ХАЛЫҚАРАЛЫҚ МАТЕМАТИКАЛЫҚ "КЕНГУРУ" ОЙЫН-САЙЫСЫ

Республикалық "Дарын" ғылыми-практикалық орталығы мектеп оқушыларының арасында республикада үшінші жыл халықаралық математикалық "Кенгуру" ойын-сайысы өткізеді.

Марафонның негiзгi мақсаты - оқушылардың оқу - танымдық қызметiн ынталандыру; дарынды балаларды айқындау; оқушылардың логикалық қабілеттерін дамыту; оқушылар арасында интеллектуалдық ойындар, конкурстар, жарыстар, олимпиадаларды кеңiнен тарату және танымдық мотивациясын құру.

2004 жылғы ойын-сайыста республиканың 1274 мектебі қамтылды, соның ішінде 53 %-ы ауыл мектептері, олардың 51 %-ы қазақ тілінде оқитын оқушылар.

Математикалық ойынның өткізілген күні 2004 жылдың 18-наурызы болды.

Математикалық ойынға қатысу кезінде 3-6 сынып оқушылары жоғары белсенділік танытты.

Математикалық ойынның қорытындысы бойынша ұйымдастыру комитетінің шешімімен 2038 оқушы жеңімпаз деп танылды, оның 103 - I орынды, 534 - II орынды, 1401 - III орынды иеленді.

Жеңімпаздардың 41%-ы ауыл мектептерінің оқушылары, осыған байланысты ауылдық жерде дарынды балаларды дамыту үшін қажетті жағдай жасау керек.

Толығымен "Кенгуру" Халықаралық метематикалық ойынына оқушылардың қызығушылығы, осындай іс-шараларды көбірек өткізу керек екендігін көрсетеді.

Халықаралық математикалық "Кенгуру" ойын-сайысының қорытындысы бойынша жеңімпаздар мен үздік координаторлар сыйлықтармен марапатталады. 8-10 сыныптардың жүлдегерлеріне "Дарын" ауысым лагеріне демалуға мүмкіндік жасалады.

Жүлделі орындар алған оқушыларға дипломдар мен сыйлықтар тапсырылады. Әр оқушыға қатысушы сертификаты беріледі.

Халықаралық метематикалық "Кенгуру" ойын-сайысының қорытындысынан мынандай түйіндер жасалды:

• 
  дарынды балаларды айқындау мен дамытуға көмектесетін осындай интеллектуалдық жарыстарды көбірек өткізу керектігі дәлелденді;
  
• 
  логикалық сипаттағы тапсырмаларға математика сабақтарында көп көңіл бөлу керек;
  
• 
  ауылдық жерлердегі дарынды балаларды дамыту үшін оптималдық жағдайлар жасау қажеттігі туындайды.
  

"Кенгурудың" тапсырмалары 3 блоктан тұрды, 3-4 сыныптарда әрбір блок 8 сұрақтан, 5-10 сыныптарда 10 сұрақтан болды. Бірінші деңгейдің әрбір тапсырмасы 3 ұпаймен, екінші деңгей - 4 ұпаймен және үшінші деңгей - 5 ұпаймен бағаланды, қорыта келе қосындысында 3-4 сыныптар - 96 ұпай, 5-10 сыныптар - 120 ұпай болды.

Ойын шарты

• 
  сайысқа кез-келген оқушы қатыса алады;
  
• 
  сайысқа қатысушыларға өздері оқитын мектептерде, лицейлерде және гимназияларда бір күнде, бір уақытта қиындық деңгейіне байланысты 3 топқа бөлінген, әр топта 10 есебі бар, 30 есептен тұратын тапсырмалар беріледі;
  
• 
  тапсырмаларды орындау 1 сағат 15 минут;
  
• 
  әр бір есептің 5 жауабы бар, солардың біреуі дұрыс жауап;
  
• 
  қатысушыға тапсырманың қиындық деңгейіне байланысты әр бір дұрыс жауапқа сәйкесінше 3,4 және 5 ұпайлар есептеледі;
  
• 
  сайыстың олимпиададан ерекшелігі алдын-ала іріктеу, финал болмайды;
  
• 
  сайыста ұтылғандар жоқ, әр бір қатысушы нәтижеге қарамай қатысушы сертификатын алады; сонымен қатар қатысушыларға және ең жақсы мұғалім-ұйымдастырушыларға қосымша сыйлықтар тапсырылады;
  
• 
  сыныптар, мектептер, аудандар және облыстар арасында командалық сайыстар өткізілмейді;
  
• 
  сайыс ақылы.