Ашық сабақ
Сабақтың тақырыбы:Үш арыстың үлгілері
Орындаған: №68 жалпы орта мектебінің бастауыш сынып мұғалімі : Елғондиева Сайран
Шымкент-2013ж
Сабақтың тақырыбы: Үш арыстың үлгілері
Сабақтың мақсаттары: Оқушылардың халық ауыз әдебиетінің үлгісі шешендік сөздермен таныстыру. Билердің сөз саптау мәнерін түсіндіру, үйрету.
Дамытушылық мақсаты: Оқушылардың халық ауыз әдебиетін сүйіп оқуға дағдыландыру. Олардың қиялына қанат бітіріп, армандай білулеріне жетелеу. Ой өрісін дамыту.
Тәрбиелік мақсаты: Оқушыларды байсалдылыққа, сабырлылыққа, ақыл мен парасаттылыққа тәрбиелеу.
Көрнекілігі: Интерактивті тақта, Билер суреті.
Сабақтың түрі: Аралас сабақ
Сабақтың әдісі: Сұрақ-жауап, түсіндіру, әңгімелеу.
Сабақтың барысы:
І. Ұйымдастыру кезеңі
А) Оқушылармен амандасу;
Ә) Түгелдеу;
Б) Назарларын сабаққа аудару;
В) Психологиялық дайындық
Үлкенге де Сіз;
Кішіге де Сіз;
Сәлем бердік Сіздерге;
Құрметпенен Біз.
ІІ. Үй тапсырмасын сұрау
«Өтірік өлеңді» жатқа айту.
Суретпен жұмыс:
-
Суреттен нелерді көріп тұрсың? -
Суретке қандай ат қоюға болады? -
Суретке қарап өтірік өлең құрастырып көр.
Үй тапсырмасын пысықтау:
Өтірік туралы мақал-мәтел сұрау. Мағынасын оқушылардан сұрау. Түсіндіру.
Сергіту сәті: «Санамақ»
ІІІ. Жаңа сабақ
1) Оқушылар біз қай бөлімге келдік?
2) «Атадан қалған асыл мұра» бөлімінде қандай тақырыптарды өттік?
Өтірік өлең
3) «Үш арыстың үлгілері» мәтінін оқу, түсіндіру.
4) Оқушыларға мәтінді тізбектеп оқыту.
Енді балалар біз «үшке» байланысты қандай математикалық фигураны білеміз. Әрине үшбұрыш. Оның неше бұрышы бар? Неше қабырғасы бар? Неше төбесі бар?
Үшбұрыштың үш төбесі, үш қабырғасы, үш бұрышы қосылып бір фигураны үшбұрышты құрайды. Сол секілді, біздің Дана үш биіміз халқымыздың қиын заманында қазақ халқын бірлікке, татулыққа шақырады. Үшеуі де ел бірлігін аңсады. Ал қазір Елбасымыз Н.Ә.Назарбаев билердің сөздерін басшылыққа алып еліміздің тыныштығын, бірлігін сақтайды.
Сөздікпен жұмыс:
Пырақ-жүйрік ат
Дәрмен-күш, әл
Кіндік кескен жер-туған жер
Тест жұмысы:
-
«Көзі моншақтай,
Өзі жұп-жұмыр.
Құйрығы шашақтай,
Ерні жұп-жұмыр» деген жолдарда қай төл туралы айтылған:
А) лақ Ә) бұзау Б) қозы В) құлын
2. Қойдың төлі қалай аталады?
А) лақ Ә) бұзау Б) қозы В) құлын
3. «Мүйізі айдай иілген
Мұрнын көкке шүйірген» не?
А) жылқы Ә) сиыр Б) түйе В) қой
4. «Маң-маң басқан, маң басқан,
Шудаларын шаң басқан» не?
А) жылқы Ә) сиыр Б) түйе В) қой
5. Өмірде болған адам басындағы оқиғаға құрылған әңгіме қалай аталады?
А) жұмбақ Ә) жаңылтпаш
Б) аңыз В) мысал
6. «Еңбек байлыққа жеткізер» деген негізгі ойға құрылған ертегіні ата:
А) Қасқыр мен түлкі Ә) Аңқау арыстан
Б) Ұр, тоқпақ В) Байлық пен ақыл
7. Жан-жануарлар, аңдар туралы әңгімеленген ертегіні ата:
А) Қасқыр мен түлкі Ә) Аңқау арыстан
Б) Ұр, тоқпақ В) Байлық пен ақыл
8. Қиял-ғажайып ертегілері тобына жататын мәтінде ата:
А) Қасқыр мен түлкі Ә) Аңқау арыстан
Б) Ұр, тоқпақ В) Байлық пен ақыл
9. «Жаңбыр жаумаса – жер жетім» деп басталатын шешендік сөзді айтқан кім?
А) Қазыбек би Ә) Әйтеке би
Б) Төле би В) Халық
10. «Алтын ұяң – Отан қымбат» деп басталатын шешендік сөзді айтқан кім?
А) Қазыбек би Ә) Әйтеке би
Б) Төле би В) Халық
11. «Бай болсаң, пайдаң тисін...» деп бата берген кім?
А) Қазыбек би Ә) Әйтеке би
Б) Төле би В) Халық
Жаңа сабақты бекіту:
-Шешендік сөздерді айтқан кімдер?
-Кез келген адам шешен болады ма?
-Қазақ халқына билердің қандай көмегі тиген?
-Билер сөздерін халыққа қалай жеткізіп отырды?
-Төле би қай жүзге жатады?
-Қаз дауысты Қазыбек би қай жүзге жатады?
-Әйтеке би қай жүзге жатады?
Бағалау:
Сабақ барысы бойынша оқушыларды бағалаймын.
Үйге тапсырма беру:
Билер сөзін жаттап алу. Мәнерлеп оқуға жаттығу.