша бiрегей және тиiмдiлiгi жоғары институт ретiнде Қазақстан халқы Ассамблеясы одан әрi дамитын болады.

Этносаралық және конфессияаралық келiсiмдi нығайту саласындағы
стратегиялық мақсаттар

2020 жылға қарай

дiни сенiм бостандығына құқықтарды одан әрi iске асыру, сондай-ақ Қазақстанда тұратын барлық этностардың мәдениетi мен салт-дәстүрлерiнiң еркiн дамуы үшiн қолайлы жағдайлар жасалады тiлдердi қолдану мен дамытудың 2011-2020 жылдарға арналған мемлекеттiк бағдарлама табысты iске асырылады этносаралық және конфессияаралық қақтығыстардың профилактикасы мен ерте алдын алудың тиiмдi жүйесi құралады

      Саяси жүйенi жаңғырту үдерiстерi жалғасатын болады. 2020 жылға қарай Қазақстанда өкiлдiк билiктiң мәнi арта түседi, саяси партиялардың рөлi мен жауапкершiлiгi артады, жергiлiктi өзiн-өзi басқару органдарының жүйесi тиiмдi жұмыс iстейтiн болады. Демократиялық институттар мен азаматтық қоғамның құрылымдары егемен Қазақстанның әлеуметтiк-саяси жүйесiнiң үйлесiмдi бөлшектерiне айналады.
      Гендерлiк және отбасылық-демографиялық саясатты сапалы қамтамасыз етудiң нысандары мен әдiстерi жетiлдiрiледi.

Саяси жүйенi одан әрi жаңғырту саласындағы
стратегиялық мақсаттар

2020 жылға қарай

елдiң саяси жүйесiн жаңғырту аяқталады, оның табысты жұмыс iстеуi үшiн барлық қажеттi жағдайлар жасалады таңдаулы халықаралық стандарттарға сәйкес келетiн жергiлiктi өзiн-өзi басқару және азаматтық қоғамның тиiмдi институттары құрылады заманауи, тиiмдi әрi ашық сайлау және партия жүйелерi қалыптастырылады, өкiлеттi билiктiң рөлi күшейедi мемлекет пен азаматтық қоғамның, билiк пен бизнестiң, билiк пен оппозицияның сындарлы диалогының тетiгi жолға қойылады Қазақстан Республикасы саяси элитасын қалыптастыру мен молықтырудың тиiмдi жүйесi құрылады, мемлекеттiк қызмет өз қатарында Қазақстан халқының таңдаулы өкiлдерiн шоғырландырады гендерлiк теңдiк нығайтылады

Ұлттық қауiпсiздiк

      Ұлттық қауiпсiздiк жүйесi сындарлы және қауiпсiз сыртқы және iшкi ортаны қалыптастыру бойынша белсендi iс-қимылдарға, елдiң орнықты дамуы мен Қазақстанның мүдделерiн өңiрде және әлемде кешендi iлгерiлету үшiн қолда бар жене әлеуеттi мүмкiндiктердi пайдалануға бағдарланатын болады. Ұлттық қауiпсiздiк жүйесi туындайтын қауiптер мен проблемаларды алдын ала айқындауды қамтамасыз етуi тиiс.

      Халықаралық терроризмге, дiни экстремизмге, халықаралық есiрткi бизнесiне және заңсыз көшi-қонға қарсы күрес саласындағы ынтымақтастыққа ерекше назар аударылатын болады. Орта мерзiмге арналған перспективада, есiрткi трафигiнiң алдын алу мен заңсыз көшi-қонды қосқанда, Ауғанстанмен байланысты проблемалар кешенiн шешу қауiпсiздiктi қамтамасыз етудiң маңызды басымдығы болып қала бередi.
      Жаңа қатерлер мен қолайсыздықтарды уақтылы айқындауға, сондай-ақ ден қоюдың барабар шараларын әзiрлеуге мүмкiндiк беретiн болжамдық-талдау жұмысының тиiмдiлiгiн арттыру Қазақстан Республикасы ұлттық қауiпсiздiгi жүйесiнiң өзгеруiнiң басты бағыттарының бiрiне айналады.

Ұлттық қауiпсiздiктi қамтамасыз ету саласындағы
стратегиялық мақсаттар

2020 жылға қарай

мемлекеттiң әлеуеттi қатерлерге барабар қарсы тұруға қабiлеттi сенiмдi қорғаныс қабiлетi қамтамасыз етiледi Қазақстан шекарасының бойында сыртқы қатерлер мен тәуекелдер барынша азайтылады, өңiрде аумақтық және шаруашылық даулардың негiзiнде қақтығыстардың туындау себептерi жойылады адам мен қоғамның қауiпсiздiгi, азаматтардың конституциялық құқықтарының мүлтiксiз сақталуы қамтамасыз етiледi әлемдегi сапалық жаңа сауда-қаржылық жағдайларда елдiң экономикалық қауiпсiздiгi қамтамасыз етiледi Қазақстан Республикасының ақпараттық қауiпсiздiгi  қамтамасыз етiледi, бәсекеге қабiлеттi отандық ақпараттық кеңiстiк құрылады экожүйелердi сақтау жене қалпына келтiру, тәуекелдердi азайту және техногендiк авариялардан, апаттардан дүлей зiлзалалардан болатын зардаптарды барынша азайту бойынша жағдайлар жасалады ұлттық қауiпсiздiктiң демократиялық және ашық доктринасы негiзiнде халықаралық қауiпсiздiк жүйесiмен бiрiктiрiлген (ұлттық мүдденi ескере отырып) ұлттық қауiпсiздiктiң тұтас және тиiмдi жүйесi қалыптастырылады

Халықаралық қатынастар және сыртқы саясат

      2020 жылға дейiнгi кезеңде Қазақстанның сыртқы саяси бағыты Сыртқы саясат тұжырымдамасының қағидатты ережелерiне негiзделетiн болады. Қазақстан ұлттық мүдделердi, елдiң халықаралық беделiн арттыруды және ұлттық, өңiрлiк және жаһандық қауiпсiздiктi қамтамасыз етуге бағытталған алдын ала белсендi, кешендi және теңгерiмдi сыртқы саясатты жүргiзуге ниеттенiп отыр.

      Қазақстанның ұзақ мерзiмдi басымдықтары болып табылатындар: елдiң дамуы мен оның осы заманғы әлемдегi бәсекеге қабiлеттiлiгiн қамтамасыз ету үшiн қолайлы сыртқы ортаны қалыптастыру және қолдау; Қазақстан Республикасының егемендiгi мен аумақтық тұтастығын қорғау; Қазақстанның шетелдердегi азаматтары мен заңды тұлғаларының құқықтарын, мүдделерiн қорғау; Қазақстан Республикасының жағымды бейнесiн және әлемде осы заманғы нарықтық экономикасы, орнықты саяси жүйесi, ашық және төзiмдi қоғамы бар демократиялық құқықтық мемлекет ретiнде қабылдауын қалыптастыру; халықаралық аренада елдiң экономикалық мүддесiн қорғау; бейбiтшiлiк пен қауiпсiздiктi қамтамасыз ету жөнiндегi халықаралық ұйымдар мен форумдарға белсендi қатысу.
      Халықаралық қатынастардың жаңа сәулетiн және әлемдiк сауда-қаржы жүйесiнiң негiздерiн қалыптастыру кезiнде Қазақстанның жаһандық шешiмдердi қабылдау үдерiстерiне қатысу үшiн жағдайлар жасаудың ерекше мәнi бар. Қазақстан Республикасы ұлттық резервтiк валютаны қалыптастыру туралы мәселеде өз мүддесiн тиянақты iлгерiлететiн және белсендi қорғайтын болады. Осы күш-жiгердiң нәтижелiлiгi көп жағдайларда Қазақстанның дағдарысқа қарсы шараларды табысты iске асыруына, ел экономикасының дағдарыстан кейiнгi және орнықты даму бағытына шығу қарқынына, инновациялық және әртараптандырылған экономиканы құру саласындағы нақты жетiстiктерге байланысты болады.
      Қазақстан Ұжымдық қауiпсiздiк туралы шарт ұйымының және  Шанхай ынтымақтастық ұйымының ықпалды мүшесi және Азиядағы өзара iс-қимыл және сенiм шаралары жөнiндегi кеңестiң бастамашысы Қазақстан ұжымдық қауiпсiздiктiң қазiргi жүйелерi арасында стратегиялық диалогты құруға белсендi қатысатын болады. Қазақстан жанталаса қарулануды болдырмау, халықаралық қауымдастықтың ядролық қарусыздану және Ядролық қарудан азат аймақ туралы шарт режимiн нығайту саласындағы күш-жiгерiн қолдауға арналған өзiн ақтаған бағытты жалғастырады. Бұл ретте Қазақстан Республикасының беделдi халықаралық ұйымдардағы (Еуропадағы қауiпсiздiк және ынтымақтастық ұйымы, Ислам Конференциясы Ұйымы және басқалары) төрағалығы шеңберiндегi мүмкiндiктерi барынша iске қосылатын болады.
      Қазақстанның саясаты Шығыс пен Батыстың, Солтүстiк пен Оңтүстiктiң, ислам және христиан әлемдерiмен көпiр ретiндегi өз рөлiн нығайтуға бағытталған өркениетаралық және конфессияаралық диалогты нығайту бойынша күш-жiгерiн жалғастыратын болады. Төзiмдiлiктiң қазақстандық үлгiсi халықаралық аренада кеңiнен танылатын болады және басқа да елдердiң практикасында қолданылатын болады.
      Қазақстан өзiнiң бiрегей географиялық орналасуын және әлемдiк және өңiраралық көлiк коммуникациясы жүйесiндегi қайталанбайтын рөлiн барынша тиiмдi пайдаланатын болады. Қазақстанның әлемдiк энергетикалық, экологиялық және азық-түлiк қауiпсiздiгiн қамтамасыз етудегi рөлi елеулi арта түседi. Қазақстан халықаралық еңбек бөлiнiсiнде лайықты орнын алады және Бүкiләлемдiк сауда ұйымының қатысушысы болады.
      Қазақстан Орталық Азияда, Еуразия кеңiстiгiнде әр жылдамдықтағы және көпдеңгейлi интеграциялауды күшейтуге арналған бағытын жалғастырады. Қазақстан Ресеймен қатар, Тәуелсiз Мемлекеттер Достастығы, Еуразиялық экономикалық қоғамдастық және Кеден одағының орнықты өзегiн құрайтын болады.

Халықаралық қатынастар және сыртқы саясат саласындағы
стратегиялық мақсаттар

2020 жылға қарай

қолайлы халықаралық орта қалыптастырылады, барлық мемлекеттермен тең құқықты достық қатынастарға қолдау көрсетiледi ұлттық экономиканы әртараптандыру негiзiнде Қазақстанның халықаралық қоғамдастыққа және әлемдiк шаруашылық байланыстарға интеграциялануының жоғары деңгейiне қол жеткiзiледi өңiр мемлекеттерiнiң саяси және экономикалық интеграциясы үшiн жағдайлар мен алғышарттар қамтамасыз етiледi Қазақстан өңiрлiк қауiпсiздiктiң және саяси-экономикалық ынтымақтастықтың тиiмдi жүйесiнiң шешушi қатысушысы болып табылады Қазақстан жетекшi халықаралық әене өңiрлiк қаржылық және саяси құрылымдардың басшы органдарында өкiлдiк етедi Қазақстан халықаралық қатынастардың белсендi қатысушысы болып табылады және әлемдiк саясат үшiн маңызды мәнi бар шешiмдердi қабылдауға қатысады

<предыдущая страница | следующая страница>