Қазақстан Республикасы

Мәдениет және ақпаратминистрлігі Мәдениет комитеті Төрағасы

міндетін атқарушысының

2012 жылғы 13 наурыздағы

№ 43 бұйрығына 1-қосымша
Нұрғиса Тілендиев атындағы ІІ Республикалық дирижерлар

конкурсын дайындау және өткізу қағидасы

1. 
   Жалпы ережелер
   

1. 
   Нұрғиса Тілендиев атындағы ІІ Республикалық дирижерлар конкурсы (бұдан әрі - Конкурс) Қазақстан Республикасының 2006 жылдың 15-ші желтоқсанындағы «Мәдениет туралы» Заңының 7 бабы 12-тармағына сәйкес ұйымдастырылады.
   
2. 
   Конкурс Алматы қаласында 2012 жылғы 2 - 5 мамыр аралығында, «Жамбыл атындағы Қазақ мемлекеттік филармониясы» республикалық қазыналық кәсіпорыны негізінде «Қазақ әуендері» АҚ-ның ұйымдастыруымен өтеді.
   
3. 
   Конкурстың қорытындысы бойынша шағын дискіге (СД) жазылған бейнематериал шығарылады.
   

2. Мақсаттары мен міндеттері

4. 
   Конкурстың мақсаттары мен міндеттері болып мыналар табылады:
   

1) қазақстандық дирижерлар мектебінің дәстүрін сақтап әрі қарай дамыту;

2) дирижерлық өнер аясында жас талантты анықтау және олардың шеберліктерін шыңдауға мүмкіндік жасау;

3) талантты, әрі алғыр музыка шеберлері арқылы Қазақстанның музыкалық мәдениетінің деңгейін көтеру.
3. Тәртібі және шарттары

5. 
   Конкурсқа 18-40 жас аралығындағы дирижер - музыканттар және шығармашылық жоғары оқу орындарының студенттері қатыса алады.
   
6. 
   Қонкурсқа қатысуға ниет білдіргендер төмендегідей құжаттарды 2012 жылғы 23 сәуірге дейін ұсынуы керек:
   
   1. 
      Қағиданың 1-ші қосымшасына сәйкес өтініш;
      
   2. 
      төлқұжаттың көшірмесі;
      
   3. 
      шығармашылық өмірбаян (түйіндеме);
      
   4. 
      соңғы 6 ай көлемінде түскен 3х4 өлшемдігі фотосурет (2 дана), 10х15 (портрет);
      
   5. 
      СТН (салық төлеушінің номері)
      
   6. 
      білімі жайындағы дипломның көшірмесі немесе оқитын (студенттер үшін) жерінен анықтама;
      
   7. 
      әр кезеңде орындалатын шығармалар тізімі.
      

Конкурсқа қатысушылардың өтініштері Конкурстың басталуына
бір ай қалғанға дейін мына мекен-жайда қабылданады: 010000, Астана қаласы, Абай даңғылы, 18 үй, «Қазақ әуендері» акционерлік қоғамы; электронды пошта: [email protected]; байланыс телефондары:
(8 7172) 39 01 40, 74 04 31, факс (8 7172) 39 05 14, 8 701 913 31 60.

7. 
   Конкурсқа қатысуға берілген ұсыныс қатысушының осы Қағида талаптарымен толықтай келіскендігін білдіреді.
   
8. 
   Конкурсқа қатысудан бас тартқан жағдайда осы Қағиданың 6-тармағында көрсетілген құжаттар қатысушыға кері қайтарылмайды.
   
9. 
   Конкурсқа қатысушылар Ұйымдастыру комитетінің белгілеген мерзіміне сәйкес келеді. Конкурс қатысушыларының келуі бойынша шығындар осы Қағиданың 23-24-тармақтарына сәйкес жүзеге асырылады.
   
10. 
    Бірінші және екінші кезеңдер бойынша орындау тәртібі жеребе арқылы жүзеге асырылады және бұл кезек Конкурстың соңына дейін сақталады.
    
11. 
    Конкурста өнер көрсетудің 2 кезеңі көпшіліктің қатысуымен өткізіледі.
    
12. 
    Конкурс қатысушылары І–ІІ кезеңдерде конкурс бағдарламасын Қағиданың 2-ші қосымшасына сәйкес қалыптастырады.
    
13. 
    Конкурс қатысушылары 2 кезеңде Жамбыл атындағы Қазақ мемлекеттік филармониясының Н. Тілендиев атындағы «Отырар сазы» академиялық фольклорлық - этнографиялық оркестрі мен Мемлекеттік академиялық симфониялық оркестрінің сүйемелдеуімен орындайды.
    

14. 
    Барлық жеңімпаздар қорытынды гала-концертке қатысуға міндетті.
    
15. 
    Гала-концертке қатысушылар бағдарламадағы қазылар алқасы ұсынған шығарманы орындауы тиіс.
    

4. Ұйымдастыру комитеті

14. 
    Конкурсты дайындау және өткізу бойынша Ұйымдастыру комитетінің құрамы Қазақстан Республикасының Мәдениет және ақпарат министрлігінің Мәдениет комитеті Төрағасының бұйрығымен бекітіледі.
    
15. 
    Ұйымдастыру комитетінің мүшелері өз функцияларын қоғамдық бастамамен жүзеге асырады.
    
16. 
    Ұйымдастыру комитеті мүдделі тараптармен Конкурсты жүзеге асыру жөніндегі сұрақтар бойынша қарым-қатынасты жүзеге асырады.
    
17. 
    Ұйымдастыру комитеті Конкурсты дайындау және өткізу бойынша басшылықты жүзеге асырады, жүлделі орындардың саны мен ақшалай сыйақының мөлшерін анықтайды.
    
18. 
    Сыйақылар Қазақстан Республикасының Ұлттық банкінің курсы бойынша теңге түрінде Қазақстан Республикасының заңнамасына сәйкес салық түрлері алына отырып беріледі.
    
19. 
    Ұйымдастыру комитеті Конкурсты дайындау және өткізу барысында туындайтын өзге де ұйымдастыру мәселелерін шешеді.
    
20. 
    Конкурстың ұйымдастыру комитетінің келісімімен жеке және заңды тұлғалар түрлі арнайы сыйлықтарды тағайындай алады.
    
21. 
    Алматы қаласына ұйымдастыру комитетінің белгілеген уақытынан бұрын келген қатысушылар межеленген уақыт келгенше барлық шығындарды өздері төлейді.
    
22. 
    Ұйымдастыру комитеті Конкурс өтетін күндері қатысушылардың Алматы қаласында қонақ үйде тұру шығындарын 7 АЕК аспайтын мөлшерде төлейді. Қатысушылар Алматы қаласына дейінгі және қайтар жол мен тәулікақы шығындарын өз тараптарынан төлейді.
    
23. 
    Ұйымдастыру комитеті қатысушыларға қаламақы төлеусіз конкурсты радио, теледидар арқылы көрсету және тарату құқығына ие.
    

5. Конкурстың қазылар алқасы

14. 
    Конкурс қатысушыларының өнерін бағалау, сондай-ақ, қорытынды шығару үшін қазылар алқасы құрылады. Қазылар алқасының құрамы мемлекеттік органдардың өкілдерінен, мәдениет және өнердің көрнекті қайраткерлерінен құралады және Қазақстан Республикасының Мәдениет және ақпарат министрлігінің Мәдениет комитеті Төрағасының бұйрығымен бекітіледі.
    
15. 
    Қазылар алқасының саны, төрағаны қосқанда, тақ сан болуы тиіс.
    
16. 
    Қазылар алқасының шешімі түпкілікті және қайта қарауға жатпайды, хаттамамен ресімделеді және барлық қазылар алқасының мүшелері қол қояды.
    
17. 
    Қазылар алқасы мүшелерінің дауыстары тең бөлінген жағдайда Төрағаның дауысы шешуші болып табылады.
    
18. 
    Конкурстың қазылар алқасы:
    

а) қатысушыны тоқтатуға,

б) Ұйымдастыру комитеті белгілеген жүлделі орындарды бермеуге немесе бөлуге (бас жүлдені қоспағанда) құқылы.

14. 
    Қазылар алқасының шәкірттерінің Конкурсқа катысуға құқығы жоқ.
    

6. Қорытынды ереже

14. 
    Осы Қағидамен реттелмеген барлық мәселелер Қазақстан Республикасының қолданыстағы заңнамасына сәйкес шешіледі.
    

______________________________