Өздеріңіз білетіндей, қазіргі заманда балалар компьютерлік ойындар ойнағанды жақсы көреді.

Ойын – практикалық ойлау қабілетінің бір формасы болып табылады. Ойын барысында бала өзінің ақыл ойына, еретеде алған тәжірбиесіне сиына отырып өз ойлау қабілетін жетілдіреді.

Балаларға арналған компьютерлік ойындар баланың шығармашылық қасиеттерін, ойлау, проектік ойлау, алда болар қимылдардың шешімін болжау қабілеттерін дамытады. Қысқаша айтқанда баланың шығармашылық қасиеті өседі.

Бірақ, біз компьютердің адамға зияны бар екенін де ұмытпағанымыз абзал. Компьютер алдында көп уақыт отырсақ біздің ағзамызға жаман әсерін тигізеді. Өздеріңіз білетіндей үлкен кісінің ең көп дегенде күніне 5 сағат компьютер алдында отыруына болады және көзге арналған жаттығулар жасап отыруы қажет. Ал баланы компьютерге 4 жасынан үйретуге болады. Күніне 10 минут отырса жетеді, әлбетте көзге арналған жаттығулар жасау керек.

Мысалға, көзге арналған жаттығулар мынадай: көзіміз сәл демалғандай , орнымыздан тұрмай жоғары, төмен, оңға, солға қарауға болады, көзімізбен шеңбер сызуға немесе өз атымыздың бірінші әріпін жазуға болады.

Көзге арналған жаттығулар:

1 жаттығу

Екі көзімізбен бірге екі қасымыздың ортасына қарап көрейік, осы күйімізде 5 секуд тұруымыз қажет.

2 жаттығу

Екі көзімізбен бірге мұрын ұшына қарап, осылай 5 секунд тұрамыз.

3 жаттығу

Екі көзімізбен бірге оң жақ иығымызға қараймызда, 5 секунд тұрамыз

4 жаттығу

Дәл 3 жаттығуға сәйкес, бірақ керісінше сол жақ иығымызға қарап, 5 секунд тұрамыз

5 жаттығу

Көзіміздің қарашығын сағат тілімен айналдыру және керісінше айналдыру. 3-4 қайталау.

Сонымен қатар жұмыс орнына көңіл аударған жөн, яғни қайда және қалай сіздің компьютеріңіз орналасқан. Жұмыс орнын дұрыс таңдау, монитордың дұрыс орналасуы компьютердің ағзаға келтірер зиянын азайтады.

• 
  Компьютермен жұмыс жасағанда жарықтың жеткілікті мөлшерде түсуін қадағалау.
  
• 
  Үстелді орналастырған кезде, терезенің сіздің алдыңызда болмағанын қадағалау, өйткені күн сәулесі түсіп, жұмыс жасауыңызға кедергі етеді.
  
• 
  Монитор әйнегі таза болуға тиіс. Көзілдірік киетін болсаңыз, олда айнадай таза болуы керек.
  
• 
  Монитор әйнегінің тап ортасы сіздің көзіңіздің деңгейінде немесе сәл төмен орналасуы қажет. Басыңызды тік ұстауыңыз керек, алға еңкеймей.
  
• 
  Монитор сіздің көзіңізден 50-60 см. алшақ болуы керек. Егерде сіз осындай арақашықтықтан көрмейтін болсаңыз, өлшемін үлкейтуге болады.