8 нче сыйныф

Татар әдәбиятыннан эш программасы

Атнага 2 сәгать исәбеннән (35 атна – 70 сәгать)

Әсәр өйрәнү – 46 сәгать

Бәйләнешле сөйләм үстерү – 16 сәгать

Класстан тыш уку – 6 сәгать
Программа: Татар урта мәктәпләре өчен әдәбият программалары. 5-11 нче сыйныфлар/ Ф.Хатипов, А.Әхмәдуллин. К., “Мәгариф”, 2010
Дәреслек: А.Г.Әхмәдуллин, Ф.Ә.Ганиева. Әдәбият. Татар урта гомуми белем бирү мәктәбенең 8 нче сыйныфы өчен дәреслек-хрестоматия. – Казан: Мәгариф, 2006.
Аңлатма язуы

Эш программасы статусы.
Программа нигезенә Россия, Татарстан Мәгариф һәм фән министрлыкларының мәктәпләрдә урта һәм тулы белем алу стандартлары салынды, “Татар урта мәктәпләре өчен әдәбият программалары 5-11 сыйныфлар”на нигезләнеп төзелде.

Эш программасы структурасы.

Татар әдәбиятыннан эш программасы өч өлештән тора: аңлатма язуыннан, төп бүлекләрне, белем һәм күнекмәләрне үз эченә алган программаның эчтәлегеннән, укучыларның әзерлек дәрәҗәсенә таләпләреннән.

Эш программасының эчтәлеге.

Яңа стандарттагы иң мөһим таләп мондый: мәктәпне тәмамлаганда, «укучы үз алдына максат куярга һәм аны тормышка ашыру юлларын үзе таба алу дәрәҗәсенә күтәрелергә тиеш”. Бу – яңа стандартта эшлекле белем дип атала. Эшлекле белем – стандарт керткән яңалыкның әһәмиятле эчтәлеген ачып бирүче иң гомуми төшенчә. Белем алу гамәлләренең структурасын һәм принцибын стандарт үзе аңлата:

Структурасы – теория ярдәме белән, әдәби әсәрләргә анализ ясап, эчтәлек табу. Белем компонентлары өчәү: теория, өйрәнелә торган объект һәм алар арасындагы бәйләнеш – анализ гамәле.

Татар әдәбиятын укытуның максатлары:

матур әдәбият текстларын форма һәм эчтәлек берлегендә аңлап кабул итү, төп әдәби-тарихи мәгълүматларны һәм әдәби-теоретик төшенчәләрне белү;

дөньяга гуманлы караш, гражданлык тойгысы, патриотизм хисләре, әдәбиятка һәм халыкның мәдәни кыйммәтләренә ярату һәм хөрмәт булдыру, ягъни рухи дөньясы бай булган шәхес тәрбияләү;

әдәби текстны эмоциональ кабул итүне, образлы һәм аналитик фикерләүне, иҗади күзаллауны, китап укучы культурасын һәм автор позициясен аңлауны, сәнгать төрләре белән берлектә әдәбиятның сүз сәнгате буларак үзенчәлеге турында карашны; матур әдәбият әсәрләрен мөстәкыйль уку ихтыяҗын; укучыларның телдән һәм язма сөйләмен үстерү;

әдәбият белеменең нигез төшенчәләренә һәм әдәбият тарихының төп факторларына нигезләнеп, әдәби әсәрне уку һәм анализлау; әсәрләрдәге конкрет-тарихи һәм гомумкешелек эчтәлекне аерып ала белү; телдән һәм язма чыгышларда әдәби тел байлыгыннан дөрес файдалана белү күнекмәләре булдыру.
Укыту планында 8 нче сыйныфта татар әдәбиятыннан атнага 2 сәгать вакыт бирелә. Планны “Татар урта мәктәпләре өчен әдәбият программалары 5-11 сыйныф,” Казан. “Мәгариф” нәшрияты, 2010) нигезләнеп төзедем. Программада 68 сәгать каралган: язучы иҗаты – 46 сәгать. Класстан тыш уку –6 сәгать, бәйләнешле сөйләм үстерү – 16 сәгать.

№	Төп темалар	Сәг.	Белем һәм күнекмәләр
1	“Идегәй” дастаны	2	Дастан турында аңлатма бирелеше.Әсәрнең сәнгатьчә эшләнеше.
2	Язучы иҗаты турында белешмә Фатих Кәрими	2	Тормыш юлы. Иҗаты” Салих бабайның өйләнүе” хикәясе. Анда күтәрелгән төп мәсьәләләр, образларның бирелеше
3	М.Фәйзи.	4	Драматург турында белешмә.”Галиябану” драмасы.Образларның бирелеше.
4	Ш.Камал	3	Тормыш юлы турында белешмә “Акчарлаклар” повесте.Әсәрдә сезонлы эшчеләр тормышының яктыртылышы..
5	Һ.Такташ.	2	Шагыйрьнең татар поэзиясендә тоткан урыны. “Алсу” яшәү шатлыгы, үзеңне бәхетле тою хисләре чагылышы, “Киләчәккә хатлар” поэмалары:утызынчы еллар башында социаль- психологик каршылыкларның киң күренешен сүрәтләү.
6	Г.Бәширов.	4	Иҗаты турында белешмә. “Туган ягым – яшел бишек” Халыкның ерак тарихтан еилә торган яшәү рәвеше, рухи байлыгы, әхлак кагыйдәләре, гореф- гадәтләрен чагылдыру.
7	Муса Җәлил	3	М.Җәлилнең граҗданлык һәм поэтик батырлыгы турында тулырак белешмә бирү.Шигырьләренең язылу тарихы.Лирик геройларның иреккә,көрәшкә омтылышы.
8	Г.Әпсәләмов.	4	Язучының биографиясе.”Алтын йолдыз” романыннан өзекләр.Романда яшьләрнең романтик образлары..
9	М.Юныс.	5	Тормыш юлы. Иҗаты. “ Шәмдәлләрдә генә утлар яня” повесте. Повестьнең тормыш материалыннан чыгып икегә бүленүе, бу өлешләрдә хикәяләү үзенчәлекләре. Бөек Ватан сугышы вакыйгаларының чагылышы.Персонаҗларның эчке кичерешләре сурәтләнеше, татар халкының гореф- гадәтләре һәм йолаларының тасвирлануы.
10	Г.Афзал	3	Тормыш юлы. Иҗаты. “ Дөнья матур, дөнья киң” һ.б. шигырьләрендә Туган ил, халкыбыз турындагы шигьри сурәтләр. “Мыштыбый” – юмор аша кеше батырлыгының чагылыш байлыгын күрсәтү. .
11	Н.Фәттах.	5	Тормыш юлы. Иҗаты. “Итил суы ака торур”(өзекләр) Болгар дәүләте тормышын сүрәтләү.Тарихи роман турында төшенчә.
12	Туфан Миңнуллин	3	Драматург турында белешмә.”Бәхетле кияү”Авыл кешеләре арасында эчкерсез, саф мөнәсәбәтләрнең сурәтләнүе.
13	А.Гыйләҗев.	3	Тормыш юлы. Иҗаты. “ Язгы кәрваннар” Сугыш чоры яшьләренә килгән тормыш һәм хезмәт авырлыкларының чагылышы.
14	С.Сөләйманова.	4	Шигырьләрендәге хисләр байлылыгы, күңел тибрәнешләренең табигыйлеге, поэтик бизәкләргә муллык. Сүз белән сурәт ясау осталыгы..
15	Класстан тыш уку	6
16	Бәйләнешле сөйләм үстерү.	16

Укучыларның әзерлек дәрәҗәсенә таләпләр:

сүз сәнгатенең образлы табигате;

өйрәнгән әдәби әсәрнең эчтәлеге;

классик әдипләрнең тормыш һәм иҗат юлларының төп факторлары;

өйрәнгән әдәби-теоретик төшенчәләр;

әдәби текстны кабул итү һәм анализлау;

әдәби текстның мәгънәви өлешләрен аерып чыгару, укыган буенча тезислар һәм план төзү;

әдәби әсәрнең төрен һәм жанрын ачыклау;

укыган әсәрнең темасын, проблемасын, идеясын ачыклау;

геройларга характеристика бирү;

сюжет, композиция үзенчәлекләрен, махсус сурәтләү чараларының ролен ачу;

әдәби әсәрдәге эпизодларны һәм геройларны чагыштыру;

автор позициясен ачыклау;

укыганга үзеңнең мөнәсәбәтеңне белдерү;

әсәрне (өзекне) сәнгатьле итеп уку;

кабатлап сөйләүнең төрләреннән файдалану;

өйрәнелгән әсәргә бәйле телдән һәм язмача фикерне белдерү;

укыган әсәр буенча фикер алышуда катнашу, фикерләреңне дәлилли белү;

укыган әсәрләргә бәяләмә (отзыв) язу;

татар әдәби теленең нормаларына нигезләнеп, кирәкле темага телдән һәм язмача бәйләнешле текст төзү;

эстетик зәвыкка туры килә торган әдәби әсәрләрне сайлау һәм аларны бәяләү;

аерым автор, аның әсәре, гомумән әдәбият турында кирәкле белешмә әдәбият, вакытлы матбуга, Интернет чаралары һ.б. аша эзләү.

Укыту – методик комплекты

1.“Татар урта мәктәпләре өчен әдәбият программалары”А.Әхмәдуллин.Ф.Галимуллин, Флера Ганиева, Фәнис Исламов.Фәрит Хатипов.- Казан. “Мәгариф” нәшрияты, 2010)

2. Дәреслек. 8нче сыйныфта татар әдәбияты дәреслеге. (А.Г.Щхмщдуллин,Ф.Щ.Ганиева. - Казан: “Мәгариф”, 2006.)

3. Әдәби әсәргә анализ ясау: Урта гомуми белем бирү мәктәбе укучылары, укытучылар, педагогика

колледжлары һәм югары уку йортлары студентлары өчен кулланма/Д.Ф.Заһидуллина,

М.И.Ибраһимов,В.Р.Әминева.-Казан:Мәгариф,2005

4. Әдәбият дәресләрендә бәйләнешле сөйләм үстерү: Татар урта гомуми белем бирү мәктәбенең 5-6нчы

сыйныфларында эшләүче укытучылар өчен кулланма /Я.Х.Абдрәхимова.-Казан: Мәгариф, 2007

5.Урта мәктәптә татар әдәбиятын укыту методикасы. /Д.Ф. Заһидуллина. – Казан: Мәгариф, 2000

6.Татар теле һәм әдәбияты укытучысына. “Яңалиф” 2005.

Тематик план

№	Дәрес темасы	Сәгать саны	Дәрес тибы	Дәрестә кулланылган эш төрләре	Контроль төре	Үзләштерергә яки камилләштерергә тиешле белем һәм күнекмәләр	Өй эше	Дата
1	Халык авыз иҗаты. Дастан турында тө-шенчә. “Идегәй”дастаны. Дастан героеның тарихи җирлеге.	1	Яңа материал белән таныштыру	Әңгәмә-лекция		Халык авыз иҗаты әсәрләрен искә төшерү.Дастан турында төшенчә бирү.Дастан героеның тарихи җирлеге.Ватан һәм милли азатлык мәсьәләләренең хәл ителеше турында,әсәрнең сәнгатьчә эшләнеше,тел байлыгы .	Бер дастан укып килергә “Идегәй” дастанын анализларга өйрәнергә	План	Фак
2	“Идегәй”дастаны. Ватан һәм милли азатлык мәсьәләләренең чишелеше, сәнгатьчә эшләнеше, тел байлыгы.	1	Уку- анализлау Образлар аша анализлау.	Әңгәмә-лекция		Халык авыз иҗаты әсәрләрен искә төшерү.Дастан турында төшенчә бирү.Дастан героеның тарихи җирлеге.Ватан һәм милли азатлык мәсьәләләренең хәл ителеше турында,әсәрнең сәнгатьчә эшләнеше,тел байлыгы .
3	Ф.Кәрими “Салих бабайның өйләнүе” Әсәрнең эчтлеге белән таныша башлау. Мәгърифәтчелек әдә-бияты һәм мәгъри-фәтче язучылар турын-да белешмә	1 1	Яңа материал белән таныштыру.	Укытучы сөйләве	Бирем	Мәгърифәтчелек әдәбияты һәм мәгърифәтче язучылар турында белешмә алу, хикәядә шул чордагы гореф- гадәтләр-нең, кешеләр арасында күркәм мөнәсәбәтләрнең чагылышы. Салих карт образының үзенчә-леге.	Мәгърифәтчелек әдәбияты турында өстәмә материалдан укып килергә. 39 нчы биттәге сорауларга җавап әзерләргә,
4	Ф.Кәрими “Салих бабайның өйләнүе” Хикәядә шул чордагы гореф-гадәтләрнең, кешеләр арасындагы күркәм мөнәсәбәтләр-нең төгәл чагылдыры-луы.	1	Уку- анализлау Образлар аша анализлау.	әңгәмә		Мәгърифәтчелек әдәбияты һәм мәгърифәтче язучылар турында белешмә алу, хикәядә шул чордагы гореф- гадәтләр-нең, кешеләр арасында күркәм мөнәсәбәтләрнең чагылышы. Салих карт образының үзен-чәлеге.
5 6 7 8 9	М.Фәйзи иҗаты. Татар сәнгатендә музыкаль драма туу. “Галиябану” драмасы “Галиябану” драмасында конфликт. “Галиябану” драмасын Йомгаклау Сочинение. “Хәлил белән Галиябану- иске гадәт-йола корбаннары.”	4 1	Яңа материал белән таныштыру Уку- анализлау Образлар аша анализлау. Йомгаклау дәресе Бәйләнешле сөйләм үстерү.	Әңгәмә Рольләргә бүлеп уку. әңгәмә	инша инша	Язучының тормыш юлы, иҗаты турында белешмә бирү. Драма жанры белән танышу. Драмада олы.саф мәхәббәтнең иҗтимагый тигезсезлек белән бәрелешүе. Әсәр тукымасында реалистик һәм романтик алымнар бирелеше. Татар сәнгатендә музыкаль драма туу.	Язучының иҗаты турында сөйләргә өйрәнергә. 3нче пәрдәгә кадәр анализларга өйрәнергә. 85 нче биттәге сорауларга җавап әзерләргә. Сочинение язарга әзерләнеп килергә. Ш.Камалның “Акчарлаклар” повестен укый башларга.
10	Ш.Камалның тормыш юлы, иҗаты. ”Акчарлаклар” повесте.	1	Уку-анализлау	аңлату		Язучының иҗаты белән тирәнрәк таныштыру. Хикәяләрен искә төшерү.	90-93 нче битләрне укырга (дәреслектән)
11 12	.Ш.Камалның “Акчарлаклар” повесте. Сезонлы эшчеләр тормышының яктыртылышы. “Акчарлаклар” повестендә образлар.	1 1	Образлар аша анализлау Белемнәрне тикшерү	Сөйләм үстерү	тест	Язучы әсәрләрендәге табигать күренешләренең сурәтләнеше (пейзаж), кешенең эчке кичерешләренә тәэсирен ачыклау.	Дәреслектән 103 нче биттәге сорауларга җавап әсәрне тулысынча укырга.
13	Контроль сочинение-гә әзерләнү	1	БСҮ
14	Сочинение Контроль сочинение. “Егет кешене кыюлык бизи” яки “Гариф образлары”	1	БСҮ
15	Дәрестән тыш уку. Ш.Бабич. “Халкым өчен”	1	Яңа материал белән таныштыру	әңгәмә	Мөст. эшләү	Ш.Бабич иҗаты турында белешмә алу.Шигырендәге үзнчәлекне билгеләү.	Сыйныфтан тыш уку дәфтәрендә эшләргә.
16	Һ.Такташ , аның татар поэзиясендә тоткан урыны.	1	Яңа материал белән таныштыру	әңгәмә		Шагыйрь иҗаты турында тулырак мәгълүмат алу. Илсөяр Ихсанова – Саралан кызы “Такташка хат” поэмасы белән танышу.	Әдип иҗаты буенча конспект язарга.
17	Һ.Такташ “Алсу” поэмасы	1	Уку дәресе		диск	Поэмада яшәү шатлыгы, оптимизм,үзеңне бәхетле тою хисләре чагылышы.	Поэманы укырга, сорауларга җавап әзерләргә.
18	Һ.Такташ “Киләчәккә хатлар”поэмасы. Идея турында төшенчә.	1	анализлау	әңгәмә		.30 нчы еллар башындагы иҗтимагый тормышның, социаль- психологик каршылыкларның киң күренеше сурәтләнеше, поэмада хатлар формасы.	Дәреслектән 119 бит. Сорауларга җавап.
19	Контроль сочинение-гә әзерләнү	1
20	Контроль сочинение “Киләчәккә хатлар бүгенге укучыга ни бирә?”.	1	Бсү.	Мөст.эшләү.	инша		Дәфтәргә күчереп язып бетерергә
21	Дәрестән тыш уку. Һ.Такташ.”Мәхәббәт тәүбәсе” .	1	Уку-анализлау	әңгәмә			Сыйныфтан тыш уку дәфтәрендә эш.
22	Г.Бәшировның тормыш юлы, иҗаты.	1	Яңа мате-риал белән таныштыру	Әңгәмә- лекция		Язучының иҗаты турында тулырак мәгълумат алу.	Язучы иҗаты буенча конспект.
23 24	Г.Бәширов “Туган ягым – яшел бишек”	2	Уку- анализ ясау.	Образлар аша анализ	Бирем	Халыкның ерак тарихтан килә торган яшәү рәвеше, рухи байлыгы, әхлак кагыйдәләренең чагылышы.	141 биткә кадәр укып, анализларга өйрәнергә..
25	“Туган ягым- яшел бишек” әсәрендә го-реф-гадәтләр, яшәү рәвеше, рухи байлыгы, әхлак кагыйдәләре.	1	анализ	Сөйләм үстерү		Әсәрдә гореф- гадәтләрнең бирелеше.	159 нчы биткә кадәр укырга. анализ.
26	Г.Бәширов иҗатын йомгаклау.	1	Белемнәрне бәяләү.		Тест	Әсәрнең автобиографик хасияте.	Язма эшкә әзерләнеп килергә.
27	Сочинение сыйфатлама . “Халкымның күңел байлыгы”	1	Бсү.	аңлату	инша		Дәфтәргә күчереп килергә.
28	Дәрестән тыш уку. Р.Фәйзуллин шигырь-ләре	1	Уку дәресе	әңгәмә		Шигырьләрендә күтәргән темаларга,аларның үзенчәлекле якларына игътибар итәргә	Дәфтәргә кыскача эчтәлекләрен язарга
29	М.Җәлилнең тормыш юлы, иҗаты.	1	Яңа материал белән таныштыру	Укытучы сөйләве		М.Җәлилнең граҗданлык һәм поэтик батырлыгы турында тулырак белешмә бирү.	Иҗаты буенча конспект язарга..
30	М.Җәлил. “Тик булса иде ирек”, “Соңгы җыр”, “Серле йомгак”шигыре	1	Сәнгатьле уку	әңгәмә	Диск	Шигырьләренең язылу шартлары, лирик геройларның иреккә, көрәшкә омтылышы, яу кырында сугыша алмау үкенече, моңсулык. Лирик герой һәм шагыйрь хисләренең бердәмлеге.	Дәреслектән 179 – 180 биттәге сорауларга җавап.
31	М.Җәлил. “Сандугач һәм Чишмә”балладасы.	1	Яңа материал белән таныштыру	Балладаны анализлау	тест	Баллада җанрын искә төшерү.Кош һәм чишмә образлары аша Туган ил азатлыгы өчен көрәшнең изгелеген раслау.	“Серле йомгак” шигырен ятларга.
32	М.Җәлил шигырьләрен яттан сөйләү, алар буенча фикер алышу.		БСҮ
33	Сочинение. “М.Җәлил иҗатында ил язмышы”		БСҮ	Мөст.эшләү.		Тылдагы батырлык турында әсәрләр.Авылдашларның Бөек Ватан Сугышына керткән өлеше, Әтнә районыннан чыккан геройлар, хезмәт ветераннарын барлау.
34	Г.Әпсәләмов иҗаты.	1	Яңа материал белән таныштыру	Укытучы аңлатуы		Язучының тормыш юлы, иҗаты турында тулырак белешмә алу.	.язучы иҗаты буенча хронологик таблица төзергә
35	Г.Әпсәләмов.”Алтын йолдыз” романы (өзекләр)	1	Уку – анализ ясау	әңгәмә	Сорауларга җавап	Романда яшьләрнең романтик образларның бирелеше..	Эчтәлек сөйләргә .
36	Г.Әпсәләмов. “Алтын йолдыз” романы.	1	Уку - анализлау	әңгәмә		Яшьләрнең холык – омтылышларының сугыш кырында сыналуы	Образларга характеристика
37	Г.Әпсәләмов иҗатын йомгаклау.	1	йомгаклау	әңгәмә	Тест касета	Әсәрдә романтик пафос.Роман турында белешмә.	Романны тулысы белән укырга.
38	Дәрестән тыш уку. Р.Төхфәтуллин. ”Йолдызым”	1	Образлар аша анализлау дәресе	әңгәмә		Р.Төхфәтуллин иҗатының үзенчәлекле ягына төшенү.Мәдинә образы аша хатын – кызның әхлаклылык, сабырлык сыйфатларын чагылдыруы.	Кыскача эчтәлекне язарга.
39	Сочинение “Җырга әйләнгән гомер”	1	Бсү		инша		Дәфтәргә язып килергә
40	Миргазиян Юныс иҗаты, тормыш юлы.	1	Яңа материал белән таныштыру	лекция		М.Юнысның тормыш юлы, иҗаты турында белешмә. “Шәмдәлләрдә генә утлар яна “ повестенда Бөек Ватан сугышы чагылышы.	Образларга характеристика бирергә.
41	“Шәмдәлләрдә генә утлар яна” повестен хикәяләү үзенчәлек-ләре.	1	Уку-анализ ясау	әңгәмә		Персонажларның эчке кичерешләре сурәтләнүе.	Әсәрне укып бетерергә.
42	“Шәмдәлләрдә генә утлар яна “ повестендә уздырылган фәлсәфи фикерләр, хикәяләүдә табигыйлек.	1	Йомгаклау дәресе	Образлар аша анализ		Әсәрдә татар халкының гореф-гадәт- йолаларының тасвирлануы.	Татар гаиләсен -дәге гореф-гадәт-йолалар турында язарга.
43	Образларга характе-ристика бирү. Бергәләп тикшерү, тулыланды-ру, редакцияләү.		БСҮ
44	Гамил Афзал иҗаты “Дөнья матур, донья киң”, “Мыштыбый”	1	Яңа материал белән таныштыру	Укытучы сөйләве	диск	Шагыйрь турында белешмә алу.Шигырьләрендә Туган ил, туган җир, халкыбыз турындагы шигъри сурәтләр.Юмор аша кеше батырлыгының чагылыш байлыгын күрсәтү.	Шигырьләрне анализларга.
45	Г.Афзал “Тәнкыйть сүзе”, “Ялкау кызлар”, “Өф-өф итеп” .	1	Образлар аша анализ ясау, йомгаклау дәресе	әңгәмә	диск	Көлү объектлары һәм предметлары.Аларның халыкчан җирлекләре һәм халыкчан чаралар кулланылу.Сатира турында белешмә .	Шигырьнең берсен ятларга.
46	Н.Фәттах иҗаты. турында белешмә.	1	Яңа материал белән таныштыру	Укытучы сөйләве	Биремнәр	Язучының тормыш юлы, иҗаты турында белешмә, әдәбиятта тоткан урыны.	Иҗаты бунча конспект.
47	“Итил суы ака торур” 194- 205 бит.	1	Уку-анализ ясау	әңгәмә		Болгар дәүләте тормышының сурәтләнеше.	Дәреслектән 205нче биттәге сорауларга җавап.
48	“Итил суы ака торур” Болгар дәүләте тормышын, кабиләләр тартышын, гореф-гадәтләрен тасвирлау.	1	Образлар аша анализ.	әңгәмә	Биремнәр	Болгар дәүләтендә кабиләләр тартышы, гореф- гадәт, йолаларның бирелеше.	Эчтәлек сөйләргә, сорауларга җавап.
49	“Итил суы ака торур” Тотыш холкының роле.	1	Белемнәрне ныгыту	әңгәмә		Романдагы образлар, аларның хисләрен тасвирлау, сюҗетка киеренкелек һәм җанлылык бирүдә Тотыш холкының роле.	Тотыш образына характеристика.
50	Н.Фәттах иҗатын йомгаклау. Тарихи роман турында төшенчә. .	1	Йомгаклау дәресе.	Мөст. эшләү	тест	Тарихи романнар турында белешмә. Иҗатының үзенчәлекле якларын күрсәтү..	“ Тарихыбыз түреннән килгән аваз һәм рух” – инша язарга.
51	Контроль сочинениегә әзерлек.		БСҮ	Мөст. эшләү		Эзлекле фикерләү сәләтен , тел байлыгы баету күнекмәләре формалаштыру.	Язма эш дәфтәренә язып килергә.
52	Контроль сочинение «Тарихлардан килгән хакыйкать”		БСҮ	Мөст. эшләү		Эзлекле фикерләү сәләтен , тел байлыгы баету күнекмәләре формалаштыру.	Язма эш дәфтәренә язып килергә.
53	Дәрестән тыш уку Рабит Батулла “Сөенбикә” романы.	1	Класстан тыш уку.	әңгәмә	Альбом.	Язучы турында белешмә.Сөембикә – ханбикә турында тулырак мәгълумат алу.	Сөембикәгә хас сыйфатларны язарга.
54	Туфан Миңнуллин иҗаты.	1	Яңа материал белән таныштыру.	Әңгәмә.		Язучы турында тулырак белешмә.Татар милләтен саклау өчен зур көч куюы, безнең район депутаты булуы турында.	Язучы иҗаты буенча хронологик таблица төзергә.
55	Т.Миңнуллин “Бәхетле кияү	1	Рольләргә бүлеп уку.	Иҗади эш	диск	Авыл кешеләре арасындагы эчкерсез, саф мөнәсәбәт һәм мөгамәләләрнең кызыклы ситуацияләрдә ачылуы..	Образларга характеристика.
56	“Бәхетле кияү” Әсәр үзенчәлекләре.	1	Йомгаклау дәресе	әңгәмә	Бирем	Драмадагы мөлаем, яратып көлү өчен кулланылган чаралар.	Соңгы вакытта язылган бер драмасын укырга
57	Аяз Гыйләҗев иҗаты, тормыш юлы.	1	Яңа материал белән таныштыру	Укытусы аңлатмасы		Язучының тормыш юлы, иҗаты турында белешмә	А.Гыйләҗев иҗаты буенча хрон. табл. төзергә.
58	А.Гыйләҗев “Язгы кәрваннар” Сугыш чоры авырлыкларының чагылышы.	1	Уку- анализлау.	әңгәмә		Сугыш чоры яшьләренә килгән тормыш һәм хезмәт авырлыкларының \чагылышы.	283 нче биттәге сорауларга җавап.
59	А.Гыйләҗев “Язгы кәрваннар”	1	Образлар аша анализлау,йомгаклау дресе.	әңгәмә	тест	Әсәрдә халыкның күңел төшенкелегенә бирелмәве, яшьлек хисләренең юл яруы, эчке кичерешләрнең төгәл чагылдырылуы.	.Сыйныфтан тыш укуга әзерләнеп килергә.
60	Дәрестән тыш уку. А.Расих “Урланган хәзинә”	1	Класс.тыш уку	әңгәмә		Әсәрдә күтәрелгән төп проблемалар.	Дәфтәргә кыскача эчтәлек язарга.
61	С.Сөләйманова иҗаты.	1	Яңа материал белән таныштыру	әңгәмә	диск	Хатын – кыз язучының иҗаты белән, тормыш юлы белән таныштыру.	Иҗаты буенча тест сораулары әзерләргә.
62	С.Сөләйманова. “Туган җирем, эчкән суым”, “Кеше барыбер кошлар нәселеннән”	1	Уку- анализлау	Сәнгатьле уку	Биремнәр	Шигырьләрдәге хисләр байлылыгы күзәтелү.	Шигырьдәргә анализ ясарга.
63	С.Сөләйманова. ”Кеше”, “Сулар ага, күлләр күккә бага...”	1	Уку- анализлау	Сәнгатьле уку		Иҗатында күңел тибрәнешләренең табигыйлеге, поэтик бизәкләргә муллык күзәтелү.	Бер шигырен яттан өйрәнергә.
64	С.Сөләйманова. “Этюд”, “Тагын узды кыңгыраулы язлар...”	1	Йомгаклау дәресе.	әңгәмә	тест	Шагыйрәнең сүз белән сурәт ясау осталыгына игътибар итү.	304- 305 нче биттәге статьяны укырга.
65	Дәрестән тыш уку Ш.Галиев.”Камырша”, “утсыз төтен булмый”, “ Үзең нинди?”, “Тимерче Гомәр белән гомер” Р.Харис. “Ант суы”, “Борылышта”	1	Класстан тыш уку	әңгәмә		Мөстәкыйль укылган әсәрләргә бәя бирү, бу язучыларның иҗатларында күтәрелгән темалар.	Р.Харисның бер шигыренә анализ ясарга.
66 67	Ел буена өйрәнгәннәр-не гомумиләштереп кабатлау.	2	Конторль дәрес	Әңгәмә- лекция	Тест
68	Ел буена өйрәнгәннәр-не гомумиләштереп кабатлау.	1		Әңгәмә		Яңа уку елы программасы белән таныштыру, узган уку елына анализ ясау
70	Йомгаклау дәресе	1	Йомгаклау дәресе

<предыдущая страница | следующая страница>