2) «Аçупа аннÿне хисепле! Вěсемшěн эсě яланах ача – пěчěк чухне те, ÿссе çитěнсен те, вăтам çулсене çитсен те. Санăн кашни утăму, кашни ěçÿ – аçупа аннÿ куçě умěнче. Тěрěс те лайăх утăмусем вěсене савăнăç кÿрěç, тěрěс мар утăм туни вара – хурлăх. Çавăнпа та аçу-аннÿне савăнтарма кăна тăрăш, вěсене нихăçан та ан кулянтар. Яланах ас ту: пурнăç малалла шăвать, эсě çитěнетěн, аçу-аннÿ ватăлать. Вěсене пурнăçра пулăш. Пěчěк чухне, ача чухне панă кил ăшшине аçупа аннÿне тавăрса пар. Эпир вěсем умěнче пысăк парăмра», - тенě Г.Н.Волков.

3) Идеальная семья немыслима без любви. Любовь - это тепло, нежность, радость. Это главная движущая сила развития человечества, то ради чего существуем все мы, то что подвигает человека к безрассудно- героическим поступкам. "Я люблю, и значит, я живу…" (В.Высоцкий)

Тĕп шухăшĕ:

Кирек мĕнле лару-тăрура та этем хăйĕн тивĕçĕсене ан мантăр.

Вĕренÿ темисен çыхăнăвĕ:

- чăваш чĕлхипе литература

-  тăван ен культури

-  ÿнер искусстви

- вырăс чĕлхипе литература.

Проекта пурнăçлама усă курнă мелсемпепе меслетсем:

Литература шырани, библиографи туни, ыйту-хурав, тĕпчев, иллюстраци, тишкерÿ, сюжетлă ÿкерчĕксем туни, кластер йĕркелени, икĕ енлĕ дневник туни, словарь ĕçĕ, текстпа ĕçлени, шухăшсене йĕркелесе çырни, илемлĕ вулав, вырăсларан чăвашла куçарни, текстри кирлě вырăнсене тупса вулани, текстăн тěп шухăшне палăртни, проблемăна ушкăнпа сÿтсе явни, пултару ěçě, презентаци слайчěсемпе ěçлени, ачасен пěтěмлетěвě, учитель пěтěмлетěвě, юрă итлени, пурте пěрле юрă юрлани, кěнеке выстăвки йěркелени, ваттисен сăмахěсемпе ěçлесси, сăмах çаврăнăшěсемпе усă кураса текст çырасси.

Проекта хутшăнакансем:

Хĕрлĕ Чутай районĕнчи Атнарти пĕтĕмĕшле пĕлÿ паракан вăтам шкулта 8 класра вĕренекенсем;

Ешмейкина Людмила Александровна, чăваш чĕлхипе литературине вĕрентекенĕ.

Проекта пурнăçа кĕртмелли вырăн:

Хĕрлĕ Чутай районĕнчи «Атнарти пĕтĕмĕшле пĕлÿ паракан вăтам шкул», чăваш чĕлхипе литература пÿлĕмĕ.

Проекта пурнăçа кĕртмелли тапхăр:

Гипотеза

Çемье – тăнăçлăх вучахě тетпěр, çут тěнчене килнě çамрăк чун çывăх çынсен хÿттинче, ăшшинче хăй ыттисене кирлине туйса-курса, унăн ырă йăли-йěркине ăша хывса çитěнмелле паллах. Ача пурнăçра мěнле çул çине тухасси тăван кил ăшшинчен килет, çемьери хутшăнусем пысăк пěлтерěшлě. Ачана чи малтанах хитре тумлантариччен, тутлă çитериччен унпа пěр чěлхе тупма пěлмелле, ěçе явăçтармалла. Ěç нихăçан та ачана ватмасть те, пăсмасть те. Укçа енчен çирěплěх пăсмасть. Хăш-пěр ачасен кěсйинчен нихăçан та укçа татăлмасть, мěн илес килет, çавна илеççě. Эгоист пулса çитěнекен ачан пěр ěмěт – хăйшěн çеç тăрăшасси. Чи хăрушши вара – унăн чунě пушши. Кил ăшши – атте-анне. Атте-анне ăшши – манăн чун ăшши. Ашшě-амăшěн чун ăшшисěр ÿсекен ачан кăмăлě те сивлек, телейě те тулли мар… Апла пулсан, атте-аннене хисеплемелле, ырă сăмахпа чунěсене ăшăтмалла, йывăр ěçре пулăшу кÿмелле, аякра пулсан – çуралнă кил-çурта манмалла мар, уявсенче вěсемпе пěрле пулмалла, çуралнă кун ячěпе саламлама май тупмаллах. Атте-анне умěнче эпир ěмěр парăмра. Хěвел те хăй ăшшине çěр çине еплерех сапалать, аттепе анне те хăйсен чун ăшшине пире çапла парнелеççě. Вĕсен тĕреклĕ çуначĕ айĕнче эпир нимрен шикленмесĕр савăнса ÿсетпĕр. Атте-анне пурри – пуянлăх. Çак пуянлăха çухатас марччě, тимлěн упраса пурăнасчě. Ан тив, пĕр урокрах ачасем пур сапăрлăх ыйтăвĕсене ăша хывмĕç, анчах та эпĕ вĕсенчен кĕтекен чи паха япала – ачасем таса чун-чĕрепе ырă ĕмĕт патне ăнтăлма тăрăшни.

Теори бази

1. Иванова Н.Г. Пĕтĕмĕшле тĕп тата вăтам вĕрентÿ стандарчĕ. Чăваш шкулĕнчи тăван литература // Государственные образовательные стандарты начального общего, основного общего, среднего (полного) общего образования в Чувашской республике. Национально-региональный компонент. – Чебоксары, 2007.