АИТВ-инфекциясының таралуында ЖЖБЖ рөлі
ЖЖБЖ АИТВ-инфекциясын жұқтыру қаупін арттырады. Біріншіден, гениталды ұшық және мерез секілді осындай инфекциялар жара пайда болуымен өтеді, сол арқылы АИТВ организмге оңай енеді. Екіншден, соз ауруы мен хламидиоз секілді инфекциялар, тіпті симптомдар болмағанның өзінде, АИТВ жұқтыру қаупін арттыруы мүмкін. Егер адамның бойында бір мезгілде ЖЖБЖ мен АИТВ болса, онда АИТВ-ның серіктесіне берілу ықтималдығы жоғары болады.

ЖЖБЖ мен АИТВ презервативсіз біреуінің және соның жыныс қатынасы нәтижесінде берілуі мүмкін. Яғни адамды АИТВ-инфекциясына диагностикаласа, онда оның бойынан басқа ЖЖБЖ толық анықталуы ықтимал. Сондықтан да АИТВ-ны қоса алғанда, жыныс жолымен берілетін кез-келген инфекцияны анықтаған кезде, басқа да ЖЖБЖ-ға тексеру ұсынылады.

ЖЖБЖ-ның, АИТВ-теріс адамдармен салыстырғанда, АИТВ-оң адамдар үшін аса үлкен қаупі бар. Бұл – АИТВ-инфекциясы кезінде зақымданған иммундық жүйесі ЖЖБЖ-ны еңсере алмауына және оның ауыр түрде өтуіне байланысты болады. ЖЖБЖ-ның көпшілігі емдеуге жеңіл көнуіне байланысты, ЖЖБЖ-ға уақытында қаралуы және емдетуі керек.

ЖЖБЖ жұқтыру былайша өтеді:

- Жыныс қатынасы кезінде, теріде сыдырылуы арқылы не шырышты қабықшасы арқылы.

- Қаны арқылы: залалсыздандырылмаған шприцтер мен инелерді пайдалану кезінде, жұқтырылған донор қанын құю кезінде.

- Жүктілігі және босанған кезде анадан балаға.

- Тұрмыстық жолмен жұқтыру өте сирек болады.

Егер Сіздің бойыңызда мыналар пайда болса, шұғыл түрде дәрігерге қаралуыңыз керек:

- жыныс органдарының тұсында жаралар, сыдырындылар не өсіктер (сүйелдер);

- жыныс органдарынан не кіші дәрет алу жолдарынан жағымсыз сұйықтардың бөлінуі (жағымсыз иісі бар іріңнің, молынан ағуы;

- жыныс органдарының қышуы және ісуі;

- кіші дәрет алуы кезінде күйдіруі не ауыртуы;

- жыныстық қатынас кезінде ауыртуы;

- қарнының төменгі тұсын ауыртуы.

Дәрігерге көрінуді кейінге қалдырмаңыз! Адам өмірінің интимдік саласымен айналысатын докторда болудың еш әбестігі жоқ, ол маман ретінде осының анонимділігі мен құпиялылығын сақтауға міндетті.

ЖИТС МОО-ның дерматовенерологы Д.Б.Чотбаева.