Курамьял авылы турында.
- Курамьял авылы 17 гасырда барлыкка килгэн. Авыл район үзәгеннэн 30 км ераклыкта урнашкан. Авылнең өлкәннәреннән калган кызыклы риваят тә бар. Имеш, авылга беренче нигезне ат урлаучы Мәнди карак исемле кеше сала. Ул тирә яктагы авыллардан ат урлап көн күргән, качып килеп шушы аулак авылда яшәп калган. Тора-бара татарлар күбәйгән һәм авыл татарлашкан. Башта авылны «Әрем» авылы дип йортәләр. Соңгарак марилар Куремьял дип исем бирэлэр. «Корем» - елга, «ял» - ял итү дигәнне аңлата.. Авыл зурайган, 80 хуҗалыкка кадәр житкән. Авылда игенчелек белэн шөгелләнгәннәр, агач сукалар, агач тырмалар була, тубал белән ашлык чәчкәннэр.

- 1928 елда 72 хужалык була. 1937 елда авылда янгын чыгып 11 хужалык янып бетә, шунын белән 61 хуҗалык кала. Янган хуҗалыклар башка жиргә күчеп китәлэр .

- Авылдагы мәчетне кем төзегәнен белуче кеше юк. Авылның соңгы мәчете 1835 елда салынган. 1929 елда ябылып, бинасы мәктәп итеп файдалануга бирелгән. Яңа мәктәп 1966 елда төзелә. Балалар аз булу сәбәпле 1973 елда мәктәп ябыла.

- Кызыл почмак дип йөртелгэн бер йорт була. Башта шуны контора итеп тоталар, 1947 елда клуб итеп тоталар. Яшьләр шунда кичәлэр уткәрәләр, кино карыйлар, ял итәләр. Яңа клуб 1961 елны тозелә. 2010 елда клуб ябылды.

- 1926 елда комсомол ячейкасы төзелә. Аның башлап йөрүчелэре Салиха, Шарифель дигән кызлар була.

- 1928 елда Курамьял авылы Арбор авыл Советына керә. 1958 елда Курамьял авылы Дорга авыл Советына кучә. Хәзерге вакытта Куныр авыл жирлеге составына керә.

- 1929 елда колхоз оеша башлый. Анын рәисе Шәфыйков Зәки булла. Колхоз «Кызыл яр» исемен йөртә. Колхозда беренче бригадир Шихапов Ширияздан була.

- 1940 елда колхозны Галләмов Гомәр җитәкли. Урып җыю эшләрен кыска срокта бетерәләр хәм аны республика почет тактасына тәкъдим итәлэр. Сугыш елларында колхоз рәисе булып Зарипов Сәрвәр, Шаймухаметов дигән кешелэр эшли. 1950 елда «Кызыл яр» колхозы «Уял» колхозы белэн берләштерелә. Колхоз рәисе Зыкин Михаил була. Сонрак «Уял» колхозы «Активист» колхозына кушыла.

- 1932 елларда сарык фермалары төзелә, сарык үрчетү белэн шөгелләнәләр.

-- 1952 елларда тавык фермасы төзелә, тавык үрчетәләр.

- Боек Ватан сугышы елларында сугышка 87 ир – егет китә. Шуларның 44 кеше генә туган якларына исән сау эйләнеп кайта.

- 1947 елда беренче мәртәбә кино күрсәтелә.

- Курамьял авылына движок белэн ут 1950 елларда кертелә. Электр уты 1959 елда кертелә. Клубта тавышсыз, кул белэн әйләндерә торган кино 1947 елда карый башлыйлар.

- Радио – 1957 елларда килә.

- Телефон – 1950-51 елларда ферма йортында була.