Қолданылатын әдебиеттер:

1. 
   ҚР Қылмыстық Іс Жүргізу Кодексі, Алматы: Жеті жарғы 01.01.1998 ж. толықт. мен түзет. 2010 жыл.
   
2. 
   Белкин Р. С. Эксперимент в следственной и судебно-экспертной практике. М. 1964 г.
   
3. 
   Гинсбург А. Я. , Мажитов Ш. М. , Тактические основы следственных действий. Вып. Алматы, 1977 г.
   
4. 
   Еркенов С. Е. , Султанов С. И. Тергеу әрекеттерінің тактикасы. Данекер 2002
   
5. 
   Жәкішев Е. Г. и др. Криминалистика. КазНУ. 2005
   
6. 
   Порубов А. Н. Ложь и борьба с ней на предварительном следствии. Минск, 2002
   
7. 
   Селиванов А. Н. , Теребилов В. И. Первоначальные следственные действия. М, 1969 г.
   

Есептер:

1. Тепловоз механигі С. Сапаргалиев ауыр салмақты жүк поезды жүргізу кезінде дөңгелек астында төрт оқушыны басып кеткені үшін қылмыстық жауапкершілікке тартылған. Полиция бөлімінің қызметкерлерімен жүргізілген тергеу барысында басып кету темір жолдың шұғыл бұрылыстары, өрлері мен еңістері бар төсімді төбелі жағдайында жүзеге асырылғандығы анықталды. Басып кету орын алған жерден 830 метр қашықтықта тұрған темір жол қараушысы А. Иванов тепловоздың сигналдарын естімегендігін және оқиғаның төбенің арғы жағында болғандықтан басып кеткен балаларды көрмегендігі туралы жауап беру кезінде айтты.

Механик С. Сапаргалиевтің берген көрсетпесі бойынша: «Мен составты еңіс бойымен 60 км жылдамдықпен тежеуішті баса отырып жүргіздім. Балаларды 20° бұрышпен тығыз орналасқан ойыстан шыққанда 100 метр арақашықтық қалғанда ғана байқадым. Жедел созылмалы сигнал беріп шұғыл тежеуді қостым. Бірақ ауыр жүк пойызының қысымын ұстай алу мүмкіндігім болмады». С. Сапаргалиевтің тұжырымдауы бойынша балалар сигналды естімеді, себебі бір-біріне басын қойып сөйлесіп бара жатты.

Нақты тергеу іс-әрекетінің алдына қойылатын міндеттері қандай?

Тергеу әрекетін қалай ұйымдастыру керек (қатысушылар құрамы, жоспар, ғылыми-техникалық құралдар, макеттер, маникендер)? Тергеу әрекетін жүргізу кезінде қандай мамандардың қатысуы қажетті? Қанша куәгерлер керек, қалай қайталау және нені өзгертіп қайталау қерек? Тергеушінің дайындық жұмысы қандай жағдайларға бағытталуы керек? Тәжірибенің нәтижесің қалай бекітеді?
2. 6 тамызда Мәдениет және демалыс саябақ өзенінде қайықпен жүзу кезінде орта білім мектебінің 3 сынып оқушылары Тоня Коростелева және Дима Зацепин батып кетті. Жазатайым оқиға кешкі сағат 22.00 шамасында тұманды ауа райы жағдайында болды.

Қылмыстық жауапкершілікке саябақ қайық станциясының басшысы А. Змий және кезекші матрос П. Иванов тартылды. Оларға біріншіден, оқушыларды тұман түскен кезде шақырып алмағандығы және екіншіден, қайық кездейсоқ аударылып кеткенде көмек көрсетпегендері бойынша айып тағылды.

А. Змий мен П. Иванов жағажайдан 120 метр қашықтықта табылған, төңкерілген қайықты тұман кезінде көру мүмкін емес болғанын, сондай-ақ көмек сұраған айқай мен шуды естімегендерін айтты.

Нақты тергеу іс-әрекетінің алдына қойылатын міндеттері қандай?

Тергеу әрекетін қалай ұйымдастыру керек (қатысушылар құрамы, жоспар, ғылыми-техникалық құралдар, макеттер, маникендер)? Тергеу әрекетін жүргізу кезінде қандай мамандардың қатысуы қажетті? Қанша куәгерлер керек, қалай қайталау және нені өзгертіп қайталау қерек? Тергеушінің дайындық жұмысы қандай жағдайларға бағытталуы керек? Тәжірибенің нәтижесің қалай бекітеді?
3. Дүкеннен үй тауарларын тонауға байланысты іске А. Воронов деген азаматты тінту барысында көп мөлшерде тоналған заттар табылып, айып тағылды.

А. Воронов өз кінәсін мойындап, тергеушіге тонау әрекетін қалай істегенін айтып берді.

Дүкеннің терезесі сырт жақтан ашылатынын пайдаланған А. Воронов, басында ілмегі бар ұзын таяқшамен қабырғадағы және тартпадағы түрлі тауарларды шығара берген.

А. Вороновтың жауабын тексеруді, тергеуші айыпталушыны қатыстыра отырып эксперимент жүргізді.

Куәгерлердің қатысыуымен ол терезеге жақындап, пышақтың көмегімен терезені еш кедергісіз ашты. Басында ілмегі бар ұзын таяқпен әйел адамның киімін салатын затты алып шықты.

Тергеушінің айыпталушыны тергеу экспериментіне қатыстыру әрекеті дұрыс па?

Осы тергеу экспериментін жүргізу хаттамасын толтырыңыз.
4. Өндіріс орнынан тоналған жәшіктерді Газ–51 жүк машинасына белгілі көлемде тиеу қажеттілігі туындады. Тергеу эксперименті кезінде тоналған жәшіктерді шығарған жүк машинасымен жүргізу мүмкіндігі болмағандықтан, тергеуші сол маркадағы басқа жүк машинасымен жүзеге асырды.

Тергеушінің әрекеті дұрыс па?
5. Айыпталушы, өзінің қылмыс жасағанын мойындап, 20 минут уақыт ішінде дүкеннен белгілі мөлшерде тауар алып шыққаны туралы көрсетпе берді. Оның жалғыз өзі осы қысқа уақыт ішінде көп мөлшерде тауарды дүкеннен шығарғаны күмән туғызды. Осыған орай, тергеуші айыпталушының бұл іс-әрекетті жалғыз жасағаны және ол өзінің көмекшілерін атағысы келмегені жайлы күдіктенді.

Айыпталушының жауабын тергеу эксперименті арқылы тексеру жөнінде шешім қабылданды.

Дүкенге тоналған заттарға ұқсас тауарлар қойылып, айыпталушыға осы тонау әрекетін қалай жасағанын көрсету тапсырылды.

Айыпталушы, дүкеннен тауарларды 19 минут уақыт аралығында алып шығады.

Бұл экспериментті жүргізу кезінде бұл айғақ қандай негізде тіркелуі тиіс?

Тергеу экспериментінің хаттамасын толтырыңыз.
6. Азамат М. Кабилов мас күйінде бұзақылық ниетпен азамат К. Азимовты бұрғымен басына, бетіне, мойнына 9 жарақат салу арқылы өлтірген.

М. Кабиловқа жеке тінту жүргізу кезінде бұрғы табылды. Тергеуші тергеу экспериментін жүргізуді бекітіп, өлген адамға жарақат осы бұрғымен ба, әлде өзге затпен келтіргенін анықтау мақсатын қойды?

Оны жүргізу үшін ол мәйіт денесінің жарақаттанған жерлеріне бұрғыны салып көру арқылы мәйіт терісіндегі жарақаттан қалған ізбен бұрғы жүзінің бір-біріне сәйкес келетендігін анықтауды ұсынды.

Аталған тергеу экспериментін жүргізуге болады ма, жоқ болса неге бұндай экспериментке жол берілмейді?
Тергеу эксперименті хаттамасының жобасы
Тергеу эксперименті жүргізілген күні. Тергеу эксперименті жүргізілген жері. Оны жүргізген тұлғаның қызметі (лауазымы, жұмыс орны, шеңдік атағы, және шені, тегі, аты-жөні). Тергеу эксперименті сәйкесінше жүргізілген ҚІЖК-нің бабына сілтеме.

Тергеу экспериментіне қатысутын тұлғалар көрсетіледі: куәгерлер (тегі,аты-жөні, мекен-жайы); мамандар (тегі, аты-жөні, мекен-жайы, мамандығы, ғылыми дәрежесі, қызметі, жұмыс орны); куәлердің, жәбірленушілердің, айыпталушылардың (тегі,аты-жөні, мекен-жайы), сондай-ақ дублер ретінде қатысушы тұлғалар, полиция қызметкерлері және әкімшіліктің өкілдері.

Тергеу экспериментіне қатысушылардың құқықтары мен міндеттерін түсіндіру.

Тергеу экспериментің жүргізудің негізі мен қажеттілігі.

Тергеу эксперименті жүргізілген кезеңдегі ауа-райы мен қоршаған ортаның жағдайын сипаттау.

Тергеу экспериментін жүргізу үшін эксперимент жүргізілетін жерге реконстукция мен өзгерістер енгізу әрекеттері.

Тергеу экспериментіне қатысушылардың эксперимент кезінде орналасуы.

Эксперимент барысында жүргізілетін барлық әрекеттерді жан-жақты сипаттау және оның нәтижесін көрсету.

Тергеу экспериментінің басталу мен аяқталу уақыты.

Тергеу экспериментіне қатысышылардың қолы мен арызы.

Тергеу эксперименті туралы хаттама

(үлгі)

Теміртау қаласы 12 қыркүйек 2010 жылы

Теміртау қаласының ІІБ тергеу бөлімінің тергеушісі, полиция капитаны С. Сандалов, ІІБ тергеу бөлімінің тергеушісі, полиция капитаны П. Попованың қатысуымен

Куәгерлер: 1. Чайковский Иван Кламович, тұрғылықты жері: Теміртау қаласы, Николаева, 53;. 2. Селянина Клавдия Сергеевна, тұрғылықты жері: Теміртау қаласы, Николаева 11;. 3. Воздухов Василия Васильевич, тұрғылықты жері: Теміртау қаласы, Николаева 48 үй, 3-ші пәтерде; 4. Богораз Павел Сидорович, Теміртау қаласы, Николаева 52-ші үйде тұрады.

Куәлер: Захаров Виктор Федорович және Понамарев Захар Иосифович, №14567890456-қылмыстық іс бойынша айыпталушы Сибагатуллин Ахметов Садыковичтың қатысуымен.

Конвой - полиция сержанты Соколова И.П.. полиция сержанты Алгабасов М. №№14567890456-қылмыстық іске байланысты, ҚР ҚІЖК-нің 239 бабын басшылықка алып, 11 қыркүйек 1997жылы айыпталушы Сибагатуллин Ахметовтың берген жауабындағы жағдай бойынша естілу мүмкіндіктерін тексеру мақсатында тергеу эксперименті жүргізілді.

Аталған тұлғалардың тергеу экспериментіне қатысу құқықтары мен міндеттері түсіндірілген және тергеу экспериментіне басқа да қатысушылар тергеушінің әрекетінің негізі бойынша өтініш береді.

Эксперимент Николаев көшесінің бойындағы 48-ші үйінің екінші қабатындағы бөлмелерде жүргізілді. Коридор жүйесі екінші қабатта орналасқан. Сибагатулин Ахметовтың бөлме есігінен, 2-ші қабаттың орталық коридарына шығады. Осыдан екінші қабатта қалған жеті бөлмелердің есігі шығады. Сибагатуллин Ахметовтың атқаратын бөлмесі 4-ші сандық атаумен есептелінеді. Сибагатуллин Ахметовтың нұсқауы бойынша бөлмеде куә Захаров пен куә Понамарев әңгімелесіп отырған, яғни 6-шы нөмерлі және шығыс қабырғасы ұштасады 4-ші нөмерлі бөлменің батыс қабырғасымен. Қатарлас 4-ші номерлі және 6-шы номерлі бөлмелердің екі жақтары да сырланған, бөрене қабырғасымен бөлінген.

Эксперимент 13 сағат.34 минутта ауа-райының сыртқы температурасы +8 С, желсіз, тынық жағдайында жүргізілді. Эксперимент барысында сол сияқты көшеден, сондай-ақ көршілес бөлмеден, 4-ші номерлі бөлмеге және 6-шы бөлмеге бөгде дыбыстар естілмеді.

Тергеуші Попов, полиция Соколов пен Алгабасов, айыпталушы Сибагатуллин Ахметов, куәгерлер Чайковская мен Селянин 6-шы бөлмеден бөлінетін 4-ші бөлменің қабырғамен бойлай бөлінген 4-ші бөлмедегі орындыққа жайғастырылды. Есік жақсылып жабулы.

Тергеуші Сандалов, куәлар Захаров пен Понамарев, куәгерлер Воздуховты, Богоразты 4-ші бөлмеден бөлінетін 6-ші бөлменің қабырғамен бойлай бөлінген 6-шы бөлмедегі орындыққа жайғастырылды. Коридор есігі толықтай жақсылап жабулы. Сондай-ақ екі-жақтың терезелері тығыздап жабылған.Екі жақтағы бөлмеде болған экспериментке қатысушылар, сағат уақытын тексеріп, дәл 13сағат 40минутта тергеуші Захаров пен Понамаревтің белгі беруі бойынша кезектесіп 6 рет орташа дауыс ырғағымен: «Надо закопать Сибагатуллина и сделать на него материал о связах с мошенниками» деген фразаны дауыстап айтты.

13 сағат 45 минутта тергеуші Захаров пен Понамаревтың белгі беруі бойынша кезектесіп 6 рет дәл осы сөйлемді (жоғары дауыспен) дауыстап айтылды.

13 сағат 50 минутта тергеуші Захаров пен Понамаревтың белгі беруі бойынша кезектесіп 6 рет дәл осы сөйлемді: «Надо закопать Сибагатуллина и сделать на него материал о связах мошенниками» ( өте жоғары дауыспен) айқайлап айтылды.

14 сағат 3 минутта 6-шы бөлмеде болғандардың барлығын, 4-ші бөлмеге шақыртып алып және тергеушінің сұрақтарына жауап берді.

1. 
   13 сағат 40 минутта Поповқа, Сибагатуллинге, Соколовқа, Алгабасовқа, Чайковскийге және Селянинаға адам дауысының дыбыстары түсініксіз естілді.
   
2. 
   13 сағат 45 минутта Поповқа, Сибагатуллинге, Соколовқа, Алгабасовқа, Чайковскийге және Селянинаға адам дауысының дыбыстары әлсін естілді. бірақ сөздердің мағынасын түсіне алмады.
   
3. 
   13сағат 50минутта Поповқа, Сибагатуллинге, Соколовқа, Алгабасовқа, Чайковскийге және Селянинаға адам даусы естілді, бірақ сөзді талдай алмады.
   

Тергеу эксперименті 14 сағат10 минутта аяқталды.
Куәгерлер: Чайковский, Селянина, Воздухова; Богораз

14-ші істің куәлері: Захаров пен Понамарев

Іс бойынша айыпталушы: Сибагатуллин Ахметов

Тергеуші: Попов

Тергеуші: Сандалов
Полиция қызметкерлері: Соколов және Алгабасов
Cтуденттің өзін-өзі бақылауға арналған тест сұрақтары:
Тергеу экспериментінің негізі:

1. 
   айғақты заттарды іздеу
   
2. 
   сезіктінің жеке басын анықтау
   
3. 
   тәжірибелі әрекеттер жүргізу
   
4. 
   көрсетпелер алу
   
5. 
   бәрі де дұрыс емес
   

Тергеу экспериментін жүргізу кезіндегі куәлар мен жәбірленушілердің рөлі:

1. 
   экспериментке қатысушыларды таңдау
   
2. 
   эксперимент нәтижесін бағалау
   
3. 
   реконструкция жасауға көмек көрсету
   
4. 
   эксперимент фактісін куәландыру
   
5. 
   экспериментті бекіту
   

Тергеу экспериментіне маманды қатыстыру қажеттілігін анықтайды:

1. 
   қылмыстық әрекетті саралау
   
2. 
   бұлтартпау шараларын қолдану
   
3. 
   тактикалық шешім
   
4. 
   арнайы білімінің қажеттілігі
   
5. 
   барлық жағдайда қатысуы міндеттілігі
   

Тергеу эксперименті жүргізілмейді:

1. 
   теледидарды осы саңылау арқылы шығаруға бола ма?
   
2. 
   шаппаның (след бойка) ізі бойынша тапаншаны идентификациялауға бола ма?
   
3. 
   ақшаның суретін осы адамның өзі салуы мүмкін бе?
   
4. 
   50 метр ара қашықтықтағы адамның кім екенін анықтау мүмкін бе?
   
5. 
   бөлмеде отырып атылған мылтықтың даусын естуге бола ма?
   

Тергеу эксперименті арқылы шешілуге жатпайтын жағдайлар:

1. 
   қандайда бір фактілер мен құбылыстардың болу мүмкіндігі
   
2. 
   іздердің пайда болу механизмі
   
3. 
   әрекеттер жасау мүмкіндігі
   
4. 
   құралдарды идентификациялау мүмкіндігі
   
5. 
   кәсіби дағдысының болуы
   

Қандай тергеу экспериментінде жауабы тексерілетін тұлғаның қатысуы міндетті:

1. 
   құбылыстардың болу мүмкіндігі
   
2. 
   құбылыстар мен мәліметтерді қабылдау мүмкіндігі
   
3. 
   белгілі бір әрекеттерді жасау мүмкіндігі
   
4. 
   кәсіби дағдысының болуы
   
5. 
   функционалдық қасиеттерді анықтау
   

Тергеу экспериментінің қатысушыларына нұсқаулықтар бергенде ескерілмейтін факторлар:

1. 
   процессуалдық жағдайы
   
2. 
   әр қатысушының ролі
   
3. 
   тәжірибелердің кезектілігі
   
4. 
   жүргізілетін тәжірибе мақсаты
   
5. 
   тәжірибелі әрекеттерді модельдеу
   

Эксперименттің тактикалық ережесі болып табылмайды:

1. 
   бірнеше рет қайталап жүргізу
   
2. 
   өзгерілген факторларды ескеру
   
3. 
   міндетті шарттарды орындау
   
4. 
   тәжірибелерді күрделенген жағдайларда жүргізу
   
5. 
   экспериментті кенеттен жүргізу
   

Эксперименттің дұрыстылығына әсер ететін жағдай:

1. 
   куәгерлердің қатысуы
   
2. 
   жүргізу шарттары
   
3. 
   сезіктінің қатысуы
   
4. 
   куәлардың қатысуы
   
5. 
   жәбірленушінің қатысуы
   

Тергеу экспериментінің тактикасына жатпайды:

1. 
   тәжірибенің жағдайы тексерілетін оқиғаға барынша ұқсас болуы керек
   
2. 
   тәжірибені бірнеше рет қайталау керек
   
3. 
   тәжірибені кезең - кезеңімен жүргізу керек
   
4. 
   тәжірибеге қатысушылардың өмірі мен денсаулығына қауіп төндірмейтіндей болу керек
   
5. 
   кейінге қалдырылмай жүргізілуі керек
   

Қандай тергеу эксперименті жүргізілмейді:

1. 
   құбылысты, фактіні қабылдау мүмкіндігі
   
2. 
   құбылыстың болу мүмкіндігі
   
3. 
   белгілі бір әрекеттерді жасау мүмкіндігі
   
4. 
   іздердің механизмін анықтау мүмкіндігі
   
5. 
   бүтінді бөлшектеп идентификациялау мүмкіндігі
   

Тергеу экспериментінің түрлері жүргізіледі:

1. 
   қандай да бір құбылыстың болу, болмау мүмкіндігі
   
2. 
   дағдының болуын анықтау мүмкіндігі
   
3. 
   құбылысты қабылдау мүмкіндігі
   
4. 
   қылмыстың механизмін анықтау мүмкіндігі
   
5. 
   аталғандардың барлығы тергеу экспериментінің түріне кіреді
   

Қандай міндеттерді шешуде тергеу эксперименті жүргізілмейді:

1. 
   ұрланған заттарды жалғыз адам әкетуі мүмкін бе
   
2. 
   терезе арқылы пәтерге енуге бола ма
   
3. 
   пәтерде отырып, баспалдақтағы әңгімені есту мүмкін бе
   
4. 
   двигатель номерін қалпына келтіру мүмкін бе
   
5. 
   тұрмыс техникасының 20 қорабы контейнерге сыйуы мүмкін бе
   

Тергеу экспериментінде қайта қалпына келтірудің рөлі:

1. 
   ақпаратты алу үшін
   
2. 
   ақпаратты тексеру үшін
   
3. 
   ақпаратты салыстыру үшін
   
4. 
   тергеу экспериментін қайта жаңғырту үшін
   
5. 
   жауаптағы қайшылықтарды жою үшін
   

Тергеу экспериментінің дайындық сатысына жатпайды:

1. 
   жағдайды қайта қалпына келтіру
   
2. 
   бағыт беретін ақпараттарды жинау
   
3. 
   бастапқы ақпаратты анықтау
   
4. 
   прокурорға хабарлау
   
5. 
   тәжірибені бірнеше рет қайталау
   

Тергеу экспериментінде тергеушінің дайындық әрекетіне кірмейді:

1. 
   жүргізілген қайта құруды тексеру
   
2. 
   тергеу экспериментіне қатысушылардың нұсқаулықтары
   
3. 
   куәгерлердің құқықтары мен міндеттерін түсіндіру
   
4. 
   қажетті құралдардың бар, жоқтығын тексеру
   
5. 
   хаттама толтыру
   

Белгілі бір ара қашықтыққа жету уақытын анықтаудың негізгі шарттары:

1. 
   күннің уақыты (апта күні)
   
2. 
   ауа райы жағдайы
   
3. 
   көлік құралының жағдайы
   
4. 
   жүргізушінің айдау деңгейі
   
5. 
   барлығы
   

Тергеу экспериментіндегі қабылдау мүмкіндігінің шарттары:

1. 
   жыл мезгілі (тәулік уақыты)
   
2. 
   қабылдау орны
   
3. 
   ара қашықтық
   
4. 
   тексеруге сәйкес кедергілер
   
5. 
   барлығы
   

Тергеу эксперименті кезінде қайта қалпына келтіруге жатпайды:

1. 
   нұқсан келтірілген объектілердің бөлшектерін қайта қалпына келтіру
   
2. 
   оқиға орнындағы алғашқы жағдайды қалпына келтіру
   
3. 
   жәбірленушінің дене бітіміне ұқсас маникен жасау
   
4. 
   құралдың макетін дайындау
   
5. 
   қолжазу үлгілерін алу
   

Айыпталушы оқиға болған жерден үйіне дейін 30 минутта жүгіріп жеткендігін атап өтті. Осы жағдайды қандай тергеу әрекетімен тексеруге болады:

1. 
   оқиға болған жерді қарау
   
2. 
   жауап алу
   
3. 
   оқиға болған жерде жауапты тексеру
   
4. 
   тергеу эксперименті
   
5. 
   беттестіру
   

Сараптама жүргізу кезінде сарапшы зерттеудің эксперименталды тәсілін пайдаланады. Ол жүргізеді:

1. 
   тергеу экспериментін
   
2. 
   эксперттік эксперимент
   
3. 
   жауаптарды нақтылау
   
4. 
   қарау
   
5. 
   зерттеу
   

Бөлме терезесінен көру немесе есту мүмкіндігін тексеру үшін жүргізілетін тергеу экспериментіне неше куәгер қатыстырылады:

1. 
   біреу
   
2. 
   үшеу
   
3. 
   бесеу
   
4. 
   төртеу
   
5. 
   бесеуден көп
   

Тергеу экспертименті барысында тергеушінің ұсынысы бойынша айыпкер дүкен қабырғасындағы терезе арқылы бірнеше рет өтті. Дүкеннен ұрланған тауарларды ұрлау фактісін қалай бағалайсыз:

1. 
   саңылау арқылы ұрлау мүмкін
   
2. 
   саңылау арқылы ұрлау фактісі анықталған
   
3. 
   ұрлау фактісі тек қана түнгі уақытта болуы мүмкін
   
4. 
   қабырғадағы саңылау арқылы кіріп ұрлау мүмкін емес
   
5. 
   ұрлау фактісі тек қана күндізгі уақытта болуы мүмкін
   

Төменде көрсетілген жағдайлардың қайсысы эксперименттің нәтижелеріне дұрыс баға береді:

1. 
   қабылдау мүмкіндігін тексеру кезінде теріс қорытындылар фактілі мәліметтердің ролін атқарады
   
2. 
   дұрыс нәтижелер оқиғаның шынайы механизмін куәландырады
   
3. 
   дұрыс нәтижелер эксперименттің барлық түрлерінің тікелей дәлелдемелері болып табылады
   
4. 
   болуы мүмкін қорытындылар фактілік мәліметтердің ролін атқарады
   
5. 
   дұрыс нәтижелер қабылдау мүмкіндігін тексеру кезінде фактілі мәліметтердің ролін атқарады
   

Тақырып. Тану үшін корсету, айғақтарды оқиға болған жерде тексеру мен нақтылау тактикасы

Дәріс, тәжірибелік және СОӨЖ (СӨЖ) сабақтарының негізгі мазмұны.
Тану үшін көрсету, оның міндеті және түрлері. Тану үшін көрсетудің психологиялық негіздері және процесуалдық шарттары.

Тануға көрсетер алдындағы дайындық. Танитын адамнан жауап алудың ерекшелігі. Тануға ұсынылынатын объектіге ұқсас объектілерді іріктеп алу. Тануға көрсету жағдайы мен шартын таңдау. Адамды, мәйітті, жеке заттарды (бұйымдарды) малды, сондай-ақ ашық алаңды және үйдің ішін тануға көрсетудің тәртібі.

Объектілерді олардың фотосуретін көрсету арқылы таныту. Тануға көрсетудің қортындысын бекіту. Танудың дәлелдемелік маңызын бағалау.

Айғақтарды оқиға болған жерде тексеру мен нақтылаудың маңызы, оның міндеттері, процесуалдық шарттары. Айғақтарды оқиға болған жерде тексеру мен нақтылау жүргізуге дайындық жұмыстарының тәртібі, оның қортындысына баға беру.

Тақырып. Тану үшін көрсету

Айғақтарды оқиға болған жерде тексеру мен нақтылау 2 - сағат
Тәжірибелік сабақтын мақсаты:

• 
  тақырыпқа байланысты теориялық негіздер туралы сұрау,
  
• 
  қажет ғылыми-техникалық құралдармен танысу,
  
• 
  тану үшін көрсетудің (адамды, мәйітті, жеке заттарды, малды, сондай-ақ ашық алаңды және үйдің ішін) тануға көрсетудің ерекшеліктерімен таныстыру
  
• 
  тергеу ситуациясын (есеп бойынша) талдап, тануға дайындық жұмыстарын жүргізуді үйрету
  
• 
  объектілерді олардың фотосуретін көрсету арқылы тануды үйрету
  
• 
  фабула бойынша студенттер өзара рольдерді бөлісе отырып, оны тәжірибе жүзінде жүргізу.
  
• 
  жүргізілген тану нәтижесін талдау, кемшіліктердің болу себептеріне негіз болған жағдайларды анықтау және көрсету,
  
• 
  жүргізілген тану нәтижелері бойынша жасалған хаттамаларды талдау
  
• 
  айғақтарды оқиға болған жерде тексеру мен нақтылау жүргізу ерекшеліктерімен фильм арқылы таныстыру (оқу құралы ретінде қолданылатын бейнежазбаларды көрсету)
  
• 
  көрсетілген бейнежазбаларды талқылау
  

Теориялық негіздер туралы бақылау сұрақтары

1. 
   Тану үшін көрсету, оның міндеті және түрлері.
   
2. 
   Тану үшін көрсетудің психологиялық негіздері және процесуалдық шарттары.
   
3. 
   Танитын адамнан жауап алудың ерекшелігі.
   
4. 
   Адамды, мәйітті тануға көрсетудің тәртібі
   
5. 
   Жеке заттарды (бұйымдарды) тануға көрсетудің тәртібі
   
6. 
   Малды, ашық алаңды және үйдің ішін тануға көрсетудің тәртібі
   
7. 
   Тануға көрсетудің қортындысын бекіту.
   
8. 
   Танудың дәлелдемелік маңызын бағалау
   
9. 
   Айғақтарды оқиға болған жерде тексеру мен нақтылаудың маңызы, оның міндеттері, процесуалдық шарттары.
   
10. 
    Айғақтарды оқиға болған жерде тексеру мен нақтылаудың басқа тергеу әрекеттерден айырмашылыгы
    
11. 
    Айғақтарды оқиға болған жерде тексеру мен нақтылаудың кезеңдері және оны жүргізудің амалдары.
    
12. 
    Айғақтарды оқиға болған жерде тексеру мен нақтылаудың дайындық жұмыстары.
    
13. 
    Айғақтарды оқиға болған жерде тексеру мен нақтылаудың нәтижелері бойынша бекітудің тәртібі.
    
14. 
    Бақылау сұрақтары және жалпы өткен тақырып бойынша қорытынды шығару.
    

Қолданылатын әдебиеттер:

1. 
   ҚР Қылмыстық Іс Жүргізу Кодексі, Алматы: Жеті жарғы 01.01.1998 ж. толықт. мен түзет.2010 жыл.
   
2. 
   Жәкішев Е. Г. и др. Криминалистика КазНУ 2005
   
3. 
   Еркенов С. Е. , Султанов С. И. Тергеу әрекеттерінің тактикасы. Данекер 2002
   
4. 
   Бодалев А. А. Восприятие и понимание человека человеком. М, 1982.
   
5. 
   Гапанович Н. Н. Опознание в судопроизводстве. Минск, 1975.
   
6. 
   Гинзбург А. Я. Опознание в следственной и оперативно-розыскной тактике. М. , 1996.
   
7. 
   Гинзбург А.Я., Поврезнюк Г. И., Салаев Б. А. Криминалистические методы и средства отождествления личности. Алматы, 1998.
   
8. 
   Поврезнюк Г. И. Криминалистические методы и средства отождествления личности. Алматы, 2001
   
9. 
   Хлынцов М.Н. Проверка показаний на месте. – Саратов,1971г.
   
10. 
    Шепитько В.Ю. Теоретические проблемы систематизации тактических приемов в криминалистике. – Харьков,1995г.
    
11. 
    Шиканов В.И. Теоретические основы тактических операций в расследовании преступлений. – Иркутск,1983г.
    
12. 
    Якубович М.А. Общие проблемы криминалистической тактики. В кн. «Советская криминалистика» Теоретические проблемы. – М., «Юрид.лит.»,1987г.
    

<предыдущая страница | следующая страница>