Ырă кун пултăр, хаклă хăнасем, хисеплĕ тăванăмăрсем, йышăнса илсемĕр Шемек çыннисенчен хĕрÿллĕрен те хĕрÿллĕ салам

1 ертÿçĕ: Ырă кун пултăр, хаклă хăнасем, хисеплĕ тăванăмăрсем, йышăнса илсемĕр Шемек çыннисенчен хĕрÿллĕрен те хĕрÿллĕ салам.

Яланхи йăлапа паян эпир сирĕнпе çак илемлĕ вырăна. «Тăхăрьял шăпчăкĕ»юрăçăсен конкурсне ирттерме пухăнтăмăр.Çиччĕмĕш çул ĕнтĕ çак уява пĕрле пухăнса уявлатпăр.

Пĕлтĕр çак уявра пирĕн ял пики Карамзина Екатерина çĕнтернĕччĕ. Çавăнпа кăçал Шемекре ирттеретпĕр.

Халĕ сцена çине конкурсанткăсене тухма чĕнетпĕр.(сцена çинче йеркеленсе тараççĕ.)

1 ертÿçĕ: Паян «Тăхăрьял шăпчăкĕ» конкурсра ___ юрăçă хутшăнать. Ирĕк парсамăр вĕсемпе паллаштарма.

1№ Фёдорова Алина- Шемек

2 № Пиколова Марина-Пÿркел

3№ Трио: Яковлева Мария, Яковлева Александр, Ворнова Карина -Чăваш Киштекĕ

4№ Никитина Аня –Чăваш Киштекĕ

5№ Антонова Кристина-Хирти Кушкă

6№ Дворова Полина-Шемек

7№ Дуэт: Вериялова Кирилл, Пиколова Марина -Пÿркел

8№ Хлынова Инна -Пÿркел

9№ Комиссаров Диана- Хирти Кушкă

10№ Землемеров Марина- Хирти Кушкă

Ертÿçĕ: Юрăçăсен ăсталăхне паян çак жюри членĕсем хаклаççĕ:

1)Васильева Светлана Александровна – Шемекри тĕп шкул директорĕн çумĕ.

1 ертÿçĕ: Хисеплĕ ентешĕмĕрсем, эсир хирĕç пулмасан юрăçăсен уявне пуçлатпăр, юракансене ăнăçу сунатпăр, куракансене итлесе киленме сĕнетĕп. Халĕ конкурсанткăсене хатĕрленме вăхăт паратпăр. Çав вăхăтпа усă курса сцена çине «Ритм» ташă ушкăнне чĕнетпĕр. Ертсе пыраканĕ Хлынова Людмила Николаевна. Кĕтсе илĕр «Чăваш ташши»

Ертÿçĕ:

Кĕмĕл кÿлĕ патĕнче Тăхăрьял садĕнче Тăхăр тĕслĕ юрă пур, Тăхăр тĕслĕ ташă пур. Çав юррисенчен пĕрне Итлемешкĕн кăмăл пур. Сирĕн умăрта (1№ конкурсантка) ____________________________________

Юррăн ячĕ «________________________»

ертÿçĕ:

Хаваспах пырса ларать. Çĕмĕрт йывăççи айне. Юррине шăрантарать- Пултăр тет, сире парне. Сцена çине(2№ юрăçăна)___________________________________ чĕнетпĕр. Вăл сире илемлĕ юрă «_______________» парнелĕ.

1ертÿçĕ: №3

Пире савса эс юрă хыврăн. Кĕвви те пулчĕ хăвăнах. Юрла-ха ,тусăм, юррăна Асамлă шăплăха сирсе.

Сирĕн умăрта __________________________.Кĕтсе илĕр!

Юррăн ячĕ «___________»

ертÿçĕ: №4

________хĕрне тус турăм Тĕспе чечен те хитрине. _______ хĕрне тус турăм Сасси çепĕç пулнипе.

Çак сăмахсене çирĕплетме сцена çине _________ял хĕрне(каччине) ________________________________ чĕнетпĕр.

ертÿçĕ: №5

Савнă яламçăм,Шемекĕм, Эс татах çĕнел, çĕклен. Хатĕр пул кĕтсе илмешкĕн Тус- тăвансене куллен.

Сцена çине тухма_____________ял хĕрне ______________ черет çитрĕ. Кĕтсе илĕр!

ертÿçĕ: №6

Камăн чунĕ савăнмасть-ши Савăк çу кунĕсенче? Кам чĕрийĕ юрламасть-ши Ырă çак самантсенче?

«Çу кунĕсем» юрăпа сирĕн умăрта Шемек хĕрĕ Полина Дворова. Кĕтсе илетпĕр.

1 ертÿçĕ: №7

Ăмăртмалла юрлаççĕ шăпчăксем- Пĕртте кая юлмаççĕ çамрăксем. Тавралăх янраса кăна тăрать- Телей шевли пит-куçăмра ялтăрать. Çамрăксем паян уявра , çавна кура юрă-ташă янăратăрччĕ залра.

Халĕ сцена çине __________ял хĕрне__________________ чĕнетпĕр. Тархасшăн!

2 ертÿçĕ: №8

Юрласамччĕ каçăн-ирĕн, Шăпчăк тусăм, кăмăлтан. Сан юрру-çке - канлĕх пирĕн- Юлĕ чĕремре ялан.

Сирĕн валли юрă « _______________». Шăрантарать____________________________.

1 ертÿçĕ:№ 9

Чăваш юрри – илем асамĕ- Чуна илет-çке тыткăна. Кам ыр сăмах каламĕ, савмĕ Çак ырă ĕç тăвакана?

Халĕ сирĕн умăрта____________________________

ертÿçĕ: №10

Тăхăрьял шăпчăкĕсем юрлаççĕ, Ăмăртса пĕр-пĕринпе залра Сар хĕрсем хĕрсех юрă янратаççĕ Каччисем ал çупнă вăхăтра.

Сирĕн умăрта __________________________.Кĕтсе илĕр.

ертÿçĕ: №11

Чунсем савсан чĕре юрлать, Чĕре юрларĕ-тĕк – саватпăр. Ăшра ыр туйăм çуралать, Хитре юрришĕн тав тăватпăр.

Халĕ сире___________________________________ юрă парнелет.

ертÿçĕ:№12

Юрлар-и юрă асăнмалăх Янраттарса тавралăха ? Ăна юрлатăр тăван халăх Тухса уя та улăха.

Юрă «_____________________________».Шăрантарать_______________

ертÿçĕ: №13

Ялан пĕрле пурăнар , Пĕрне-пĕри ырă сунар, Куçран пăхса йăл кулар, Сар кайăк пек юр юрлар.

Сцене çине ____________хĕрне,_______________________ чĕнетпĕр.

ертÿçĕ:

Туссем,паянхи хаваслă уява татас та килмест те, çапах та пирĕн конкурс вĕçленсе пыни çинчен пĕлтермеллех. Конкурса ирттерме пире шкул директорĕ______________________________________пулăшрĕ. Ăна пысăк тав сăмахĕ калас килет.

Ертÿçĕ: Халĕ жюри членĕсен ĕçе пĕтĕмлетме вăхăт çитрĕ. Сире эпир уйрăм пÿлĕмех кайма сĕнетпĕр. Çав хушăра эпир «Ритм» ташă ушкăнне сцена çине чĕнетпĕр.

Ертÿçĕ: Халĕ сирĕн валли хамăр ял хĕрĕ Дворова Полина «Тăванлăх юрри» парнелет.

Ертÿçĕ: Сирĕн валли тепĕр юрă Федорова Алина шăрантарать. Юрă ячĕ «_____________». Кĕтсе илĕр.

1 ертÿçĕ:

Акă чи пăлхануллă та кĕтнĕ самант çитрĕ.Сцена çине конкурсанткăсене

чĕнетпĕр. 1№……..(тухса тăраççĕ)

Ертÿçĕ: Халĕ Шемекри тĕп шкул директорĕ Дворов Владимир Николаевич сăмах илет. Тархасшăн, Владимир Николаевич.

ертÿçĕ:

Халĕ пурте пĕрле юрăçăсене тăвăллăн алă çупса саламлатпăр. (Зал алă çупать)

ертÿçĕ:

Сыв пулашнă май пурне те сывлăх, телей сунатăп. Сывă пулăр,

тăванăмăрсем, тăхăръял çыннисем! Тепре тĕл пуличчен.

Гран-при Хлынова Инна (Бюрганы)

1 место -Пиколова Марина 2 место - Антонова Кристина 3место-Дворова Полина

Номинация «Чи çамрăк сасă» Комиссарова Д. (К.-Тенякова)

«Çемçе сасă» Землемерова (К.-Тенякова)

«Чи янăравлă сасă» Фёдорова Алина.

1 место Дуэт (Бюрганы) Вериялов Кирилл, Пиколова Марина

2 место (Чув.Кищаки)

Яковлева Мария, Яковлева Александра, Воронова Карина