Қ А УЛ Ы

Тінту жүргізу туралы

25 желтоқсан 1992 жыл Қызылорда қаласы

Қызылорда қалалық прокуратурасының аға тергеушісі 2 дәрежелі заңгер М.Махшатов, аз-т Баянқұлов Рамазан Ідірісұлының қасақана өлтірілуіне байланысты Қазақстан Республикасы ҚК-нің 8 бабының 2 бөлігімен қозғалган №31505 санды қылмыстық іс құжаттарын қарап,

АНЫҚТАДЫМ :

1992 жалдың желтоқсан айының 24-нен 25-не қараған түні, жергілікті уақытпен 02 сағат шамасында Титов қыстағы, № 31 үйдің алдында Бөлегенов Батырбек арақ ішкен мас күйінде Баянқұлов Разаман Ідірісұлының денесіне бірнеше жерден пышақ салып қасақана өлтірген.

Сезікті Б.Бөлегенов тұратын Титов кыстағы № 31 үйдің 48 пәтерінде қылмыстық іс үшін маңызы бар айғақты заттар, қару-жарақ сақталуы мүмкіндігін ескеріп, Қазақстан Респубяикасы КІЖК-нің 134,135 баптарын басшылыққа алып,

ҚАУЛЫ ЕТТТІМ:

Қылмыстық іс үшін маңызы бар қару-жарақ, басқа да айғақты заттарды іздестіріп тауып алу үшін Қызылорда қаласы, Титов қыстағы №31 үйдің №148 пәтеріне тінту жүргізуге.

Қызылорда қалалық прокуратурасының

аға тергеушісі, 2 дәрежелі заңгер М.Махшатов

Қаулы маған 28 желтоқсан 1992 жылы жарияланды.

Үй егесі: _____ Г.Күлкеева

/қолы/


ХАТТАМА

тінту жүргізу жайлы

26 жедтоқсан 1992 жыл Қызылорда қаласы

Қызылорда қалалық ІІД аға тергеушісі, полиция капитаны М.Махшатов, куәгерлер: 1. Дуйсенбаева Гүлжан Кыдырқызы, тұрағы - Титов қыстағы, №З1 үйдің 29 пәтері, 2.Айдәулетова Базар Болатбекқызы, тұрағы - Қызылорда қаласы, А.Тоқмағамбетов көшесі II үй, 3 пәтер, Қызылорда қалалық ішкі істер бөлімі криминалдық милиция бөлімінің оперативтік уәкілі милиция капитаны Алдамзаров Мұраттың, Қызылорда облыстық ішкі істер басқармасы криминалист-сараишылар бөлімінің сарапшысы милиция аға лейтенанты Рүстемов Нұржанның және үй егесі Күл кеева Гүлжаханның қатысуында Қазақстан Республикасы ҚІЖК-нің 137,139 баптарын қолдана отырып, Қызылорда қаласы, Титов қыстағы №8І үйдің №48 пәтерінде тінту жүргіздім.

Қазақстан Респубиикасы ҚІЖК-нің 104 бабының талабыңа сәйкес айғақтарға олардың тергеу әрекетіне қатысудағы міндеттері мен құқылары түсіндірілді.

Айғақтар: Г.Дүйсенбаева

Б. Айдәулетова

Маман ретінде қатысушы-сарапшы Рүстемов Нұрланған ҚР ҚІЖК-нің 57-1 бабында қаралған құқылары мен міндеттері түсіндірілді және ол өзінің міндеттерін орындаудан бас тартқаны немесе жалтарғаны үшін жауапты болатындығы туралы ескертілді.

Маман: Н.Рүстемов

Бұдан кейін үй егесі Күлкеева Гүлжаханға 25 желтоқсан 1992 жылғы тінту жүргізу туралы қаулы жарияланып, егер үйде сақтаулы қару-жарақ, қылмыс құралы болатындай заттар болса, өз еркімен тапсыру, егер ерікті түрде берілмесе, тінту жүргізу барысында алатындағы түсіндірілді.

Үй егесі - сезікті Бөлегенов Батырбектің әйелі Г.Күлкеева жатын бөлмеде тұрған ағаш қораптың ішінен құндағы кесілген екі ұңғылы шолақ мылтықты және қанжар пышағын өз еркімен әкеліп тапсырды.

Шолақ мылтықтың калибрі 16, завод саны ХЭ № 77890ІІ, жалпы үзындығы 39 см, қолға ұстап жүруге бейімделіп жасалған тері бауы бар. Қанжар пышақтың жалпы ұзындығы 30 см, сабының ұзындығы 10 см, жүзінтң қзындағы 20 см, қанжардың жүзінде қанға ұқсаған қызыл-қоңыр дақтар бар.

Тінту жүргізу барысында үйден басқа айғақты заттар табылмады.

Хаттамада көрсетілген шолақ шылтық пен қанжар айғақты заттар есебінде алынды. Қанжар пышақ қағазға оралып, пакеттеліп, оның сырты жіппен байланып, жіптің екі ұшы "Қызылорда қалалық прокуратурасының пакетіне арналған" мөрі басылған қағазбен желімделінді, айғақтардың қолдары қойылды.

Тінту жургізу барысында алынған шолақ мылтық пең қанжар пышақты маман Н.Рүстемов "Зенит" маркалы фотоаппараты арқылы 64 фотопленкасын қолданып суретке түсірді.

Тінту жүргізу 10 сағат 25 минутта басталып, 2 сағатта аяқталды.

Тінту жүргізу барысында айғақтар мен қатысушылар тарапынан ескертпе, мәлімдемелер түскен жоқ.

Хаттама оқылып берілді, дұрыс жазылған.

Куәгерлер: Г.Дүйсенбаева

Б. Айдәулетова

Қатысушы: М. Алдамжаров

Маман: Н.Рүстемов

Үй егесі: Г. Күлкеева

Қызылорда қалалық прокуратурасының

аға тергеушісі, 2 дәрежелі эаңгер: М.Махшатов

Тінту хаттамасының көшірмесін 26 желтоқсан 1992 жылы

алдым.

___________________ Г.Күлкеева

/қолы/

"Толбаева Күлайдаң почта-телеграф

хат-хабаряарына тоқтам салуға рұқсат етемін"

Кызылорда облыстық прокуротурыниң

орынбасары заң кеңесшісі: Карбуаов К.

5 шілде 1992 жыл

Қаулы

почта-телеграф хат-хабарларына

тоқтам салу және оларды алу туралы

Қызылорда қаласы 5 шілде 1992 жыл

Қызылорда облыстық прокуратурасының аға тергеушісі 2 дәрежелі заңгер Асқаров Ж., №2450 санды қылмыстық істің құжаттарын қарап,

Т А П Т Ы М :

Қолбаев Айбек 3 шілде 1992 жылы сағат І7-тер кезінде Қызылорда қаласы, Мәметова көшесі, №78 үйде Садаматов Сұлтанбекпен бірге спирттік ішімдіктер ішіп отырып бұзақылықтың салдарынан соңғының кеудесінен бірнеше рет пышақпен ұрып, қасақана өлтіріп, оқиға болған жерден қашып кеткен.

Толбаевтың қазіргі тұрағы жөнінде жұбайы Толбаева Күлайға хабарлауы мүмкіндігін ескеріп, ҚР ҚІЖК-нің 141 бабын басшылыққа алып,

КАУДЫ ЕТТІМ:

1. Кызылорда қаласы Мәметова көшесі, 66 үйде тұрушы Толбаева Күлайдың атына байланыс белімшелеріне келген почтателеграф хат-хабарларына тоқтам салуға және хат-хабарлар түскен жағдайда оларға қарау жүргізіп, қажет болса алуға.

2. Каулының көшірмесін орындау үшін Кызылорда байланыс торабының бастыгына жолдауға.

Аға тергеуші

2 дәрежелі эаңгер Асқаров Ж.

Қаулының көшірмесін 6 шілде 1992 жылы алдым.

Қызылорда қалалық байланыс

торабының бастығы Қожантаев 0.

Студенттің өзін-өзі бақылауға арналған тест сұрақтары:
Заттарды іздеп табу және алу мақсатында мәжбүрлеп іске керекті дәлелдемелерді алу әрекеті:

1. 
   тергеу қарауы
   
2. 
   тінту
   
3. 
   зат алу
   
4. 
   ұстау
   
5. 
   дәлелдемелерді оқиға болған жерді қарау арқылы алу
   

Тінтудің тергеу қарауынан айырмашылығы:

1. 
   жүргізу мақсаттарымен
   
2. 
   мамандардың қатысуымен
   
3. 
   алынған іздердің бекіту тәсілімен
   
4. 
   іздерді табу тәсілдерімен
   
5. 
   бейнетаспаға түсіруді қолдану мүмкіндігімен
   

Тінту әрекетіне тән емес:

1. 
   іздестіру әрекеті
   
2. 
   кейінге қалдырмайтын әрекет
   
3. 
   ауыстыруға болмайтын әрекет
   
4. 
   ауызша жүргізілетін әрекет
   
5. 
   мәжбүрлі түрде жүргізілетін тергеу әрекеті
   

Тінту мақсатына жатпайды:

1. 
   жасырын жүрген қылмыскерді табу
   
2. 
   мәйіттің бөлшектерін табу
   
3. 
   азаматтық айналымнан алынған заттарды табу
   
4. 
   қылмыс қаруын табу
   
5. 
   белгілі бір құбылысты қабылдау
   

Тінту мақсаты:

1. 
   белгілі бір құбылыстарды қабылдау
   
2. 
   тыйым салу үшін бағалы заттар бар ма
   
3. 
   белгілі бір әрекеттерді жасауға бола ма
   
4. 
   оқиға болған жерді сезікті біле ме
   
5. 
   бұрын тергеуге белгісіз куәларді анықтау
   

Тінту мақсатына жатпайды:

1. 
   ұрланған заттарды табу
   
2. 
   сезіктінің аяқ киімін табу
   
3. 
   қылмыспен байланысты құжаттарды табу
   
4. 
   қылмыспен байланысты құралдарды табу
   
5. 
   сезіктінің кәсіби дағдыларын анықтау
   

Қандай мәселені шешуде тінту жүргізілмейді:

1. 
   қылмыс іздерін табуда
   
2. 
   қылмыскерді табу мен ұстауда
   
3. 
   ұрланған заттарды табуда
   
4. 
   азаматтық айналымнан алынған заттарды табуда
   
5. 
   обьектілерді теңдестіруде
   

Тінту жүргізілмейді:

1. 
   үй - жайда
   
2. 
   ешкімнің иелігіне жатпайтын ашық жерлерде
   
3. 
   көлік құралдарында
   
4. 
   саяжай учаскелерінде
   
5. 
   үй жанындағы участкелерде
   

Тінту жүргізілмейді:

1. 
   сезіктінің пәтерінде
   
2. 
   сезіктінің туыстарының пәтерінде
   
3. 
   саяжайда
   
4. 
   жергілікті ашық учаскелерде
   
5. 
   сезіктінің гаражында
   

Тінту жүргізілуге тиіс адам қамауға алынған болса, оның орнына кім қатысады?

1. 
   тінту жүргізілуге тиіс адамның көршісі
   
2. 
   тінту жүргізілуге тиіс адамның таныстары
   
3. 
   тінту жүргізілуге тиіс адамның туыстары
   
4. 
   тінту жүргізілуге тиіс адамның қабілетсіз жұбайы
   
5. 
   тінту жүргізілуге тиіс адамның кәмелет жасқа толған балалары
   

Тінту жүргізу үшін төмендегі бағдарламалық мәліметтердің қайсысы жиналмайды:

1. 
   тінтілетін объектілер туралы
   
2. 
   тінту жүргізілетін орын туралы
   
3. 
   тінту жүргізуге тиіс адамдардың саны, олардың өмір сүру деңгейі
   
4. 
   адамдардың әлеуметтік - психологиялық сипаты
   
5. 
   сезіктінің жауаптылылығы
   

Тінтудің дайындық кезеңіне тән емес әрекет:

1. 
   бағдарламалық мәліметтерді жинау
   
2. 
   топтың құрамын анықтау
   
3. 
   техникалық құралдарды дайындау
   
4. 
   тінтілетін адамға заттай дәлелдемелерді өз еркімен ұсыну
   
5. 
   тінтудің хаттамасын толтыру
   

Тінтудің дайындық кезеңіне тән емес әрекет:

1. 
   ізделінетін объектілер туралы мәліметтер жинау
   
2. 
   тінту жүргізілетін орын туралы мәліметтер жинау
   
3. 
   жеке адамға тінту жүргізу
   
4. 
   тінту жүргізудің жоспарын құру
   
5. 
   тінтілуге тиіс мекен-жайға қалай кіруді ойластыру (кәсіпорын)
   

Тінту жүргізу үшін қандай дайындық жұмыстары жүргізіледі:

1. 
   тінтудің хаттамасын толтыру
   
2. 
   табылған заттарды суретке түсіру
   
3. 
   құпия орынды іздеу
   
4. 
   психологиялық әдістерді қолдану
   
5. 
   мамандармен кеңесу
   

Тінту жүргізуге қатыспайды:

1. 
   куәгер
   
2. 
   дәнекерлеуші
   
3. 
   маман - криминалист
   
4. 
   тергеуші
   
5. 
   жедел - іздестіру қызметкері
   

Тінтудің жұмыс кезеңі басталады:

1. 
   куәларға құқықтары мен міндеттерін түсіндіру
   
2. 
   азаматтарды жеке тінту
   
3. 
   күзет қою
   
4. 
   топтың мүшелерімен жоспарды талқылау
   
5. 
   сарапшымен кеңесу
   

Тінту барысында дұрыс бағыт алуға көмектесетін тактикалық ұсыныс:

1. 
   психологиялық жайларды ескеру
   
2. 
   техникалық құралдарды қолдану
   
3. 
   сұрақтар қою
   
4. 
   қайталап жүргізу
   
5. 
   бірнеше рет жүргізу
   

Тінту кезінде тінту ұсыныстарына жатпайтын әрекет:

1. 
   әрекетті кенеттен, тосыннан жүргізу
   
2. 
   психологиялық жайларды ескеру
   
3. 
   ізделінетін объектілер туралы мәліметтер жинау
   
4. 
   техникалық құралдарды қолдану
   
5. 
   әрекеттің алдында қылмыскерден жауап алу
   

Тінтілетін тұлға тергеушінің сұрағына жартылай құнды заттарды ұсынды. Тергеушінің әрекеті:

1. 
   тінтуді аяқтауы тиіс
   
2. 
   тінтуді жалғастыруы тиіс
   
3. 
   тінтуді аяқтайды және тінту туралы хаттама толтырады
   
4. 
   алу туралы хаттама толтырады
   
5. 
   барлық жауаптар дұрыс емес
   

Адам өлтіру қылмысы бойынша, егер оқиға орнында гильза табылса, онда сезіктіден қандай объектілер іздеу керек:

1. 
   бұзу қаруы, құрал - жабдықтар
   
2. 
   сезіктінің құжаттары
   
3. 
   оқ ататын қару
   
4. 
   суық қару
   
5. 
   сезіктінің аяқ киімі
   

Петровтың үйіне тінту жүргізу кезінде, оның көршісі Якушевтің үйіне де тінту жүргізу қажеттігі туды. Прокурордың санкциясынсыз тергеуші қаулы шығарды да, Якушевтің пәтеріне тінту жүргізді. Тергеушінің ісі дұрыс па?

1. 
   дұрыс
   
2. 
   дұрыс емес
   
3. 
   кей кезде қажет
   
4. 
   тек қана жанұя мүшелерінің келісімі бойынша
   
5. 
   тек қана тергеу бөлімінің басшысының келісімі бойынша
   

Тонау болған оқиға орнында өсімдіктер бар, тергеуші тінту жүргізу кезінде сезіктіден алу қажет:

1. 
   сезіктінің киімін, аяқ киімін
   
2. 
   жазба кітапшасын
   
3. 
   құрал – жабдықтар
   
4. 
   кітаптар
   
5. 
   сезіктінің пәтеріндегі интерьер заттарды
   

Пәтерден қан дақтары табылған жағдайда, тінту кезінде қолданылатын әдіс - тәсілдер:

1. 
   лупамен қарау
   
2. 
   плинтустардың астын қарау
   
3. 
   сезік тудыратын қабаттарға сутегі асқын тотығымен өңдеу
   
4. 
   арнайы қоспалардың көмегімен даққа әсер ету
   
5. 
   барлық жауаптар дұрыс
   

Сезіктінің үйіне тінту жүргізуде жәбірленушінің қолының саусақ іздерін табу үшін қандай құралдар керек

1. 
   реактив воскобойшекова
   
2. 
   ультра күлгін сәулелі лампа
   
3. 
   дактилоскопиялық ұнтақтар
   
4. 
   перекись водорода
   
5. 
   аталғандардың барлығы
   

Тонау қылмысы бойынша тінту барысында тергеушінің табуы қажет:

1. 
   тінтілуші тұлғаны куәландыратын құжаттарды
   
2. 
   ұрланған заттарды
   
3. 
   аяқ киімін
   
4. 
   маска және басқа да заттар
   
5. 
   барлық жауаптар дұрыс
   

Жалған құжаттарды дайындауда қылмыскерді әшкерлеу үшін тінту кезінде тергеуші табуы тиіс:

1. 
   гильза
   
2. 
   бұзып кіру құралы
   
3. 
   клише, мөр, бояу
   
4. 
   дәрілік заттар
   
5. 
   ине және басқа да заттар
   

Алаяқтық істер бойынша сезіктінің үйіне тінту жүргізу кезінде тергеуші нені табуды жорамалдайды:

1. 
   дәрілік заттарды дайындау әдісін
   
2. 
   есірткі заттарын дайындау жөніндегі әдістемелік құралды
   
3. 
   химиялық ыдыстарды
   
4. 
   сезік тудыратын құжаттарды
   
5. 
   сезіктінің киімін, аяқ киімін
   

Адам өлтіру қылмыстары бойынша тергеуші сезіктінің үйінен нені табуды жорамалдайды:

1. 
   жәберленушінің киімін
   
2. 
   қару
   
3. 
   көлік құралдарын
   
4. 
   сезіктінің киіміндегі, аяқ киіміндегі қан іздерін
   
5. 
   бәрі де дұрыс
   

Жалған кәсіпкерлік туралы істер бойынша тергеуші тінту жүргізу кезінде нені табуды жорамалдайды:

1. 
   бағалы тоқыма заттарын
   
2. 
   зергерлік бұйымдар
   
3. 
   көлік құралдарын
   
4. 
   заңды тұлға құжаттарын
   
5. 
   таңба, құлып
   

Тінту барысында қандай психологиялық тәсіл дұрыс бағыт алуға көмектеседі:

1. 
   бағалы заттардың шығу тегі жөнінде жауап алу
   
2. 
   тінтіліп отырған адамның көңіл-күйін назардан тыс қалдырмай бақылау
   
3. 
   сыртқы күзетті ұйымдастыру
   
4. 
   техникалық құралдарды қолдану
   
5. 
   оқиға болған жерді қарау
   

Тінту жүргізудің жоспарын талқылау қай кезеңде жүргізілуі тиіс:

1. 
   келгеннен кейінгі дайындық кезеңде
   
2. 
   шыққанға дейінгі дайындық кезеңде
   
3. 
   тінту кезінде
   
4. 
   тінтуді аяқтағанда
   
5. 
   тінту объектісіне бару кезінде
   

Тақырып. Жауап алу және беттестіру тактикасы

Дәріс, тәжірибелік және СОӨЖ (СӨЖ) сабақтарының негізгі мазмұны.
Жауап алудың түсінігі, оның міндеті және түрлері. Жауап алудың (куә, жәбірленуші, сезікті, айыпкер, сарапшы, және кәмелетке толмаған субъектілер) процесуалдық шарттары. Көрсетпенің қалыптасуының психологиялық процесі.

Жауап алуға дайындық. Істегі материалдармен оқып танысу. Жауап алғанда анықталатын сұрақтарды дайындау. Жауап алудың уақытын, орнын белгілеу. Бірнеше куәдан, жәберленушеден және айыпкерден жауап алу кезегін анықтау. Жауап алынатын тұлғаның жеке басын зерттеу. Оның іске қатысатын басқа адамдармен өзара қарым-қатынасын анықтау. Жауап алуға дайындық кезінде жедел-іздестіру әрекеттерінің маңызы. Жауап алу жоспарын құру. Жауап алуға қолайлы жағдай туғызу. Жауап алу кезінде маманның қатысуы.

Жауап алынатын адаммен психологиялық байланыстың қалыптасуы. Жауап алудың тактикалық жағдайлары. Қайшылықты жағдайда пайдаланылатын тактикалық әдістер. Қайлышылықсыз жағдайда пайдаланылатын тактикалық әдістер.

Айыпкердің жалған мәліметтерді бергенде, жалған алибиі болған жағдайдағы жауап алу тактикасының ерекшелігі.

Кәмелетке толмаған куәдан, жәбірленушіден, сезікті мен айыпкерден жауап алудың тактикасы.

Беттестірудің түсінігі және оны жүргізудің тактикасы.

Жауап алу мен беттестіруді бекіту әдістері. Дыбыс, бейне таспаларын қолдану.

Сотта жауап алудың мүмкіндіктері мен тактикалық әдістерді қолданудың шарттары.

Жауап алу тактикасы 2 – сағат.

Тәжірибелік сабақтын мақсаты:

• 
  тақырыпқа байланысты теориялық негіздер туралы сұрау.
  
• 
  қажет ғылыми-техникалық құралдармен (жазба және бейнетаспаларымен) танысу.
  
• 
  берілген фабула бойынша тергеу ситуациясын талдап, жауап алуды үйрету.
  
• 
  фабула бойынша студенттер өзара рольдерді бөлісе отырып, жауап алуды тәжірибе жүзінде жүргізу.
  
• 
  жүргізілген жауап алудың (куәдан, жәберленушіден және айыпкерден) нәтижелерін талдау, кемшіліктердің болу себептеріне негіз болған жағдайларды анықтау және көрсету.
  
• 
  жүргізілген жауап алудың нәтижелері бойынша жасалған хаттамаларды талдау.
  

Теориялық негіздер туралы бақылау сұрақтары

1. 
   Жауап алудың түсінігі, мәні және түрлері.
   
2. 
   Жауап алудың (куә, жәбірленуші, сезікті, айыпкер, сарапшы, және кәмелетке толмаған субъектілер) процесуалдық шарттары.
   
3. 
   Жауаптың қалыптасуының психологиялық процесі.
   
4. 
   Жауап алынатын адаммен психологиялық байланыстың қалыптасуы.
   
5. 
   Жауап алудың дайындық жұмыстары.
   
6. 
   Жауап алудың тактикалық жағдайлары, оның ерекшелігі субъектілері бойынша.
   
7. 
   Қайшылықсыз жағдайда пайдаланылатын тактикалық әдістер.
   
8. 
   Қайшылықты жағдайда пайдаланылатын тактикалық әдістер.
   
9. 
   Кәмелетке толмаған куәлар, жәбірленушеден, сезіктілер мен айыпкерлерден жауап алудың тактикасы.
   
10. 
    Жауап алудың нәтижелері бойынша бекітудің тәртібі.
    
11. 
    Бақылау сұрақтары және жалпы өткен тақырып бойынша қорытынды шығару.
    

Қолданылатын әдебиеттер:

1. 
   ҚР Қылмыстық Іс Жүргізу Кодексі, Алматы: Жеті жарғы 01.01.1998 ж. толықт. мен түзет. 2010 жыл.
   
2. 
   Васильев Л. Н. , Корнеева Л. М. Тактика допроса при расследовании преступлений. М,1981.
   
3. 
   Доспулов Г. Г. Психология допроса на предварительном следствии. М, 1976.
   
4. 
   Доспулов Г. Г. Психология допроса в уголовном процессе. Алматы, 1999
   
5. 
   Еркенов С. Е., Султанов С.И. Тергеу әрекеттерінің тактикасы. Данекер 2002
   
6. 
   Жәкішев Е. Г., Исаев А. А., Тапалова Р.Б., Найманова Г. Х., Темірболат Н.С. Криминалистика КазНУ 2005
   
7. 
   Корнеева Л. М., Ордынский С.С., Розенблит С. Я. Тактика допроса на предварительном следствии. Минск, 1978.
   
8. 
   Коновалова В. Е. Допрос: тактика и психология. Харьков, 1999
   
9. 
   Порубов Н.И. Научные основы допроса на предварительном следствии. Минск,1978.
   
10. 
    Соловьев А.Б. Процессуальные, психологические и тактические основы допроса на предварительном следствии. М., 2002
    
11. 
    Усманов У.А. Тактика допроса (справочник), М., 2001
    

Есептер:

1. 2010 жылы 25 шілдеде Хасановтар пәтерінде болған ұрлық уақытында, үй иелері үйде болмай аулада балалар ойнап журген: Кабилова Роза 8 жас және Сангинов Кәрім 7 жас.

Іс материалдарымен анықталғандай, олар қылмыскерлер Хасановтар пәтеріне кіргенін және одан чемодан және түйінмен шыққанын, оларды көшеде үйдің жанында тұрған жеңіл машинаға салғанын көрген. Осыған байланысты Роза және Кәрімнен куә ретінде жауап алу қажеттілігі туындады.

Бұл жауап алу қандай жағдайда жүргізілуі керек және оған кім қатысу керек?

Жауап алу жоспарын жасаңыз және Роза мен Кәрімге қойылу керек сұрақтарды құрастырыңыз.
2. Тергеуші тауарларды ұрлау жүзеге асырылған дүкеннің терезесінің ішкі жағының әйнегінде сезікті Васильевтың саусақ және алақан бөлігінің іздері бар дактилоскопиялық сараптаманың қорытындысын жауап алу кезінде оған жария етті. Сезікті былайша жауап берді: «Сонымен не бопты? Ол іздер ол жерде ұрлық жасалғанға дейін екі-үш күн бұрын мен дүкенге кірген кезде қалған. Сол кезде мен терезеге жақындап, далаға қарадым, себебі маған терезенің жанынан менің танысым Петр Коршиков өтіп бара жатқандай болып көрінді. Осы уақытта мүмкін мен терезе әйнегін ұстаған шығармын».

Бұл жауап алу барысында тергеушімен жіберілген тактикалық қателікті анықтаңдар. Осы жағдайда дактилоскопиялық сараптаманың қорытындысын қалай қолдану керек еді? Жауап алуда дәлелдемелерді қолданудың негізгі ережелері қандай? Жіберілген қатені түзетуге болады ма және жауап алудың келесі бөлімін тактикалық жағынан қалай дұрыс құрастырған жөн?
3. Айыпталушы Крючков. П.И өзінің көршісі Ларинды пайдакүнемдік мақсатпен өлтірген кінәсін мойындамай, бұл қылмыс орын алған кезде ол өзінің досы Сергеевпен Немчинова Ольга деген танысының үйінде сағат 20.00 ден 24.00. сағатқа дейін қонақта болғанын, содан кейін мейрамханаға барғанын көрсетті. Бұл мәліметті куә ретінде Сергеев пен Немчинова куәләндырды.

Айыпталушы мен куәлардың берген жауаптарын тексеру мақсатымен жауап алу барысында қандай тактикалық әдіс-тәсілдер қолданасыз? Сұрақтар шеңберін көрсетіңіз.

4. Кірпіш заводының клубында жастар кешінде азамат М. Судариков мас күйінде тігін фабрикасының жұмысшысы азаматша А. Зиминаны билеуге шақырады. Ол өз кезегінде мас адамдармен билемейтінін айтты. Азамат М. Судариков болса оған қол жұмсады. Тәртіп сақшылары Р. Раджупов пен А. Гусеев М. Судариковқа өзімен бірге штабқа баруын ұсынды. М. Судариков пышақты алып Р. Раджуповтың мойнына жарақат келтірді. М. Судариков көшеге шығып қашуға тырысты, өтіп бара жатқан А. Александров пен В. Рыбников қашпақшы болған қылмыскерді ұстап полиция басқармасына жеткізді. М. Судариковқа тағылған айып бойынша істі тергеушіге жеткізді. Осы іске қатысты куә ретінде жауап алу үшін кім шақырылуы қажет? Олардың әр қайсысына қандай сұрақтар қойылуы тиіс.

5. Азамат К. Жапаков тонау мақсатында М. Құрбановты өлтіру ісі бойынша қылмыстық жауаптылыққа тартылды. Айыпталушы өз қылмысын мойындаған жоқ және қылмыс жасаған күні ол інісінің үйінде болғанын айтты. К. Жапаковты ұстағаннан кейін үйіне тінту тергеу әрекеті жүргізілді. Тінту кезінде ер адамның қанға боялған жейдесі табылды.

Жауап алудың жоспарын құрастырыңыз. Сұрақтарды қарастырыңыз.
6. Тергеуші куә ретінде жауап алу үшін азаматша С. Сагибованы шақырды. Жауап алу 25 наурыз 2011 жылы ізсіз жоғалған көршісі С. Самойловқа қатысты еді. Жоғалған С. Самойловтың өліміне қатысы бар негіз бойынша сезікті ретінде М. Омаров ұсталды. Тергеуші куә С. Сагибоваға келесі сұрақты қойды:

1. 
   Айтынызшы, шындығында да С. Самойлов М. Омаровқа таңертен 25 наурыз күні 2011 ж. келіп, содан соң онымен кеткен, одан кейін С. Самойловты ешкім көрмеді ме?
   
2. 
   Сіздің есіңізде емес пе, С. Самойловтың үстінде көк түсті плащ және оның қолында үлкен емес чемодан болмады ма?
   
3. 
   М. Омаров сізге айтпады ма С. Самойлов екеуінің арасында келіспеушілікке қатысты өлтіремін деп қорқытқаны туралы?
   

Сұрақтар дұрыс қойылған ба? Сұрақтардың дұрыс тұжырымдамасын көрсетіңіз.
Ұсынылатын СОӨЖ тақырыптары:

• 
  Жауап алудың түсінігі, мәні және түрлері – реферат
  
• 
  Сезікті, айыпталушыдан жауап алудың процессуалдық тәртіптері – реферат
  
• 
  Куә мен жәбірленушіден жауап алудың процессуалдық тәртіптері – реферат
  
• 
  Қайшылықты жағдайда пайдаланылатын тактикалық әдістер – реферат
  
• 
  Қайлышылықсыз жағдайда пайдаланылатын тактикалық әдістер – реферат.
  
• 
  Кәмелетке толмаған куә, жәбірленуші, сезікті мен айыпкерден жауап алудың тактикасы – реферат.
  
• 
  Беттестіру тактикасы – реферат.
  

Жәбірленушіден жауап алу

Х А Т Т А М А С Ы
Алматы қаласы 14 тамыз 2011 жыл
Алматы қаласы Бостандық аудандық ІІБ тергеу бөлімінің тергеушісі Сүйлеменов С., ҚР ҚІЖК-нің 212, 213, 219-баптарынына талаптарына сәйкес, төмендегі аталған адамнан жәбірленуші ретінде жауап алдым.

1.Аты-жөні, есімі, әкесінің аты: Ержанов Манат Өсерқызы.

2. Туған жылы: 1963 жыл.

3. Туған жері: Қазалы ауданы

4. Ұлты: қазақ.

5. Білімі: орта.

6. Жұмыс орны: атқаратын қызметі: аудандық аурухана, мейірбике. 7.Мекен-жайы: Алматы қаласы, Жанқожа батыр көшесі 2 үй.

8. Төл құжаты: І-ГУ №167314 18 мамыр 1979 жылы Қазалы аудандық ІІБ тергеу бөлімі берген.

9. Айыпкермен қарым-қатынасы: ешқандай

ҚР ҚІЖК-нің 219 бабында көрсетілген жәбірленушінің құқықтары мен міндеттері түсіндірілді. Сонымен қатар жауап алғанда дыбыс жазу аппараты қолданылатыны жайлы және біле тұра өтірік жауап берсе немесе жауап беруден бас тартса ҚР ҚК-нің 187, 193 баптары бойынша қылмысты жауапкершілігі ескертілді. Ержанова М.

Қойылған сұрақтар бойынша төменде көрсетілгендей жауап беремін: 20... жылдан бастап Қазалы аудандық ауруханасында мейірке болып қызмет атқарамын. 20... жылдың күз айында Омаров Әділхан деген жігіт біздің ауруханада жатып емделген болатын. Сол жатқан кезінде екеуміз таныстық. Ауруханада 20 күндей жатқан соң Омаров емдеу мерзімі бітіп, ауруханадан шыққан. Ауруханадан шығар алдында Омаров маған өзінің жақсы көретінін айтып, үйленуді ұсынған. Мен Омаровты ұнатпайтын болған соң, оның ұсынысынан бас тартқанмын. Омаров алғашқыда өтініп, оған көнбей қойған соң мені қорқытып көрген. Мен бірақ өз айтқанымда тұрдым. Сонымен ол ауруханадан шығарда маған қоқан-лоққы жасап кеткен болатын.

Мен қызмет бабына сәйкес түнгі кезекте де қызмет жасайтынмын, ол туралы Омаровта білуге тиіс.

12 тамыз 20... жылы түнде сағат 22.00-ден өте мен ауруханадан шықтым да үйге қарай жүрдім. Аялдамада автобус келмеген соң, үйге дейін жаяу бара салмақшы болғанмын. Ғарышкерлер мен Сәтбаев көшелерінің қиылысына келгенімде, үйдің бұрышында тұрған 4 жігітті байқадым. Олар өзара сөйлесіп, қатты күліп тұрды. Сөйлескен сөздерінен олардың мас екенін сезіп, көшені айналып, үйге бақша жақтан бармақшы болдым. Бірақ менің жолдан бұрылғанымды көрген біреуі қалған жігіттерден бөлініп маған қарай жүрді. Мен аяғымды тездетіп басып кетіп қалмақшы болдым. Жеделдетіп жүргеніммен әлгі жігіт соңымнан қалмады. Мен оның жүрісінен сезіктеніп, үйге қарай жүгірдім. Артымдағы жігіт те жүгіріп мені біздің бақшысының жанында қуып жетті. Сол кезде мен оның Омаров екенін байқап үлгердім. Онан соң ол менің басымнан қатты затпен ұрып құлатты. Шамалыдан соң есімді жисам, қасымда көршім Әскербек ағай отыр екен. Оның аты-жөні Арыстанов болуы керек. Есімді жиған соң етегімді жинап, іш киімді шешіндіріп, зорламақшы болған. Бірақ Әскербек ағай айқайлап, кедергі жасаған. Менің бар айтарым осы.

Хаттаманы өзім оқып шықтым, бәрі дұрыс жазылған, қосымша айтарым жоқ. Дыбыс жазу аппаратындағы таспаны толық тындадым, мазмұны хаттамаға сәйкес. Ержанова М.

Жауап алу 14 сағат 10 минутта басталып, 14 сағат 55 минутта аяқталды, жауап алу барысы «Sony» магнитафонына, МК-60 таспасына жазылды.

ІІБ тергеу бөлімінің тергеушісі: Сүлеменов С.

Куәдан жауап алу

Х А Т Т А М А С Ы

20 маусым 20... жыл Қызылорда қаласы

Қызылорда ІІБ тергеу бөлімінің аға тергеушісі полиция лейтенанты М. Махшатов, жұмыс кабинетімде, ҚР ҚІЖК-нің 211, 212 және 214 баптарын сақтай отырып, төменде аталған кісіден куә ретінде жауап алдым.

Жауап алу 17 сағат 00 минутта басталып, 17 сағат 50 минут аяқталды.

1. 
   Фамилиясы, өзінің және әкесінің аты: Ергешова Кыздаркүл
   
2. 
   Туған жылы: 1 желтоқсан 1959 жыл
   
3. 
   Туған жері: Мақтаарал ауданы, Победа колхозы, Шымкент облысы
   
4. 
   Ұлты: қазақ
   
5. 
   Білімі: арнаулы орта
   
6. 
   Жанұя жағдайы: тұрмыс құрмаған
   
7. 
   Қызмет орны: Жетісай қалалық тұтынушылар қоғамы
   
8. 
   Қызметі: № 1 дүкенде сатушы
   
9. 
   Сотталғандылығы: Бұрын сотты болмаған
   
10. 
    Тұрғылықты жері: Жетісай қаласы, М. Әуезов көшесі 8 үй
    
11. 
    Депуттық жағдайы: депутат емес.
    

ҚР ҚІЖК 214 бабының талабына сай куә Ергешова Қыздаркүлге оның жауабы: «Sony м-9» маркалы бейне камерасын қолданылып жазылатындығы түсіндірілді. Сонымен қатар куә Ергешовадан жауабын бейне камераға жазуға келісімі сұралды, куә Ергешова қарсы еместігін білдірді.

Куә: К. Ергешова

Қр ҚІЖК- нің 214 бабына сәйкес Ергешова Қыздаркулге куә қатарында жауап берудегі құқықтары мен міндеттері түсіндірілді және ол жауап беруден бас тартқаны немесе бұлтарғаны үшін ҚР ҚК-нің -- бабының -- бөлімі бойынша біле тұра өтірік жауап бергені үшін ҚР ҚК-нің --бабы бойынша қылмысты жауапты болатындығы түсіндірілді.

Куә: К. Ергешова

Куә Ергешоваға сұрақ:- Сіз 20... жылдың қазан айында Қызылорда арақ заводынан 300 жәшік «Русская водка» арағын және 150 жәшік «Буратино» сусынын алғансыз, осы заттарды қалай, кімнің көмегі арқылы, қандай жолмен алдыңыз?

Куә Ергешованың жауабы: Өткен 20... жылдың қазан айының орта шенінде жеңгем Асқарбекова Тынымкүл екеуміз Шымкент облысындағы ауданаралық қоймаға зат алуға барғанбыз. Сонда зат алуға келген Киров ауданының бір адамынан «Киров ауданының жігіттері Қызылорда арақ заводынан үстіне 1000 тенге ақша беріп, өздерімен бірге бос бөтелкелерін апарып арақ алып келіпті»- дегенді естідім. Жетісайға қайтып келгеннен кейін дүкенші қыздар Ағманова Перизат, Әріпбаева Анаркүлдермен ақылдасып, бос бөтелке мен ақша жинап Қызылордаға араққа бармақшы болдық. Сөйтіп, 10 шақты күн дайындалып 450 жәшік бос бөтелке, күнделікті саудадан түскен ақшадан 50000 тенге ақша жинадық. 30 қазан күні кеңседен екі сенім қағазын алып, машинаға 450 жәшік бос бөтелкені тиеп, 50000 тенге ақшаны және жаныма жүргізушіден басқа жол серікке Қыдырбай ағаны ертіп, 30 қазан күні кешке Қызылордаға жолға шығып кеттік. Қызылордаға 31 қазан күні таңертен келіп сұрастырып арақ заводты тауып алдық. Мен заводтағы өнімді бөлу бөліміне барып едім, онда бір орыс әйел бар екен, ол орыс әйелге Жетісайдан араққа келгенімізді, өзімізбен бірге алып келген бос бөтелкелер бар екендігін айтып едім, ол маған: «директордың рұхсатынсыз арақ бере алмаймын, директорға барып жолығыңыз» - деді. Содан заводтың кеңсесіне барып, екінші қабатына көтеріліп дәліздің оң жағындағы есігінде «директор» деген жазуы бар кабинетке кірдім. Мен директорға жолығып: «Ағай, Жетісайдан бос бөтелкеге арақ береді деген соң келіп едім» деп едім, директор Әлиев маған: «Жетісайға беретін фондсыз арағым жоқ»- деді. Содан төменге түсіп сонша жерден келгенде бос қайтамын ба деп ойланып, сумкамда тұрған 50000тенге ақшадан 30000 тенгені бөліп газетке орап алып, арада жарты сағаттай уақыт өткенде директордың кабинетіне қайтадан кірдім. Мен Әлиевке: «Ағай, сонша жерден келгенде бос қайтамыз ба, сіздерде жәшігінің үстіне 1000тенгеден ақша берсе арақ береді дегенді естідік, мен де құр қол келгенім жоқ, мынау 30000 тенге ақша» - деп газетке оралған 30000тенге ақшаны столының үстіне қойдым. Бұрын алдында кіргенімде Әлиев маған: «Фондсыз арақ алуға құр қол келдің бе?»- бірдеңе беруім керек екендігін сездірді. Әлиев содан кейін менің сенім қағазымды алып, оған «300 жәшік арақ босатылсын» деп бұрыштама соғып берді. Мен Әлиевке: «Ағай өзіммен бірге 450 жәшік бос бөтелке алып келіп едім, қалған 150 жәшігіне сусын берсеңіз» деген соң екінші сенім қағазға «150 жәшік сусын босатыңыз» деп қол қойып беріп, «бос бөтелкелерді өткізе бер» - деді. Содан машинаны заводқа кіргізіп 450 жәшік бос бөтелке өткіздік. Кешкі сағат 17.00-17.30- дардың шамасында қоймадан арақ тиеп жатырғанымызда жанымызға директор Әлиев келіп мені шақырып алып: «Қызым, егер біреулер арақты қалай алып жатырсың деп сұраса Алматыдан біреулердің тапсырмасымен алып жатырмын де, ақша жөнінде әңгіме болмасын» - деп ескертті. Содан біз арақты тиеп болып, мен накладнойға қол қойдыруға директорға барсам, ол кісі кетіп қалыпты, бас бухгалтер де жоқ екен. Сонымен Қадырбай аға екеуіміз жүргізушіні машинамен заводтың ішінде қалдырып, сол қалада тұратын Тынымкүл жеңгемнің ағасы Өтешов Айтбайдың үйіне барып қонып шықтық. Ертеңіне яғни 1 қараша күні таңертең заводқа қайтып келіп, директорға накладнойға қол қойдырып, бас бухгалтерге қол қойдыруға кіріп едім ол кісі маған: «Сендердің бізбен ешқандай келісім шарттарың жоқ, не болмаса мекемеден алып келген қатынастарың жоқ»- деп қол қоймады, сосын мен директорға кіріп, бас бухгалтердің қол қоймай жатырғанын айтып едім, «сен шыға бер өзім айтамын» деп бас бухгалтерді шақырып алып сөйлесіп, қол қойдыртып берді. Бұдан кейін біз заводтан шығып кетіп, сол күні кешкісін Жетісайға келіп жеттік. Жеңгем Тынымкүлге және Перизат пен Анаркүлдерге 300 жәшік араққа 30000 тенге директорға бергенімді айтып, артылып қалған 20000тенгені кассаға өткіздім. Алып келген арақты 960тенгеден сатып, директорға берген 30000 тенгенің орнын толтырып кассаға салдық.

Сұрақ: - Сіздің Қызылордаға шығарда Жетісайдан алып шыққан 50000тенге ақшаңыз қандай купюралардан, орамдардан тұратын еді,олардың ішінде қадай ақшалар болды, айрықша белгілері бар, номері есіңізде қалған ақшалар бар ма?

Жауап: - 50000 теңге ақшаны 20000 теңгесі 5000 теңгеліктен, 20000 теңгесі 1000 теңгеліктен, қалған 20 дана 500 теңгелік ақшалар. Ақшалардың белі қаптың аузын байлап жүрген жіптермен байланған, айрықша белгілері немесе олардың номерлері есімде жоқ.

Сұрақ: - Директор Әлиевке 30000теңге қандай купюрада бердіңіз, 50000 теңге ақшаның ішінде 30000 теңгені қашан, қалай, қай жерде үлгіріп бөліп алып жүрсіз?

Жауап:- Әлиевке әрқайсысы 2 данадан 5000 теңгелік сосын 10 дана 1000 теңгелік, 20 данадан 500 теңгеліктерді бердім. 30000 теңге ақшаны Әлиевтің кабинетіне алғашқы рет кіріп шыққаннан кейін кеңсеге сырттан кіретін есіктің аузында бөлек алып газетке орап қойғанмын.

Сұрақ:- 25 наурыз 20... жылы Сіздер төрт адам болып Қызылорда ішкі істер басқармасы бастығының атына арыз жазып, Қызылорда арақ заводының директорына 30000 теңге пара беріп 300 жәшік арақ алғандарыңызды білдіргенсіздер, бұл арызды Сіздерге жаздыртқан Қызылордадан барған қаржы полициясының қызметкерлері емес пе?

Жауап:- 25 наурыз күні таңертең Тынымкүл жеңгемді Жетісайдың милициясына шақырып кетті. Содан ол кісі түсте қайтып келіп бізге Қызылордадан менің алып келген 300 жәшік арағым туралы сұрағандықтарын, Қызылорданың облыстық милициясынан екі қаржы полиция қызметкерлерінің келгендігін айтты, бірақ арақты ақша беріп алғанымызды айтқаным жоқ деді. Содан «түстен кейін төртеуімізді милицияға шақырып жатыр, не істейміз, одан да өзіміз арыз жазып болған жағдайды білдірсек қайтеді?- деп бәріміз ақылдасып, шындығын айтып арыз жазып түстен кейін Жетісайдың милициясында отырған қаржы полиция қызметкерлеріне тапсырдық. Бұл арызды біз өз еркімізбен жаздық, ешкім ақыл-кеңес берген жоқ.

Сұрақ:- Сіздің «Арақ заводының директоры Әлиевке 30000 теңге пара беріп 300 жәшік арақ алдым» деп көрсеткеніңіз рас па?

Жауап:- Менің 300 жәшік арақ алуға Әлиевке 30000 теңге пара бергенім рас.

Бейне таспаны көріп шықтым, бәрі дұрыс. Қосымша айтар ескертпем жоқ.

Хаттама дұрыс жазылған, оқып шықтым.

Куә: К. Ергешова

ІІБ тергеу бөлімінің аға тергеушісі полиция лейтенанты: М.Махшатов

Сезіктіден жауап алу

ХАТТАМАСЫ

Қызылорда қаласы 29 сәуір20... жыл

Қызылорда ІІБ тергеу бөлімінің аға тергеушісі полиция лейтенанты М.Махшатов. Кызылорда ішкі істер бөлімінде, КР КІЖК-нің 216, 218 баптарының талаптарын сақтай отырып, сезікті ретінде төменде аталған кісіден жауап алдым.

1. 
   Фамилиясы, өзінің және әкесінің аты: Нүкеров Наразымбет
   
2. 
   Туған жылы: 22 қазан 1952 жылы
   
3. 
   Туған жері: Өзбек ССР-і, Бұхара облысы, Канимех ауданы Катаған селолық Советінде
   
4. 
   Ұлты: қазақ
   
5. 
   Азаматтығы: Өзбекстан азаматы.
   
6. 
   Білімі: арнаулы орта
   
7. 
   Жанұя жағдайы: үйленген
   
8. 
   Қызмет орны: Бұхара облысы Канимех аудандық тұтынушылар қоғамында экспедитор
   
9. 
   Сотталғандылығы: Бұрын сотты болмаған
   
10. 
    Тұрғылықты жері: Өзбекстан Республикасы, Бұхара облысы Канимех ауданы, Шаймен ауылы, Наурыз көшесі, 9.
    
11. 
    Төлқұжаты – ІІІ-ЛИ № 553886 13 октябрь 1980 жылы Канимех аудандық атқару комитетінің ішкі істер бөлімі берген.
    

ҚР КІЖК-нің 216 бабы бойынша сезікті Нүкеров Наразымбетке 25 ақпан 20... жылы Кызылорда арақ заводының директоры Әлиевке делдал Садықов Шаймерден арқылы 50000 теңге пара беріп, 500 жәшік арақ алғандығы туралы сезіктеліп отырғандығы жариялаңды.

ҚР КІЖК-нің 219-2 бабына сәйкес сезікті Нүкеровке оның жауабы "Топаз" Д-202 диктофонымен таспаға жазылатындығы ескертіліп, келісімі сұралды.

Сезікті Нүкеров өзінің жауабын магнит таспасына жазуға қарсы еместігін білдірді. Сонымен қатар сезікті Нүкеровке ҚР ҚІЖК-нің 103 бабына сәйкес тергеушінің әрекеті жөнінде шағым беруге, түсінік беруге, тілектер қоюға кұқылы екендігі түсіндірілді.

Сезікті: Н.Нүкеров

Сезікті Нүкеровтың жауабы: - Осы 20... жылдың ақпан айының орта шенінде, қазір нақты қай күні екені есімде жоқ, Канимех аудандық тұтынушылар қоғамында құрылыс материалдарының экспедиторы болып жұмыс істейтін Садықов Шаймерден кездесіп маған: "Саған арақ керек пе? деп сұрады, мен оған: "арақты қайдан алып бересің?" деп едім Шаймерден маған: "Кызылорда арақ заводының директорын танимын, -содан алып беремін, бірақ сен әр жәшіктің үстіне 1000теңге ақша бересің, соған көнсең ғана алып беремін, өзіңмен бірге ыдысыңды алып барасың, мен жақында Сібір жаққа ағаш алуға барамын, егер баратын болсаң хабарласарсың"- деді. Содан мен аудандық тұтынушылар қоғамының бас бухгалтері Елеубеков Зейнетбекке жолығып: Шаймерден Кызылорда арақ заводынан арақ алып беруге көмектесемін деп тұр, соған рұқсат болса барып қайтсам қайтеді",- дедім. Бірақ Елеубековке Шаймерденнің ақшаға арақ алып беретінін айтқаным жоқ. Елеубеков маған: "Шаймерденнің қолынан арақ алып беру келетін болса барып қайт, бір жағынан жоспардың орындалуына да жақсы болар еді"-деді.

20 ақпан күні Канимехтегі кооператив "Тұлпардың" бастығы Асқаров Астанаға жолығып: "Қызылорда арақ заводына барып қайтайық",- дедім, Астана келісті. Сонымен, 21 ақпан күні Навои қаласындағы жәшік жөндеу заводының директоры Гуламов Кұдыретке барып Кызылордаға араққа баруға 500 жәшік бос бөтелке алатын болдым. 22 ақпан күні Асқаров Астананың баласы Болаттың "КамАЗ" маркалы 354 НВН нөмірлі автомашинасымен Навои қаласына барып 500 жәшік бос бөтелке тиеп қайттық. Сол күні түстен кейін Қанимехке қайтып келіп бас бухгалтер Елеубеков Зейнетбекке жәшікпен бос ыдыс тиеп келгенімді айтып, жолсапар куәлігі мен сенім қағаз сұрадым. Елеубеков екеуміз тұтынушылар одағының төрағасы Сегізбаевқа кіріп, менің Қызылордаға араққа баратынымды айтып, іс қағаздарына қол қойдыртып алдық. Сол жерде Садықов Шаймерденді кездестіріп, ертеңіне 23 ақпан күні ерте жолға шығатын болдық, мені Алибаев Зайнадин үйінен алып кететін болды.

Содан 23 ақпан күні таңертеңгі сағат 07.00-лердің шамасында біздің үйге Алибаев Зайнадин келіп, мені машинамен алып кетті. Алибаев екеуміз Асқаров Астананы ертіп алып, Садықов Шаймерденнің үйіне келдік, Шаймерден Астананың машинасына отырды, олардың жанында Астананың баласы Болат болды. Астана мен Шаймердендерге: "Сараштың үйіне соғып, ақша алып кетейік"- деген соң екі машинамен Ахунбабаев көшесіндегі Алдажарова Сараштың үйінің жанына барып тоқтадық, Асқаров Астана қасында баласы Болат, Садықов Шаймерден бар "Техника" магазинінің жанында қалып қойды. Мен Сараштың үйіне Алибаевтың машинасымен барғанмын. Сонымен Сараштың үйіне кіріп, оның өзінен 50000 (елу мың) теңге ақша алып шықтым. Сараштың үйінен ақшаны алып, автостанцияның қасындағы құбырдан су алып жатырғанда Шаймерден менен "ақшан дайын ба?" деп сұрады.

Қызылорда облысының «Бейбітшілік» атындағы кеңшарындағы Шаймерденнің туысы Қалдан деген жігіттің үйіне 24 ақпан түнгі сағат 02.30-дардың кезінде келіп қондық. 24 ақпан күні күндіз «Абай» кеңшарында тұратын Асқаров Астананың туысының үйіне келіп тамақтанып, кешкілік қайтадан «Бейбітшілік»атындагы кеңшардағы Қалданның үйіне қондық. 25 ақпан күні үй егесі Қалдан бізге еріп Қызылордаға жүрді, сонымен таңертеңгі сағат 08.30. шамасында арақ заводының қасына келіп тоқтадық. Шаймерден машинадан түсіп, жалғыз өзі заводтың кеңсесіне кетті. Арада 15-20 минут уақыт өткенде Шаймерден қайтып келіп: "шаруаң бітетін болды, машинадағы жәшік пен бос ыдыстарды түсіре беріңдер"- деді. Біз Асқаров Астананың машинасындағы бос ыдыстарды қоймаға өткізуге заводтың қорасына кіріп кеттік. Зайнадин машинасымен сыртта қалып қойды. Біз бос бөтелкелерді өткізіп жатырғанда Шаймерден мен Қалдан екеуі бір жаққа жұмыстарымен кетіп қалды, олар маған қайда баратындықтарын айтқан жоқ. Біздің 500 жәшіктен 128 дана бөтелке сынған екен, сонымен түске дейін өткізіп болдық.

Түстен кейін І4.00-дердің шамасында Қалдан мен Шаймерден қайтып келді. Шаймерден менен сенім қағазды алып кеңсеге екеуміз бірдей кіріп, екінші қабатқа көтерілдік. Шаймерден маған: «сен күте тұр» деп өзі дәлізбен барды да оң жақтағы есікке кіріп кетті, сөйтіп көп ұзамай қайтып шықты. Директор сенім қағазға "500 жәшік арақ босатылсын",- деп қол қойып беріпті. Содан машинаны дайын өнім қоймасының қасына апарып,, арақ тиеуге дайындалып жатырғанда, Шаймерден маған: ақшаңды бер",- деген соң Асқаров Астананың, машинасының кабинасында жатқан көк түсті полиэтилен сумкадан газетке ораулы түрған 50000 (елу мың) сом ақшаны алып бердім, Шаймерден ақшаны алып кетіп қалды. Арада аз ғана уақыт өткенде Шаймерден қайтып келіп, бізге арақ тиеуге көмектесті. Арақты машинаға тиеп болуға жақындағанда Шаймерден маған: "директоры кетіп қалады",- деп кеңсеге барып накладной бастырып, оған директорға қол қойдырып келді, сөйтіп маған: "бас бухгалтерге өзің барып қол қойдырып кел",- деді. Машинаға тиеліп жатырған арақты мен өзім санап қабылдап алып

тұрғанмын, соңғы 10 жәшікті картон қораппен берді. Мен қоймашыға: "бізге алыс жолға мына картон қораптар жарамайды ғой",-деп едім, қоймашы маған: "сен главбухқа барып жолық",- деді. Кеңсенің екінші қабатындағы бас бухгалтердің кабинетіне кіріп: "біз 500 жәшік арақ алуымыз керек еді, 480 жәшік арақ берді, калған 10 жәшіктің орнына картон қораптар берді дедім. Бас бухгалтер маған: "Мен Бекбауов Сайлау деген боламын, қоймадағы жігіттерге айтқан мен едім, мына жігіттер той жасайтын болып тұр, ақшасына 10 қораптағы арақты бер деді, мен кіргенде кабинетінде отырған жігітке. Бекбауов маған тағы да: «сендерде не зат бар, шай бар ма?»- деп сұрады. 0л кезде біздің аудандық тұтынушылар қоғамында шай болатын, себебі алдында 6 тонна шай келгенді. Сол жерде Бекбауов накладнойларға қол қойып берді. Ал жаңағы 10 қорап арақ алатын жігіт маған Бекбауовтың кабинетінде 20000 теңге ақша берді. Сонымен сағат І7.00-дерден өте арақты тиеп заводтың қорасынан шыққаннан кейін, заводқа жақын жерде тұратын Шаймерденнің туысының үйіне бардық. Жаңағы үйдің жанына дейін біздің соңымыздан қызыл түсті "Жигули" машинасымен Бекбауовтың айтқан жігіттері еріп барып біздің машинадан 10 қорап арақтарын алып кетті, ол машинаның нөмірі есімде жоқ, өздерін танымаймын. Біз - Шаймерден, Астана, оның баласы Болат, Қалдан, Зайнадин - бәріміз Шаймерденнің туысының үйіне кіріп тамақтандық, үй егесі мас екен. Тамақтанып болған соң жүруге сыртқа шыққанда Шаймерден менен арақ сұрады, мен «он бес бөтелке жарай ма?» - деп сұрап едім, ол маған: «жоқ 2 жәшік бересің, арақ алып берген ақыма» - деді. Содан мен оған 2 жәшік арақ бердім. 0л шешемнің үйіне соғамын деп кетіп қалды, бұл екі жәшік арақтың ақшасын Шаймерден маған берген жоқ. Шаймерден кетіп бара жатып маған: "Менің есебімнен Калданға 2 жәшік арақ тастап кетесің"- деді.

25-нен 26 ақпанға қараған түні «Бейбтшілік» атындағы кеңшардағы Калданның үйіне қонып шықтық, 26 ақпан күні Астана машина жөндеді. Содан 27 ақпан күні түстен кейін жолға шығып кетіп, 28 ақпаннан 29 ақпанға қараған түні Канимехке келіп жеттік. Шаймерденнің айтуы бойынша Қалданға екі жәшік "Русская водка" арағын тастап кеттім. .

Сұрақ: -Сіздің Алдамарова Бибісарадан 50000 /елу мың/ қарызға алған ақшаларыңыздың купюралары қандай?

Жауап: - Менің Алдажаровадан алған ақшаларымның ішінде 5000 теңгеліктен 8 дана, 1000 теңгеліктен 10 дана, тағы да 500 теңгеліктен 20 дана болды.

Сұрақ: - Сіздің 50000 теңге ақша алып келе жатырғанынызды кімдер білетін еді, Кызылордаға келе жатырғанда кімнің машинасында болдыңыз?

Жауап: -Менің арақ алуға 50000 теңге ақша алып келе жатырғанымды Алибаев Зайнадин, Асқаров Астана, оның баласы Болат, Шаймердендер біледі. Кызылордаға жеткенде Алибаевтың машинасында болдым.

Сұрақ: - Сіздің 50000 теңге ақшаны Садықов Шаймерденге бергеніңіз рас па, ақшаны бергеніңді көрген адамдар бар ма?

Жауап: - Шаймерден заводтың директорының кабинетіне кіріп сенім қағазға қол қойдыртып шыққаннан кейін, біз қоймадан барып арақ тиеуге дайындалып жатырғанда Шаймерден келіп, ақшаны алып кетті, бұл уақытта Астана мен оның баласы Болат машинасының бортын ашып, арақ тиеуге дайындалып жатырған, ал Зайнадин Елібай сыртта машинада, ал Қалданның қайда болғанын білмедім, Шаймерденге ақшаны бергенімді біреулер көрді деп айта алмаймын, бірақ нақты. Шаймерденге бергенім рас.

Сұрақ: - Сіз өзіңіздің 500 жәшік арақ алу үшін Қызылорда арақ заводының директоры Әлиевке арнап делдал Садықов Шаймерден арқылы 50000 теңге бергеніңізді біліп отырсыз ба?

Жауап: - Мен өзімнің 500 жәшік арақ алу үшін берген 50000 акшаның пара екендігін білемін.

Сұрақ: - Садықов Сізден алған 50000 теңге берген, не бермегендігі туралы әңгіме айтқан жоқ, егер болса қашан, қай жерде?

Жауап: - Біз заводтың ішінде машинаға арақ тиеп жатырғанда ақшаны алып кеткен Шаймерден қайтып келіп маған: "ақшаны беріп келдім",- деді.

Сұрақ: - Жауабыңызға қосатыныңыз бар ма?

Жауап: - Жауабыма басқа қосарым жоқ.

Сұрақ: - Сіз өзіңіздің магнит таспасына жазылған жауабыңызды тыңдап шықтыңыз, дұрыс жазылған ба, талап-тілегіңіз бар ма?

Жауап: - Жауабымды өзім тыңдап шықтым, дұрыс жазылған, талап-тілегім жоқ.

Сезікті Нүкеров Назарымбеттің жауабын "Топаз Д-22" маркалы диктафонына жазу 16 сағат 15 минутта басталып, 17 сағат 05 минутта аяқталды.

Хаттама дұрыс жазылған, оқып шықтым.

Сезікті: Н.Нүкеров

Қызылорда ІІБ тергеу бөлімінің аға тергеушісі: М.Махшатов

<предыдущая страница | следующая страница>